قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٥ و ٦

قصة : { #رحمة_بالفؤاد } 💔🕸️

الحلقة الخامسة { ٥ } 🥀

علاء : وانا اضمن منين إن شاء الله
زينة : ي سيدي هتنازلك عن كل حاجة بس طلقتي
علاء : معييش حق المأذون
زينة : انا هدفعه بس خلصني بقا ، انزل هاتوا
علاء : مستعجلة ع ايه يختي ، شيفالك شوفة ولا ايه ؟!
الام ب انفعال : شافك عزرائيل ي بعيد ، هتنزل تجيب ام المأذون ي راجل انت ولا ارتكب فيك جريماااا !
علاء وهو بيقوم : لا وع ايه ، قايم كتكوا الهم
( ف بيت رؤى ، قاعدة ف اوضتها بتقرأ قرأن ، يرن فونها )
رؤى : صدق الله العظيم
( تمسكه )
رؤى : الو
ريتاج : ايه ي بت ، مجتيش الشغل ليه شفت الليل ؟!
رؤى : عندي حبة ظروف وتعبانة شوية
ريتاج : ظروف ايه حصل ايه ؟!
( تنزل دموع رؤى )
رؤى : ظروف
ريتاچ بقلق : في ايه ي بنتي قوليلي !
( تحكيلها ، عند زينة ، يوصل علاء بالمأذون وميرضاش يطلق إلا لما تتنازل عن كل حقوقها وتعمل كدة فعلاً )
الام : قومي يلا لمي هدومك
زينة : طب هروح فين ؟!
علاء : انا ممكن أأجرلك الشقة كام يوم عبال م تشوفي مطرح
الام بغيظ : ي بنتي قومي قبل م ارتكب جريمة هناااا !
زينة : حاضر
( تقوم زينة تلم هدومها وتمشي مع امها ، ف الطريق ، الأم بتتكلم ف الفون )
الام : الله يخليكي ي ست فيروز ، تسلمي يارب ، مع السلامة
( تقفل الأم )
زينة : قلتلها ؟
الام : اة قالتلي تنور
زينة : انا مش عارفة انتي دربكتي نفسك ليه ، م كنت رحت قعدت عند خالتي هنادي
الام : ي بنتي خالتك هنادي ظروفها صعبة ، وانتي لسة مرسأتيش امورك وهتحتاجي الشغل
زينة : يعني ست فيروز هتديني مرتب ؟
الام : ايوة زيك زي سارة
( تسكت زينة ، ف بيت نادية جارة رؤى )
نادية وهي بتشرب القهوة : تعرفي ي مريم ، نفسي اوي رؤى تكون من نصيب اخوكي
مريم ب استغراب : حتى بعد الي حصل ل ابوها دة !
نادية : ايوة ، لإني عارفة البنت نفسها ماليش دعوة ب ابوها ، وبعدين هو مش مسجون ف قضية قتل يعني
مريم : دة انيل !
نادية : برضو الي هاممني هي
مريم : وابنك هيوافق بقا ، دة طالعلنا فيها ورؤى منقبة مظنش هيحب الجو دة !
نادية : م انا متكلة بقا ف الموضوع دة عليكي ، هو بيسمع كلامك
مريم بفهم : اااه الكلام ع تدبيسة ، ع العموم انا معنديش مشكلة انا بحب رؤى
نادية : يرجع م السفر الأول بس ويحلها ربنا
مريم : إن شاء الله
( توصل ام زينة وبنتها بيت فيروز ، ف بيت رؤى ، قاعدة مع فوزية )
رؤى ودموعها بتنزل : المشكلة إنك تبقي قاعدة كدة ف امان الله ومصيبة تنزل زي البرق ع دماغك تتوهك وتلغبطك ، المفروض اعمل ايه طيب ، والله م عارفة !
فوزية : والله ربنا هيحلها ، هو مبينساش عبيده ابداً
رؤى : يارب بقا
فوزية : لازم تنزلي شغلك وتشوفي الي وراكي ، القاعدة دي مش هتخرجهولنا
رؤى : حاضر
( ف بيت فيروز ، يرن جرس الباب ، تفتح زينة )
زينة بفرحة : احمد ، ااا استاذ احمد اتفضل !
احمد وهو بيدخل : زينة صح ؟
زينة ب ابتسامة : اة
احمد وهو بيسلم عليها : ازيك ؟
زينة : الحمدلله ، حضرتك عامل ايه ؟
احمد : بخير الحمدلله ، نورتي
زينة : الله يخليك
احمد وهو بيبص لدراعها : الف سلامة عليكي
زينة : الله يسلمك
( تقرب ام زينة )
الام : معلش بقا ي بني زينة هتقعد معانا ، اصل اطلقت
( تتحرج زينة )
احمد بحزن : لا حول ولا قوة إلا بالله ، ليه كدة !
