قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٢٥ و ٢٦

قصة : { #رحمة_بالفؤاد } 💔🕸️

الحلقة الخامسة والعشرون { ٢٥ } 🥀

رؤى : عوزاكي لوحدك لو سمحتي
ايان : لا اتكلمي ، انا جوزك برضو مش غريب
رؤى وهي بتبص ل أيان بخوف : ي طنط ........................
فيروز : بقولك ايه ، زي الشاطرة كدة تلمي هدومك من اوضة ابني وتنزلي تحت ، اوضتك جنب المطبخ مع الخدامين
( تتخض رؤى )
رؤى : خدامين !!
فيروز : اة ي حبيبتي خدامين
رؤى : انتي بتهزري صح ؟!
فيروز : لا ي نن عيني مبهزرش ، يلا الي قلته تعمليه ، وشايفة الأوضة دي ؟
( تشاورلها ع اوضة جنب المطبخ )
فيروز : تقعدي فيها
( رؤى تبص ل ايان الي قاعد ب ارتياح وماسك فونه وباصص فيه ولا كأنه سامع حاجة )
رؤى : انتوا متفقين عليا !
( يبصلها )
رؤى : هو فيه ايه بالظبط ؟!
ايان وهو بيبص ف الفون تاني : اعملي الي بتقولك عليه
رؤى : يعني ايه ، سيب الموبايل دة وانتبهلي ، هو انا اتجوزتك عشان اقعد ف اوضة الخدامين ؟!
ايان ببرود : اة
رؤى ب انفعال : انت هتجننيييي !
فيروز بتحذير وتهديد : صوتك يوطي ف بيتي ي بت فريد احسنلك
( يقفه البنات ع باب المطبخ يتصنته )
فيروز : وتطلعي دلوقتي تاخدي هدومك وتعلمي الي اتقالك عليه وانتي قافلة بؤك دة
رؤى بعياط : انا هطلع اخد هدومي فعلاً ، بس همشي من هنا خالص
( تطلع رؤى الأوضة )
فيروز : يكون احسن برضو ف داهية
زينة بصوت واطي : هو ايه الي بيعملوه دة !!
سارة : مش عارفة !
( يرمي ايان الفون ع الترابيزة ويقوم يطلع وراها )
زينة بقلق : ربنا يستر احيه !
( رؤى ف الأوضة بتحط الهدوم ف شنطة وبتعيط ، يدخل ايان )
ايان : تلمي هدومك وتعملي زي م ماما قالتلك
رؤى : انا قلت همشي من هنا خالص ، لما انتوا مش طايقني كدة اتجوزتني ليه ، ولا بتطفشني ؟!
ايان وهو بيقرب عليها : لا انا مبطفشكيش نهائي انا عاوزك موجودة هنا ، واتجوزتك عشان اربطك بقعادك هنا اكتر
رؤى بقهرة : يعني مش عشان حاببني !
ايان ب ابتسامة : حابك ، انا مبكرهش ف حياتي ادك ، اد بنت الراجل الي موت ابويا
رؤى ودموعها بتنزل : يعني انتوا جايبني م الأول عشان كدة ، تنتقموا مني !
ايان : لا هو لما احمد جابك جابك خوفاً عليكي ونفذ طلب ابوكي ، لكن انا كان تفكيري مختلف شوية
رؤى : انت عاوز ايه مني ي ايان ؟!
ايان : عاوز اندم ابوكي ع اليوم الي فكر ياكل حقنا فيه
رؤى بعياط : من خلالي انااااا ، اتقي الله انا ماليش دعوة
ايان : من خلال اي حد يكونله علاقة بيه
رؤى ودموعها بتنزل : ماشي ي ايان ، لو شايف إن دة هيحيبلك حقك ماشي ، اعمل فيا الي انت عاوزه ، مهما كان الي ابويا عمله ف هو ف الأخر ابويا ، وانا متحملة اي حاجة عشانه
ايان : المفروض تتبري منه حالاً !
رؤى : شئ ميخصكش ، انتوا الي محتاجين اتبرى منكم مش هو
( يفضله باصين لبعض ، تكمل رؤى شيل الهدوم )
ايان : صح م انا بكلم بنت مين ، م انتي كلك منه ، وس*ة وواطية زيوا
رؤى ب انفعال : انت بني ادم مترتبتش !
( تستفزه )
ايان : انا متربتش ؟
( تتوتر رؤى )
رؤى بخوف : ايوة وقليل الأدب !
( يضربها بالقلم )
رؤى بوجع : ااااه !
( تنزف مناخيرها ف وقتها من قوة الضربة ، يجرجرها من دراعها ع تحت وهي عمالة تتوجع وتعيط ، يشوفوها البنات يتخضوا )
سارة بصوت واطي : احيه احيه !
( فيروز قاعدة بتتفرج هي وفاطمة وسيلين ، يفتح الأوضة ويرميها فيها ، تقع ف الأرض )
رؤى بعياط ووجع : ااااه !
ايان بزعيق وهو واقف ع باب الأوضة وباصص للمطبخ : لو حد حط للكلبة دي كباية ماية هيكون اخر يوم ف عمره ، سامعييين ؟
