قصة : { #رحمة_بالفؤاد } 💔🕸️
الحلقة الخامسة عشر { ١٥ } 🥀
ايان وهو بيقوم : مش زعلان ، مش هتنامي هتصحي بدري للشغل !
رؤى : اة هقوم
( يقرب يبوس دماغ ريتا ف حضنها ، تتحرج رؤى ووشها يحمر إنه قريب منها اوي كدة )
ايان : تصبحي ع خير
رؤى بتوتر : وانت بخير !
( يروح أيان اوضته ، تحط رؤى ريتا ع السرير وتروح اوضتها ، جوة شقة ، قاعدة اخت ولاء ، يخبط الباب ، تقوم تفتح )
صابرينا : عملتي ايه ؟
ولاء وهي بتدخل : مرضاش برضو
( تدخل تقعد )
ولاء : الحيوان بهدلني !
صابرينا : يبقا مفيش غير الحل الي قلتلك عليه
ولاء : ي بنتي افهمي ، مينفعش ارفع قضايا وهو معاه تقارير مستشفى توديني ف داهية ، تقرير الأجهاض من غير سبب طبي ضروري وتقرير تعويرة ريتا ، انا الي هروح ف داهية كدة وهتحرم منها فعلاً باقي العمر
صابرينا : طب اومال هنعمل ايه ، هتسبيله البنت خلاص ؟!
ولاء : لا طبعاً
( أيان ف اوضته واقف ف البلكونة بيفكر ، يفتكر لمستها لكتفه واد ايه كانت طبطبتها بحنان ، ويفتكر حنيتها ع ريتا ، يغمض عيونه وياخد نفس طويل من قلبه ، تاني يوم ، ييجي الليل ، يوصل ايان قدام مستشفى رؤى عشان ياخدها ، يرن ع فونها محدش يرد ، يتنهد وينزل م العربية ويدخل المستشفى ، دكاترة واقفين سوا )
............ : الباشا وصل
............ : باشا مين ؟
............ : المز ابن عم رؤى
( يقرب عليهم )
ايان : مساء الخير
............ : مساء النور ، اكيد بتدور ع رؤى
ايان : اة
......... : هي ف الطوارئ ، بس المرة دي عيانة مش دكتورة
( يتخض ايان )
ايان : عيانة ليه حصل ايه ؟!
............ : اغمى عليها ف ركبولها محلول
( يمشي ايان بسرعة )
............ : شوفته الخضاااااا !
............ : هههههه
............ : شكلنا هنتعزم ع فرح قريب
( يدخل ايان الطوارئ )
ايان : لو سمحتى فين رؤى ؟
........... : دكتورة رؤى تعبانة ومتركبلها محاليل ، مش هتقدر تقوم دلوقتي !
ايان : ايوة انا ابن عمها ، هي ف انهي مكان ؟
........... : السرير دة بس مينفعش تدخل عشان رافعة النقاب
ايان بقلق : طب هي كويسة ، ايه الي حصلها ؟!
............ : متقلقش هو بس الجو وحش انهاردة وفرهدة ، ف هي مستحملتش اتخنقت عشان كمان نقابها ، بس انا بفضل إنك توديها لدكتور متخصص يشوفها ، لإنها مش اول مرة تتخنق كدة والمرة دي اغمى عليها
ايان : اة ، اوك !
........... : ممكن تستنى برة عشان الدنيا زحمة هنا ، هي اول م تخلص المحلول هتمشي
ايان : اوك
( يقعد ايان قدام الطوارئ ، يعدي الوقت ، يرن فونه )
ايان : الو ، لا مش هعرف اجي دلوقتي حاول تصد مكاني ، معلش هعوضهالك ، لا والله مش هينفع ف مشوار ضروري ، ي عم ماشي سهلة حاضر ، تسلم ، سلام
( يقفل ايان ، يعدي الوقت ، بعد نص ساعة ، تطلع رؤى م الطوارئ ماشية بتعب ، يشوفها ايان ، يقوم يقف )
ايان : انتي كويسة ؟
رؤى بتعب : اة ، متقلقش
( تقعد ع كرسي )
ايان بقلق : انتي شكلك تعبان خالص !
رؤى : لا بس عشان نمت ، هغسل وشي هفوق
( تقوم تقف وتقرب ع التويليت تدخل ، يتنهد أيان ، بعد دقايق قصيرة ، تطلع رؤى )
ايان : ايه ؟
رؤى وهي بتقعد : انا كويسة والله
ايان : مش باين عليكي والدكتورة قالت إن دي مش اول مرة !
رؤى : كنت بتخنق ، بس محصليش اغماء قبل كدة !
