قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ١١ و ١٢

قصة : { #رحمة_بالفؤاد } 💔🕸️

الحلقة الحادية عشر { ١١ } 🥀

رؤى : من اولى ثانوي
ايان : كتير اوي !
رؤى : حبيته صراحة ف لبسته
ايان : ربنا يثبتك
رؤى : امين يارب
( يوصلوا قدام المستشفى )
رؤى : شكراً ي ايان ، عطلتك عن شغلك
ايان : ولا يهمك ، قوليلي بتخلصي امتى اجي اخدك
رؤى : لا لا كفاية كدة
ايان : ي بنتي قوليلي يمكن اكون خلصت شغل انا كمان
رؤى ب احراج : مش عاوزة اتعبك اكتر من كدة !
ايان : مفيش تعب ولا حاجة ، مينفعش كمان ترجعي بالليل لوحدك 
رؤى : انا متعودة ع كدة والله
ايان : كان زمان الكلام دة ، الوضع بقا مختلف دلوقتي انتي امانة عندنا ، اديني رقمك 
( تتخض رؤى )
ايان : عشان ابقا اكلمك قبل م اجي اعرف مشيتي ولا لسة ف المستشفى
رؤى : اة 
( يمدلها ايده بالفون بتاعه )
ايان : اكتبيه
( تتوتر رؤى وتطر تاخد الفون تكتبله رقمها وبعدين تديهوله )
رؤى : شكراً مرة تانية ي أيان
ايان ب ابتسامة : العفو ، خدي بالك من نفسك
رؤى : حاضر
( تنزل رؤى م العربية ، يفضل باصص عليها لحد م تدخل المستشفى ، بعدها ياخد نفس طويل ويمشي ، تقرب رؤى ع الأسانسير )
الامن : مش شغال معلش
رؤى : طيب
( تطلع رؤى ع السلم اربع ادوار عشان تمضي حضورها ، تقف ع السلم تاخد نفسها بصعوبة ، تقرب دكتورة )
الدكتورة بقلق : انتي كويسة ؟!
رؤى بتعب : دخليني ، دخليني اي اوضة فاضية بسرعة ، مش قادرة اتنفس !
( تسندها تدخلها مكتب )
الدكتورة : معلش ي دكاترة اطلعوا برة دقايق !
( يقوموا الشباب يخرجوا ، تقعد رؤى وترفع نقابها وتحاول تاخد نفسها بهدوء )
الدكتور : ايه ، حاسة ب تحسن ؟
رؤى براحة : اة الحمدلله
الدكتورة : دة ايه الي جرالك ؟!
رؤى : معرفش حسيت مش عارفة اتنفس !
الدكتورة : طب ادخلي اغسلي وشك كدة هتفوقي
رؤى : ميرسي ي دكتورة تعبتك
دكتورة : ولا تعب ولا حاجة ، الف سلامة عليكي
رؤى : الله يسلمك
( تقوم رؤى تغسل وشها وتبدأ شغلها ، يعدي الوقت وييجي الليل ، رؤى ف اوضة اللبس بتلبس عشان تمشي )
ريتاچ بحب : رورو حبيبة قلبي
رؤى بفهم : خيييير ؟
ريتاچ : معلش والنبي في حالة ف الطوارئ شوفيها عشان لازم امشي دلوقتي
رؤى : ي ريتاچ انا بلبس خلاص !
ريتاچ ب ألحاح : عشان خاطري والنبي والنبي والنبي 
رؤى : باااااس خلاص ، وقلنا متحلفيش غير بربنا !
ريتاچ : طب بالله عليكي بقا
رؤى : طيب حاضر ، بس دي اخر حالة
ريتاج : اة والله خلاص الأخيرة
رؤى : ماشي
( تاخد رؤى سمعاتها وجهاز قياس الضغط وتروح ع الطوارئ ، تدخل ، طفلة قاعدة ع السرير عندها ١١ سنة )
رؤى وهي بتقرب عليها : ايه الحلو ماله ؟
الام : ع الساعة ستة كدة اغمى عليها وفوقتها بالعافية وجبناها ع هنا
رؤى وهي بتملس ع شعرها : لا الف سلامة ي قمر
( تقيسلها الضغط ، ايان واقف قدام المستشفى وبيرن ع فون رؤى ف اوضة اللبس محدش بيرد ، يزهق )
ايان بضيق وهو بينزل م العربية : الصبر من عندك يارب
( يدخل المستشفى ، يقرب ع دكاترة واقفين )
ايان : فين مكان الدكتورة رؤى فريد ؟
( يتخضوا م المسدس الي ف جنبه ويعرفه إنه ظابط )
............ : اااا ف الطوارئ !
( يمشي ايان ، يروح وراه دكتور كبير ف السن شوية )
الدكتور : ي باشا ، ي باشا هي عملت ايه ؟!
( يقف ايان ويبصله ب استغراب )
ايان : هي مين دي ؟!
الدكتور : دكتورة رؤى ي باشا ، دي بنت طيبة والله واحنا مستشفى محترمة وملهاش ف الشمال !
