قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٢١ و ٢٢

قصة : { #رحمة_بالفؤاد } 💔🕸️

الحلقة الواحد والعشرون { ٢١ } 🥀

( تاني يوم ، ايان واقف عند عربيته قدام الڤيلا ، تخلص رؤى لبسها وتنزل ع السلم مع طلوع عمار )
عمار : صباح الخير
رؤى : صباح النور
عمار : رايحة الشغل ؟
رؤى : اة
عمار : طب استني اوصلك
( يلمحهم ايان من برة باب الڤيلا مفتوح )
رؤى : لا بروح مع ايان ، تسلم ي عمار
عمار : اوك ، سلميلي عليه
رؤى : الله يسلمك 
( تنزل رؤى وتطلع ل ايان ، يفتحلها باب العربية جنبه )
رؤى : ايه دة حصل ايه للكنبة الي ورا !
ايان : ف الصيانة اركبي
رؤى بضحك : ماشي
( تركب رؤى ويركب ايان ويسوقه ويمشوا ، ف الطريق ، تشغل رؤى اغاني ع عربيته )
ايان : شكلك مبسوطة يعني ع الصبح !
رؤى : جداً
ايان وهو باصص ل طريقه : اة ، م الي يصطبح بوش عمار لازم ينبسط
‏رؤى ب استغراب : عمار !
‏ايان : كنتي بتتكلمي معاه ف ايه ؟
‏رؤى : ولا حاجة ، كان عاوز يوصلني قلتله إني بروح معاك
‏ريان بتريقة : لا طول عمره كريم اوي صراحة
‏رؤى بفهم : لا وچينتل
‏( يحود يمين بسرعة كان هيخبط ، تخبط فيه )
‏رؤى بخضة : بالراحة هنعمل حادثة !!
‏( يفرمل ع جنب ويبصلها بغيظ )
‏رؤى وهي ماسكة ضحكتها : ايه في ايه ؟!
‏ايان : تحبي انزلك ف نص الطريق ونخلي الچينتل ييجي يوصلك ؟
‏رؤى : ههههه انت غيران !
‏ايان : انا اغير من عمار !
‏رؤى : هو يتغار منه صراحة
‏ايان ب انفعال : نعم ي روح امك !
‏رؤى بضحك : اهدى بس بهزر والله !
‏( يتنهد ايان ويبص قدامه )
‏رؤى : ايان انت بجد بتحبني ؟
‏( يبصلها )
‏ايان ب استغراب : ليه بتسألي السؤال دة ؟!
‏رؤى : عشان انا حبيتك ، وانا مش عاوزة ابقا بعد كدة م الموجوعين ، انا سهل كسري اوي ، انا هشة ، الي حصل لبابا اتخطيته بسببك ، كنت انت جنبي ، لكن منك انت مش هتحمل صدقني
‏ايان : رؤى انا بحبك ، قلتلهالك قبل كدة وهفضل اقولهالك انا بحبك ، انا الي هقف قصاد اي حد يأذيكي ، ف اطمني
‏( تشاورله ب اة )
‏ايان وهو بيشغل العربية : بس دة مش معناه إنك مش هتتحاسبي ع الي قلتيه
‏( يطلع مرة واحدة يخضها )
رؤى بخضة : بالراحاااااا !
( يفضل يسرع بالعربية ويحود يمين وشمال وهي تضحك وتمسك فيه ، يعدي الوقت وييجي الليل ، ف بيت ايان ، قاعدين اهله مع ولاء )
عمار وهو بيحط رجل ع رجل : بقولكم ايه ، القاعدة دي ملهاش اي تلاتين لازمة
( تبصله ولاء )
سيلين : ازاي يعني ؟!
عمار : انسي إنه يخليها تشوف بنتها بطريقة التدبيسة دي ، لو فاكرة إن حد هيقدر يفرض رأيه عليه تبقي غلطانة ، ايان مش هيعمل كدة غير بمزاجه ، ولا ايه ي مرات خالي ؟
فيروز : والله انا سيباكم براحتكم
ولاء : ولا عمره هيرضى طيب !
عمار : بالظبط ، يبقا اللمة دي ع الفاضي ، ومتفكريش إن حد فينا هيحوشه عنك ، ولا نسيتي الي حصلك اخر مرة ؟
( تبص ولاء ل سيلين بقلق )
عمار : انا سمعت إنه طردك !
فاطمة : ايه الي بتقوله دة ي عمار ، انت كدة بتقلل مننا ي بني !
عمار : لا ي امي مش قصدي ، انا بفهمها الي هيحصل
سيلين : طب وانت شايف ايه الحل ؟
عمار : إنها تقوم تمشي دلوقتي وانا هبقا اتكلم معاها بعدين اقولها حل ، لكن لو عاوزة تستناه تستناه ، هو اكيد ع وصول ، ف براحتها
( تقوم ولاء بخوف )
ولاء : لأ انا همشي ، هبقا اكلمك ي سيلين
( تمشي ولاء )
فيروز : ايه الي ف دماغك ي عمار ؟