( تقرب ام زينة )
ام زينة بخوف : حاضر ي بني !
( يقفل عليها )
فاطمة بعقربة : ايوة كدة ، خليها تتأدب بنت فريد ، جدع ي ابن اخويا
( يطلع أيان اوضته ع اخره ، يدخل الأوضة ، يقرب ع التسريحة يلاقي حاجاتها ، يزقها كلها بعصبية يقعوا ف الأرض يتكسره ، تحت ف المطبخ )
سارة بزعل : حرام عليهم الي بيعملوه دة !
زينة بحزن : كسره فرحتها منهم لله !
الام وهي بتحط ايدها ع دماغها : لا حول ولا قوة إلا بالله !
فيروز بصوت عالي : ام زيناااا
( تتخض ام زينة وبناتها وتجري ع برة )
ام زينة : ايوة ي ست ؟!
فيروز : اطلعي انتي وحد م البنات اوضة أيان ولمي كل هدوم الزفتة دي وترميهالها ف الأوضة دي ، من بعد انهاردة دي اوضتها
ام زينة بزعل : ي ست فيروز ا ...................
فيروز بحدة : سمعتيني ؟
ام زينة بقلة حيلة : حاضر
( ترجع ام زينة المطبخ )
ام زينة : حد فيكوا ييجي معايا ننزل هدوم رؤى
سلرة : لأ انا مش هلمس حاجاتها !
زينة : ولا انا !
ام زينة : متجيبولناش الأذية وحد فيكوا يقوم معايا اخلصوا ، قوموا انتوا الأتنين يلا
( يقوموا بحزن ، يطلعه فوق مع امهم ، تخبط ام زينة ع باب اوضة ايان ، ايان قاعد ع طرف السرير ، يقوم يفتح )
ام زينة : ست فيروز قالتلي انزل هدوم ست رؤى تحت
ايان بتنهيدة : طيب ، ونضفي الأوضة بعد م تخلصي
ام زينة : حاضر ، ي بني رؤى بنت غلبانة و ......................
ايان بحدة : ام زينة ، مش عاوز حد يدخل ف الموضوع دة لو سمحتي ، ماشي ؟
ام زينة : ماشي ي بني
( يمشي ايان وتدخل ام زينة وبناتها )
سارة بخضة : يلهوي ع منظر الأوضة !!
زينة وهي بتشيل الفستان المقطوع م الأرض : دة طلع حيوان ايان دة !
ام زينة وهي بتلم الأزاز : انا كنت حاسة إن وجودها هنا مش هيعدي ع خير ي عين امها !
سارة بحزن : بس مش بالطريقة دي ، حرام عليهم دي كانت عروسة ، دة بهدلها !
ام زينة : ملناش دعوة بقا ، هما اهل مع بعض ، خلصوا يلا مش ناقصين كلام يحرق الدم من حد
( يلموا هدوم رؤى ف شنط ع جنب وينضفه الأوضة ، عند ايان ، سايق عربيته وعمال يلف ف الشوارع ، يوصل عمار البيت ، الكل قاعدين )
عمار : سلامو عليكم
الكل : عليكم السلام
سيلين ب ابتسامة : فاتك نص عمرك
عمار وهو بيقعد : في ايه ؟!
( يحكوله )
عمار ب استغراب : انا كنت مفكره بيحبها !
فيروز : بيحب مين ، وانا كنت هوافق ابداً ع جوازه منها ، انا الي كان مسكتني إنه هيعملي الي انا عوزاه بس
عمار بفهم : امممم !
فاطمة بفرحو : اهو كدة الواحد ينام مرتاح انهاردة بقا
( عند رؤى ، قاعدة ف الأرض عمالة تعيط ، تخلص ام زينة وبناتها لم الحاجة وترتيب الأوضة وينزلوا ، تشوفهم فيروز )
فيروز وهي بتقوم : ايه دة ، حطينلها هدومها ف شنط !
( تقرب فيروز ع الأوضة تفتحها ، تتخض رؤى وتبصلها ، تاخد منهم الشنط تفتحها وترميلها هدومها ف الأوضة ف الأرض )
فيروز : هلاهيلك تلزمك
رؤى بعياط : حسبي الله ونعمة الوكيل فيكوا
فيروز بغيظ : بتحسبني فينا ي بنت الكلاب !
( تقرب تضربها بالقلم )
رؤى بوجع : اااه ، لولا إنك اد امي انا كنت رديت عليكي !
فيروز وهي بتضرب فيها بالقلمة والشلاليط : لا ردي ، ردي بنت النصاب ردييييي
رؤى بصريخ : اااااه !
سيلين ل امها : مرات اخوكي مصدقت !!
عمار وهو بيقوم : مينفعش كدة !
( يقرب عمار ع الأوضة ويدخل يحوش فيروز عن رؤى )
عمار : خلاص كفاية !
فيروز بزعيق : متحوشنيش ي عمار لو سمحت ، دة انا معبيالهااا
عمار وهو بيخرجها م الأوضة : هتموت ف ايدك وتلبسك مصيبة ، اهدي بقااا !
فيروز : كتك القرف ، ربنا ياخدك