قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ١ و ٢

قصة : { #رحمة_بالفؤاد } 💔🕸️

الحلقة الأولى { ١ } 🥀

( جوة ڤيلا ، ناس قاعدة ، تقرب عليهم بنت )
............ : انت كويس ؟!
............ : اة كويس ، شيطانك كويس ولسة حي

*( فلاش باااااااااااك )*

*( شهر 6 ، سنة 2021 )*

( ف اسكندرية ، جوة شقة كبيرة وشيك ، بنت واقفة قدام مرايتها بتظبط هدومها ، تدخل واحدة ست كبيرة )
فوزية : صحيتي ي قمري ؟
رؤى وهي بتثبت خمارها : اة من بدري

*( ملحوظة .. رؤى بنت جميلة ، بشرتها بيضة ، وشها صغير ومدور وخدودها حمرا من غير ميكب ، شعرها اسود طويل ، عيونها اخضر غامق وواسعة ، قصيرة وجسمها رفيع مظبوط ، منتقبة ولبسها واسع متدينة ، عندها ٢٦ سنة ، بتشتغل دكتورة باطنة طوارئ ف مستشفى ، ملهاش اخوات ، مامتها متوفية لما ولدتها وبباها رجل اعمال ومش مختلط ب اهله نهائي من سنين ، ظروفهم المادية كويسة جداً ، فوزية تبقا الست الي ربتها من بعد موت مامتها )*

فوزية : طب يلا عشان تفطري
رؤى وهي بتلم حاجاتها : لا لا مش هلحق 
فوزية : ي بنتي هتنزلي من غير فطار ، مش هتركزي كدة
رؤى : معلش ي قلبي ، لسة هروح النادي ل ريتاچ وبعدين نطلع ع المستشفى
فوزية : ربنا يعينك ويقويكي يارب
رؤى وهي بتقرب عليها : امين يارب
فوزية : صليتي ؟
رؤى : اة الحمدلله
فوزية : طب يلا انزلي ع مهلك ، وابقوا افطروا ف السكة مدام رايحين النادي لسة
رؤى : حاضر ، بابا صحى ؟
فوزية : لا لسة هدخل اصحيه عشان ميتأخرش ع الشغل
رؤى : طيب عاوزة حاجة وانا جاية ؟
فوزية : لا ي حبيبتي سلامتك
رؤى وهي بتبوس دماغها : الله يسلمك
( تنزل رؤى ع السلم ، تشوف واحدة ست )
نادية : صباح الفل ي رورو
رؤى ب ابتسامة : صباح النور ي طنط نادية
نادية : رايحة الشغل ؟
رؤى : اة ادعيلي
نادية : ربنا يقويكي ويديكي ع اد تعبك ي قلبي
رؤى : تسلميلي ⁦
( تنزل رؤى تطلب اوبر وتروح النادي ، تقابلها صاحبتها )
ريتاچ : فكرتك مش جاية !
رؤى : لا مقدرش ، دة بستنى م الأسبوع للأسبوع
ريتاچ : طب يلا بينا
( ف مكان تاني راقي جداً ، جوة ڤيلا كبيرة ، قاعدين ع السفرة واحدة ست كبيرة وشاب ف التلاتينات وطفلة عندها ٣ سنين ، يخبط الباب ، تفتح الشغالة ، يدخل شاب ، تشوفه البنت تقوم تجري عليه )
ريتا بحماس : بابييييي
أيان وهو بيشيلها : قلب بابي

*( ملحوظة .. أيان شاب وسيم ، بشرته قمحية ، شعره اسود طويل شوية نازل ع جناب جبينه ، عيونه اخضر غامق ، طويل وعريض جسمه رياضي ضخم ، عنده ٢٩ سنة ، بيشتغل ظابط ، ليه اخ اكبر منه ، ريتا تبقا بنته عندها ٣ سنين ، أيان كان متجوز وانفصل من خمس شهور وبنته عايشة معاه ف بيت اهله ووالده متوفي )*

ريتا وهي بتحضن فيه : وحشتنيييي ⁦
أيان بحب : وانتي كمااان
احمد : حماتك بتحبك ، تعالى افطر