قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٣٣ و ٣٤

قصة : { #رحمة_بالفؤاد } 💔🕸️

الحلقة الثالثة والثلاثون { ٣٣ } 🥀

ايان وهو بيزق عمار ف صدره ب انفعال : بتعمل ايييييه !!
رؤى بخوف وهي بتمسك دراع ايان : ايان اصبر دة ....................
ايان وهو بيزقها : اوعي انتييي
( تمسك ف ترابزين السلم بسرعة كانت هتقع ، يشد من ايد عمار الخمار ويحدفه ف وشها تلبسه بسرعة وتاخد سبت الغسيل وتجري ع فوق تبعد عنهم )
عمار : ايان انت فاهم غلط ، دة ..................
ايان : دة ايه ، بيعمل ايه خمارها ف ايدك ؟!
عمار : شبك ف ايدي مش اكتر
ايان بعدم تصديق : شبك ف ايدك اة ، انت هتستهبل ع امي !
( يزقه يهبده ف الحيطة )
عمار بعصبية : دة الي حصل متكبرش الموضوع ي اياااان !
( ييجي الكل ع الصوت )
فاطمة : في ايه ؟!
فيروز : في ايه ي ولاد ؟!
( يقفوا بيهم )
فيروز : حصل ايه ي ايان ؟!
( يبص ايان ل عمار بغيظ )
ايان بتحذير : اتقي شري ، اتقيه ي عمار !
( يمشي ايان ، رؤى ف اوضة الغسيل حاطة السبت ف البلكونة عشان تنشر بس واقفة عمالة تفرك ف ايدها ورايحة جاية م الخوف ، يدخل ايان ، تتخض اما تشوفه ، يقرب عليها ف البلكونة )
رؤى بخوف : ايان
ايان وهو بيشدها من دراعها ع جوة : تعليلي بس كدة جوة
( يزقها ع الحيطة ويقرب عليها )
رؤى بخوف : والله العظيم خماري شبك ف ايده صدقني !
ايان ب انفعال : ورحمة امك لو م اتعدلتي ي رؤى ل هطلع عين اهلك
رؤى : ي .....................
ايان وهو بيمسكها من شعرها بعنف : فرحنالي بشعرك عريان قدامه ي ست الشيخاااا !
رؤى بوجع : اااه والله ارتبكت والخمار اتقلع لوحده !
( يبتسم ايان ويمسكها من وشها بعنف )
ايان : ي بت انتي بتسغفليني ، هو انا نايم ع وداني ، خمار ايه الي اتقلع لوحده ، وربي ي رؤى لو م بطلتي حركاتك الوس*ة دي معاه لهعيشك اسود ايام حياتك
رؤي وهي بتزق ايده : انت مالك اصلاً ، م انت متجوزني عشان تخليني خدامة ليك ول اهلك ، فارقلك بقا مين يشوف شعري ولا مين ميشفهوش ليه !
ايان وهو بيضربها بالقلم : مش قلتلك انتي شايفة إن ملكيش حاكم
رؤي وهي بتحط ايدها ع خدها ودموعها بتنزل : وهو انت لو كنت حاكم كانت مراتك موتت ابنها منك ، انت فعلاً العيشة معاك متطاقش ، انت نقطة سودة ف حياة كل الناس وقلبك من حجر ي ايان !
ايان ب ابتسامة : هو انا مقلتلكيش ، مش انا وهي هنرجع لبعض
( تتخض رؤى )
ايان : اصل انا حابب اعوضها صراحة ، اصلها ع الأقل مكانتش وس*ة بتتباهى بنفسها قدام الرجالة
رؤى وهي بتزقه ف صدره ب انفعال : اسكت انا اشرف من اي واحد ف البيت دة !
ايان بتريقة : ايوة اة ، واعملي حسابك من بكرا هتبقا ف البيت وهتخدميها زي الكلبة ، وإن شوفتك ي رؤي تاني بتتكلمي مع ابن الكلب دة هتشوفي ايام سودة وهتشوفي مني وش تاني خالص
رؤى ودموعها بتنزل : م انا عيشاها ، من ساعة م عرفتك وانا عيشاها الأيام السودة دي !
( يبصلها بغيظ ويكور ايده )
رؤى بخوف : بلاش عشان بطني
( يفتكر حملها ف يسكت بس جواه طاقة غضب رهيبة ، يشوط فاسة محطوطة جنبها ع ترابيزة من غيظه تنزل متكسرة ، تتخض رؤى ، يسيبها ويمشي ، تقعد رؤى ع كرسي وتحط ايدها ع بطنها وتنزل دموعها ، يعدي اليوم من غير مشاكل تاني ، تدخل رؤى اوضتها تحط للقطة الأكل ف الأرض وتقلع اسدالها وتترمي ع السرير م التعب ، تحط ايدها ع بطنها )
رؤى بحزن : انت سامعني ، انا اسفة ، مش دي الحياة الي كنت عوزهالك ولا عمري اتخيلتهالك ، بس غصب عني ، انا اسفة والله
( تنزل دموعها )