( يبصلها ويبتسم ، بعد شوية ، ف شركة احمد ، احمد ف مكتبه ، يرن فونه )
احمد : الو
فيصل : الو استاذ احمد عامل ايه ؟
احمد وهو بيغمض عينه بتذكير : اة فيصل ازيك !
فيصل : الحمدلله ، انا اسف ع الأزعاج كل شوية بس كنت محتاج منك رد ، لو رؤى مش موافقة قولي والله مش هزعل دة نصيب 
احمد ب احراج : هو بصراحة الحكاية إن اخويا اتقدملها من فترة وهي وافقت وانا مكنتش عارف اقول لحضرتك ايه ، كنت محرج منك جداً
فيصل بفهم : لا عادي مفيش مشكلة ! 
احمد : انا اسف والله ي فيصل
فيصل : ولا يهمك ، قولها الف مبروك وربنا يتمملهم بخير
احمد : الله يبارك فيك
فيصل : مع السلامة
احمد : مع السلامة
( يقفل فيصل ، يتنهد احمد )
احمد : ضيعت من ايدها شاب زي الفل ، يارب تكون اد المسؤلية دي ي ايان
( عند فيصل )
مريم : ايه قالك ايه ، ومبروك لمين ؟!
فيصل : الهانم ابن عمها اتقدملها ووافقت
مريم ب اندهاش : لا والله !!
فيصل : وربنا ، ومعطلة امي انا ع الفاضي ، كل يوم يقولي بكرة بكرة وهي عايشة حياتها هناك !
مريم : م يمكن طيب غاصبينها عشان ابن عمها وكدة
فيصل : لا مظنش ، من شكل احمد دة مش عقلية الناس دي ابداً !
مريم : خلاص ي فيصل فكك منها
فيصل ب انفعال : ايوة انتي تعلقي اهلي وترجعي تقوليلي فكك !
مريم : هنعمل ايه طيب ، خلاص نصيب
فيصل بضيق : تمام
( يوصل ايان ورؤى قدام البيت )
رؤى : هترجع الشغل صح ؟
ايان : اة ورايا شغل كتير ، بس هنزل معاكي اغير هدومي الأول وبعدين امشي
رؤى وهي بتفتح باب العربية : طب يلا
( ينزله ويدخله البيت ف طالعة عمار )
عمار وهو بيسلم ع ايان : ايه عاملين ايه ؟
ايان : الحمدلله
عمار وهو بيمد ايده ل رؤى : رؤى ازيك ؟
( تبص رؤى ل ايده ب ارتباك وتبص ل ايان )
ايان وهو بيمسك ايد عمار : معلش بقا مبقتش تسلم ع رجالة
عمار : عشان قريت فاتحتها يعني !
ايان : اة بالظبط
( يدخل احمد )
عمار بتريقة : في ايه ي عم مأڤورها ليه هو انا خدتها بالحضن !
ايان بهدوء وغيظ وهو بيضغط ع ايد عمار : عشان كنت دفنتك مكانك
( تبصله رؤى بخضة ، يبتسم عمار )
احمد بقلق : ايه ي جماعة في ايه !!
عمار وهو بيشيل ايده من ايد ايان : لا مفيش ، اخوك بس بيأمن ع ممتلكاته
( يبص ل رؤى ب اعجاب )
عمار : وعنده حق
( يستفز ايان اكتر ، يمشي عمار ، يفضل ايان باصصله بغيظ )
احمد : في ايه ي ايان ؟!
ايان ل رؤى : اطلعي اوضتك
رؤى بتوتر : اوك
( تمشي رؤى )
احمد : في ايه ي بني ، مالك ومال عمار ؟!
ايان : مفيش
( يطلع ايان اوضته ويهبد الباب وراه ، يغير هدومه ويقرب ع اوضة رؤى ، يخبط )
رؤى : ايوة
( تلبس طرحتها وتفتح الباب )
ايان : انتي هتتعشي ؟
رؤى : اااا .............
ايان : ياريت تتعشي ف اوضتك ، وياريت طول م انا برة متخرجيش منها
رؤى : ايان انت واخد الموضوع بحساسية اوي ، كدة مينفعش ، هو انت مش واثق فيا ؟!
ايان : لا مش واثق فيه هو ، انا عارف إن كلامي يخنق بس عشان خاطري اسمعيه عشان ابقا مرتاح برة
رؤى : حاضر ، مش عوزاك تضايق بس
ايان : انا كويس متقلقيش
رؤى : ماشي دلوقتي ؟
ايان : اة ، محتاجة حاجة وانا راجع ؟
رؤى : لا خلي بالك من نفسك
ايان : وانتي كمان
رؤى : حاضر
ايان : باي
رؤى : باي
( يمشي ايان ، تقفل رؤى اوضتها وتبتسم )
رؤى بتريقة وفرحة : اناااا اغير من عمااار ، اديك غيرت ي بيبي ههههههه
( يقرب ايان ع اوضة مامته ويخبط )
فيروز : ادخل