ايان : طب نطلع ل اي دكتور ف المستشفى يطمنا
رؤى : مش قادرة استنى ، عاوزة اروح
ايان وهو بيقوم : خليكي هنا دقتين ، هسأل ولو لقيت لساله كتير هروحك
رؤى : اوك
( لسة هيمشي ...................... )
رؤى : ايان
ايان : نعم ؟
رؤى : دكتورة مش دكتور
ايان بفهم : اوك
( يطلع فوق العيادات يحجزلها عند دكتورة وينزل )
ايان وهو بيقرب عليها : مفيش حد حجزتلك اول واحدة
رؤى : طب الحمدلله
ايان وهو بيمدلها ايده : تسندي عليا
رؤى بتوتر : ااا ، انا كويسة متقلقش
ايان : طيب ع مهلك
رؤى : حاضر
( تقوم رؤى ويمشوا واحدة واحدة لحد م يطلعه العيادات ، تقعد رؤى ويقرب ايان ع السكرتارية )
ايان : لسة حاجز ب اسم رؤى فريد
السكرتيرة : اة دقيقة وهدخلها ، الدكتورة بتجهز
ايان : اوك
( يرجع ايان ل رؤى )
ايان : دقيقة وهتدخلي دلوقتي
رؤى : اوك
( يقعد جنبها )
ايان : لسة تعبانة ؟
رؤى : حاسة نفسي ضيق شوية !
معلش : معلش دلوقتي هتبقي كويسة
رؤى : يارب
الممرضة : رؤى فريد ، اتفضلي
( تقوم رؤى وايان يدخله للدكتورة )
الدكتورة : ايه ي دكتور الف سلامة
رؤى وهي بتقعد : الله يسلمك
الدكتورة : ايه خير مالك ؟!
رؤى بتعب : بقالي كذة مرة كدة بحس بضيق تنفس ، وكأن حد بيخنقني مببقاش عارفة اخد نفسي ، بس انهاردة اغمى عليا
الدكتورة وهي بتقوم : طب تعالي نكشف
( تقوم رؤى تقعد ع السرير ، تقرب الدكتورة تقفل الستارة وتكشف عليها ، تخلص وتطلع تقعد )
ايان : خير ي دكتور ؟
الدكتورة وهي بتكتب الروشتة : صدرها تعبان شوية ، هنمشي ع العلاج وهتعملي اشعة وتجبهالي ، حاولي تكوني ف اماكن مفتوحة وبلاش لبس النقاب ب استمرار يعني وانتي ف البيت اقلعيه
رؤى : مهو صعب اقلعه ف البيت لإن في رجالة !
الدكتورة بفهم : امممم ، ربنا يستر ومتقلعهوش خالص
( تتخض رؤى )
رؤى : ليه كدة ؟!
الدكتورة : لو في حاجة ف الأشعة لقدر الله هتطري تقلعيه ، اتفضلي
( تديها الروشتة ، تضايق رؤى )
الدكتورة : هتطلعي تعملي الأشعة دلوقتي وترجعيلي تاني
رؤى بحزن : حاضر
( تقوم رؤى تمشي وايان وراها )
ايان : رؤى
رؤى وهي بتقف : ايوة ؟
ايان : مالك ليه متضايقة ؟!
رؤى ودموعها بتنزل : مبحبش اتعب ، تعبي بيهدني !
ايان : ب اذن الله هتكون حاجة بسيطة اتفائلي خير
رؤى : يارب
( يطلعه يعمله الأشعة وينزله بيها تاني للدكتورة )
الدكتورة وهي بتشوف الاشعة : بصي هو في مشكلة ، في التهاب رؤي بسيط
رؤى بقلق : يعني دة خطر ولا ايه ؟!
الدكتورة : لا لا نهائي ، بس هتفضلي تحسي بالخنقة لو هتفضلي لابسة النقاب لإن تنفسك ضعيف مع اي مجهود
رؤى : اة !
الدكتورة : شوفي برضو انتي هتعملي ايه
رؤى : اوك ، شكراً ي دكتور
الدكتور : العفو
( يطلعه م المستشفى ، يقرب ايان يفتحلها باب العربية ، تركب ويسوق ويمشوا ، ف الطريق )
ايان وهو بيبصلها ف مراية العربية : متضايقة صح ؟
رؤى بحزن : جداً
ايان : معلش صحتك اهم
رؤى : بس دة اكيد حرام
ايان : سيبي الموضوع دة عليا ، ليا واحد صاحبي شيخ بثق ف رأيه هسألهولك
رؤى : طب اوك ماشي
ايان : فكي بقا ، ربنا بيسامح مدام غصب عنك
رؤى : أسألي برضو عشان لو حرام مش هقلعه
ايان : حاضر والله هسألك واقولك
رؤى : اوك
( يعدي الوقت ويوصله قدام البيت )
رؤى : عندك شغل ؟
ايان : اة ، بس مش هتأخر ، يلا ادخلي
رؤى : اوك
( تنزل م العربية )
ايان : رؤى
( تبصله )
ايان : متزعليش
( تبتسم وتشاورله ب اة وتطلع اوضتها ، يمشي ايان يرجع شغله ، يدخل مكتبه ويمسك فونه )
ايان : عليكم السلام ، ايه ي بني محدش شايفك ، الله يعينك ، انا تمام الحمدلله ، كنت عاوز اسألك عن حاجة كدة
أنت تقرأ
قصة : ( رحمة بالفؤاد ) ل سهيلة سعيد المنجي ، فكرة : نور عمر
Roman d'amour_ كل واحد بيعبر عن حبه بطريقته ، فيه الي بالحنية في بالاهتمام في الي بيصون ويحافظ ، وفيه كمان الي بييجي معاه عكس كل دول ، بالقسوة ، كل م يحب ويملك كل م يقسى .