رؤى : انا عارفة إني تعباك ، انا كمان تعبت والله ، تعبت اوي ، بس انت برضو مقويني ، من ساعة م اتخلقت جوايا وانا حاسة إني اقوى بيك مش اضعف ، هنكمل وهنعافر انا وانت للأخر
( تقرب عليها القطة تنام جنبها ، تبصلها ب ابتسامة وتمسح دموعها وتاخدها ف حضنها وتنام ، تاني يوم ، رؤى مع البنات ف المطبخ بيفطره )
سارة بقلق : طب انتي كويسة ؟!
رؤى : اة الحمدلله
ام زينة : بس انتي غلطانة ي بنتي ، كان لازم تتقي شره مش تعصبيه عليكي اكتر !
رؤى بحزن ودموع : تعبت م السكات وانا جوايا كتير ي ام زينة
ام زينة : ربنا يرجعك بالسلامة ي احمد ، كنت عارف تسيطر ع البيت دة
( تبص رؤى ل اكلها بحزن )
سارة : كلي
رؤى وهي بتسيب المعلقة : مش قادرة شبعت
زينة : شبعتي ايه ي بنتي ، حرام عليكي الي ف بطنك دة محتاج يتغذى !
رؤى بدموع : مفيش نفس والله
( يبصولها بحزن )
سارة : ارتاحي انهاردة باين عليكي التعب
زينة : ايوة احنا هنحاول نغطي ع غيابك
رؤى وهي بتقوم : لا بلاش والنبي انا مش ناقصة مشاكل
( لسة هتمشي ، تدوخ وتمسك ف الترابيزة ، يتخضوا البنات )
سارة وهي بتسندها : انتي كويسة ؟!
زينة : اقعدي طيب !
( يقعدوها )
ام زينة : لازم ترتاحي ي بنتي مينفعش كدة ، دخلوها اوضتها ي بنات !
( يسندوها البنات ويدخلوها الأوضة ، يعدي الوقت ، ايان قاعد مع امه )
فيروز ب استغراب : يعني انت ردتها ؟
ايان : ايوة امبارح
فيروز : ودة ليه فجأة كدة ؟!
ايان : مش فجأة ، احنا متكلمين ف الموضوع دة من فترة ، بس كنت مستني الوقت المناسب
فيروز : الي انت شايفه صح اعمله !
ايان وهو بيقوم : انا قلت اقولك بس عشان هي هتيجي انهاردة
فيروز : ماشي 
( يمشي ايان ينزل تحت ، يقرب ع باب البيت )
ام زينة وهي بتقرب عليه : ي بني
( يقف ايان )
ايان : ايوة ي ام زينة ؟
ام زينة بقلق : كنت عاوزة اطلب منك طلب ووحيات اغلى حاجة عندك متكسفنيش
ايان ب اهتمام : اكيد اؤمري ؟
ام زينة : رؤى تعبانة اوي ومهدود حيلها معانا ليل نهار ، ودي برضو واحدة حامل ومحتاجة للراحة ، ف لو يعني تخلوها بس ترتاحلها كام يوم تهتم فيهم بصحتها
ايان : ماشي ي ام زينة ، خليها ترتاح
ام زينة بفرحة : إن شالله يخليك يارب
( يمشي ايان ، تجري ام زينة ع المطبخ ، بعد شوية ، رؤى ف اوضتها نايمة ، يخبط باب الأوضة )
رؤى بصوت كله نوم : ايوة ؟
ام زينة : دة انا ي بنتي
رؤى وهي بتقوم تقعد : اة ادخلي
( تدخل ام زينة وف ايدها صنية صغيرة عليها اكل وعصير )
ام زينة وهي بتقعد قصادها : عاملة ايه دلوقتي ي حبيبتي ؟
رؤى : الحمدلله بخير
ام زينة : يارب دايماً ، انا كلمتلك ايان وقلتله يسيبك ترتاحي شوية وهو وافق ع طول
رؤى وهي بتربط شعرها بالتوكة : كتر خيره
ام زينة : يلا كلي الأكل دة كله ، انا الي هأكلك من هنا ورايح ومش عاوزة دلع
رؤى ب ابتسامة : حاضر
( يعدي الوقت ، رؤى والبنات قاعدين ف المطبخ ، يتفتح باب البيت ويدخل ايان وولاء وشنطة هدومها ، تقرب سارة تشوفهم )
سارة بصوت واطي : يادي النيلة هي ناقصة !
( ترجع للمطبخ )
زينة وهي بتقطع الخضار : في ايه ؟!
سارة وهي بتقعد : الطين ذاد بلة يختي
البنات : هههههه
زينة بضحك : ايه الي بتقوليه دة !
سارة ب ابتسامة : مرات ايان شرفت بشنطة هدومها
( يتخضوا البنات )
زينة : احيه !
( تنزل فيروز )
فيروز بترحيب : ي اهلاً ي اهلاً ، نورتينا ي مرات ابني
ولاء : الله يخليكي ي ماما
( تنزل تسلم عليها )
فيروز بصوت عالي : رؤى
( تتخض رؤى اما تسمع اسمها )
فيروز بعصبية : انتي ي زفتااااا !
( تقوم رؤى تخرج تقرب عليهم )
رؤى وهي بتبصلهم بقلق : ايوة ؟!