قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٢٣ و ٢٤

قصة : { #رحمة_بالفؤاد } 💔🕸️

الحلقة الثالثة والعشرون { ٢٣ } 🥀

زينة ل رؤى : هتقضيها تسقيف ولا ايه
( تقرب زينة تاخد الطرحة من ع راس رؤى وتحزمها بيها )
رؤى بكسوف : لا لأ !
سارة : لا والله هنزعل دة انتي العروسة يلا
( يوصل عمار من برة ، يسمع الأغاني ، يستغرب ، يلاقيها جاية من فوق ، يطلع فوق ، يقرب ع مصدر الصوت ، يقرب ع اوضة رؤى ، الباب مفتوح بسيط ، يلاقيها بترقص ، فاردة شعرها ولابسة فستان بكم طويل زيتي واخد وضع جسمها )

*( قلبي عايزك جنبي وانتي معايا بطمن ، بعشقك مش زنبي دة انا ف البعد هتجنن ، روحي لاغية جروحي اوعي تروحي هتحول ، كله مركز تاني وانتي ف عيني انا الأول .. 🔥❤️ )*

( يفضل واقف متنحلها ، يطلع فونه ويصور من زاوية معينة ، تطلع سيلين ، تشوفه تستغرب )
سيلين : انت بتعمل ايه ؟!
( تخضه ، يشيل الفون )
سيلين : بتصورها !
عمار بغيظ : شششش ، م تروحي تقوليلها احسن !
سيلين ب استغراب : بتعمل كدة ليه ؟!
عمار وهو بيمسك دراعها : تعالي
( ياخدها ويدخله اوضته ، يعدي الوقت ، رؤى قاعدة مع البنات تحت ف المطبخ )
سارة : عاملة مكسوفة وهي خمسة عليها
رؤى بكسوف : هههههه
الكل : هههههه
رؤى : انا مش عارفة اقولكم ايه والله فرحتوني
زينة : ربنا يفرحك يارب ويكملك ع خير
رؤى : امين يارب 
( يوصل احمد وأيان سوا ، يسمعه البنات ف المطبخ ، يقربوا )
احمد : متجمعين كدة ربنا يستر !
سارة : ليه كدة ي استاذ احمد ، دة احنا نسمات
احمد : نسمات الربيع اة
الكل : هههههه
ايان وهو بيقعد ع كرسي جنب رؤى : عاملين ايه ؟
البنات : الحمدلله
احمد وهو بيقعد جنب أيان : اي لقمة بقا احسن احنا واقعين
زينة وهي بتقوم : عنينا حاضر
( تقوم زينة وسارة يحضره الأكل ورؤى تساعدهم )
احمد : مش طالع حس لعمتك ولا ولادها يعني !
ايان : احسن
احمد ب استغراب : مش عارف ليه انت مش طايقهم !
ايان وهو بيحط ايده ورا دماغه : مش فارقين عشان اطيقهم او لأ
احمد بتنهيدة : طيب
ايان ل رؤى : اومال فين ريتا ؟
رؤى : نامت من بدري
ايان : امممم
احمد : زينة والنبي خففي الملح شوية جبتيلي الضغط !
الكل : ههههههه
زينة : حاضر بس ماما الي بتطبخ والله
احمد : ابقي قوليلها طيب ، بجد انا بعاني
زينة : عنيا حاضر
( يعدي الوقت ، رؤى طالعة اوضتها )
ايان وهو بيقرب عليها : رؤى
( تقف وتلفله )
رؤى : نعم ؟
ايان : حد ضايقك انهاردة ؟
رؤى : لا لأ !
ايان وهو بيقرب عليها وبيطلع علبة من جيبه : مجبناش دبل لإن معملناش خطوبة
( يفتح العلبة ، تشوف رؤى خاتم ع شكل تاج وفيه الماس رقيق اوي )
ايان : يارب يعجبك
رؤى ب اعجاب : حلو اوييييي !
ايان : ينفع البسهولك ولا ؟
رؤى : لو تخليه بعد كتب الكتاب ياريت عشان نفسي انت الي تلبسهولي
ايان ب ابتسامة وهو بيقفل العلبة : اوك ، خليه معاكي
( يديهولها )
رؤى وهي بتاخده : اوك ، تصبح ع خير
ايان : وانتي بخير
( تطلع رؤى وهي مبتسمة وفرحانة بالخاتم ، تدخل اوضتها وتقفل الباب وتقعد ع السرير ، تفتح العلبة وتملس ع الخاتم بحب ، تقفل العلبة وتحطها ع الكوميدينوا جنبها وتنام ، احمد ف اوضته ف التويليت بياخد دش ، يكح م البخار ويسكت فجأة )