الام : نصيبها الأسود ، ربنا وقعها ف واحد ابن ستين ..................
زينة ب احراج وحزن : ماما خلاص السيرة دي والنبي !
احمد : متزعليش دة مش نصيبك ، ربنا اكيد شايلك الأحسن
الام : قولها والنبي ، دي مقطعة نفسها م العياط م الصبح
احمد : مفيش حاجة بترجع بالعياط ، هتفضلي تهدي ف نفسك بس ، ف روقي وربنا هيعوضك
زينة : انا زعلانة ع نفسي مش عليه ، بس الحمدلله ع اي حال
احمد : الحمدلله ، ربنا يعوضك خير
زينة : يارب
احمد : عن اذنكوا
زينة وامها : اتفضل ، اتفضل ي بني
( يطلع احمد اوضته ، تفضل زينة بصاله ، ترجع المطبخ )
سارة بمرح : منورة ي زنزووووون
زينة ب ابتسامة : حبيبتي
( تعدي الأيام ، يوم جلسة ابوا رؤى ، ف بيت أيان )
احمد : يعني مش جايين ؟
فيروز : لا عمار لسة عنده شغل هناك
احمد : ماشي ، اومال فين ايان عاوزين نمشي
( ينزل ايان )
احمد ل ايان : يلا ؟
ايان : يلا
( يمشوا يروحوا المحكمة ، ف بيت رؤى )
رؤى بزعل : ازاي يطلب إني مرحش !
فوزية : معلش ي حبيبتي مش عاوزك تحضري الموقف دة
رؤى بخوف : موقف ايه ، هو ممكن يحصل حاجة وحشة !
فوزية : والله ي بنتي منضمنش ، حتى الأن مفيش حاجة تطمنا إن الموضوع دة هيعدي ع خير ، ف اي حاجة ممكن تحصل
رؤى بقلق : انا خايفة اوي ومش مصدقة كل الي حصل دة ، افرضي اتسجن انا هعمل ايه من غيره ، هروح لمين واحنا مكانش لينا غير بعض ، بجد انا هعمل ايه مش عارفة !
فوزية : ادعيله إن حتى لو فيها حكم ف يكون حكم خفيف وميطولش عليكي
رؤى بخوف : يارب يارب 
فوزية : هو المحامي الي هيبلغنا حصل ايه صح ؟
رؤى : اة هيتصل بيا اول م يخلص
فوزية : خير ب اذن الله
( ف المحكمة ، تبدأ المحاكمة وتتقدم الأوراق المطلوبة والدفاع يترافع ، يعدي الوقت )
القاضي : حكمت المحكمة حضورياً ، ع المتهم فريد وليد البحيري ، بالسجن ، عشرة اعوام
( تبتسم فيروز وأيان ويبصله احمد بحزن )
فريد بخضة : ليه ليه يعني لييييه ، استغفر الله العظيم ، اسغفر الله العظيم يارب !
( يعدي الوقت ، ف بيت رؤى ، قاعدة مع فوزية ونادية جارتها ومريم ، يرن فونها ، تمسكوا بسرعة )
رؤى بلهفة : الو
هشام : انسة رؤى ، المحاكمة خلصت
رؤى بقلق : وحصل ايه قولي
هشام : للأسف اتحكم عليه بعشر سنين سجن
رؤى بخضة : احيه عشر سنين !
( يتخض الكل وتنزل دموعها )
رؤى بعياط : كتير كتير والله كتير !
هشام : انا اسف بس القضية كانت معقدة اوي
رؤى بعياط : ااااه
هشام : المهم إن المحكمة مديا لحضرتك مهلة لحد بكرة بالليل عشان تسيبي البيت لإن هيتحجز ع كل الأملاك
( تقفل رؤى وتقعد تعيط ويهدوها )
رؤى : ااااه يارب
مريم : اهدي ي رؤى !
رؤى بعياط : سجنوه سجنوه
نادية : ربنا عاوز كدة ي حبيبتي متزعليش
رؤى : مش قادراااا ، حجزه ع كل حاجة كمان ، هترمي ف الشارع من بكرة !
نادية : متقوليش كدة احنا اهلك ، من دلوقتي تلمي حاجاتك وتنزلي معانا
رؤى : مش هينفع ي طنط
نادية : لا ينفع ، قومي معاها ي مريم ساعديها
( تاخدها مريم ويقوموا يدخله جوة )
فوزية بحزن : كان مستخبلنا فين دة كله ياربي !
نادية : قولوا الحمدلله إنه مخادش حكم اكبر من كدة
فوزية : الحمدلله ع اي حال ، انا لازم امشي
نادية : هتروحي فين ؟
فوزية : هسافر البلد عند عمتي ، كفاية عليكم رؤى ، انا والله لولا الظروف ل كنت اخدتها معايا ، بس هي مش هتستحمل عيشة هناك وبعيدة ع شغلها ، خلي بالك منها بالله عليكي دة حتة مني