( يفهم ايان ، يتنهد ويسيبه ويمشي )
الدكتور : ي باشااا !
( يقرب ايان ع الطوارئ ، يشوف رؤى جوة )
رؤى : لا لأ من غير عياط ، انا كمان مبحبش الحقن والله ، بس عشان نخف بقا ونرجع بيتنا
( تشاورلها ب اة )
رؤى : قوليلي هو انتي عندك كام سنة ؟
البنت : ١١
رؤى : اوووه دة احنا كبار اهو وبقينا انسات ، دة انا هجوزك ابني بقا
البنت بكسوف : ههههه
( يبتسم أيان غصب عنه ، تلهيها رؤى ف الكلام وتحطلها الكارورة للمحلول )
رؤى : باااس خلاص خلصنا اهو
( تعلقلها المحلول )
رؤى : المحلول يخلص ودكتور ايهاب هيرجع يكشف عليها تاني قبل م تروح ، ومتقلقيش هي بس محتاجة شوية ڤيتامينات هيكتبلها عليها الدكتور 
الام : شكراً ي دكتورة
رؤى : العفو عن اذنك ، باي ي كتكوتة
البنت : بااااي
( تلف رؤى تلاقي ايان واقف ع الباب ، تفتكر إنه كان قايل هييجي ياخدها )
رؤى ب اسف : اكيد بترن عليا من بدري ، اسفة والله نسيت الفون ف اوضة اللبس !
ايان : ولا يهمك ، خلصتي ؟
رؤى : اة هجيب الفون بس وشنطتي
ايان : اوك
( تروح رؤى تجيب حاجاتها من اوضة اللبس وأيان وراها ، تاخد الحاجة وتطلع معاه وكل العيون عليهم ، تجري عليها زميلتها )
حنان : رؤى رؤى
رؤى ب انتباه : نعم ؟
حنان بصوت واطي : عملتي ايه قوليلنا واحنا نكلمه !
رؤى ب استغراب : تكلمه مين ؟!
حنان وهي بتبص ل ايان : الظابط
رؤى بفهم : اااه ، لا دة أيان ابن عمي
حنان ب استغراب : ابن عمك !
رؤى ب ضحك : ههههه ايوة متخافيش
حنان ب احراج : اة سوري ، امشي امشي باي
( ترجع حنان وتمشي رؤى وأيان )
ايان : هما مفكرني جاي اقبض عليكي ولا ايه ؟!
رؤى : ههههه اة ، عاوزين يكلموك تسيبني
ايان وهو بيفتحلها باب العربية : اصلاً لو قابض عليكي مستحيل اسيبك
رؤى ب احراج : ااا اة !
( تركب ، يقفلها الباب ويلف يركب ويسوق ويمشي ، وفجأة ، تشتغل اغاني ، تتخض رؤى الصب فجعها ، تشتغل اغنية *beautiful people* ل اد شيران )
رؤى ف سرها : ايه ي عم قرأن الصبح واغاني بالليل ، لا ماشي مع التوقيت صح !
( تفتح رؤى ازاز الشباك وتتفرج منه ، يلاحظ أيان ع رجليها بتهزها مع نغمة الأغنية ، يستغرب )
أيان : الأغاني مضيقاكي ؟
رؤى : لا لأ ع راحتك
( تشتغل اغنية *shape of you* )
رؤى ف سرها : اااه حرام عليك الأغاني الي بحبهااااا
( يبصلها ف مراية العربية ، يلاقيها لسة بتهز ف رجليها ودة دليل ع إنها حابة الأغنية ومستمتعة بيها ، تخبط بصوابعها ع رجليها ، يبتسم ع طريقتها ، ومن اغنية ل اغنية لحد م يوصله قدام البيت ، ينزل أيان وتنزل رؤى ، احمد واقف ف البلكونة شايفهم )
رؤى ب امتنان : مش عارفة اقولك ايه والله ، تعبتك معايا انهاردة
ايان ب ابتسامة : تعبك راحة
رؤى : تسلم يارب
( يدخله البيت )
ايان : تتغدي معايا بقا ، انا لسة متغدتش
رؤى ب احراج : طب اوك ، هطلع اغير هدومي
أيان : اوك
( تطلع رؤى ، تشوف ريتا قدام الأوضة )
رؤى : اة تعالي بقا ، انا من بدري نفسي اشوفك تاني
( تجري ريتا ، تروح وراها رؤى )
رؤى وهي بترفع فستانها : استني بس استني ، هاتي بوسة وهسيبك طيب
( تجري ريتا تلاقي قدامها ايان تجري عليه يشيلها )
رؤى بزعل : ليه بتجري مني كدة !
( تمسك ريتا ف رقبة ايان وتخبي وشها ف كتفه )
ايان : خايفة منك عشان النقاب
رؤى بفهم : ااااه صحيح ، اكيد خوفتها انا نسياه !
ايان : اممممم
( تقف رؤى ورا ايان )
رؤى وهي بترفع نقابها : طب وكدة طيب ؟