قصة : ( رحمة بالفؤاد ) ل سهيلة سعيد المنجي ، فكرة : نور عمر

الحلقة ٢٧ و ٢٨

قصة : { #رحمة_بالفؤاد } 💔🕸️

الحلقة السابعة والعشرون { ٢٧ } 🥀

( يتنهد ايان بضيق )
ايان : روح انت
العسكري : تحت امرك ي باشا
( يخرج العسكري ويقفل الباب وراه )
ايان : عاوزة ايه ي ولاء ، بتحومي كتير ليه شبه الكلب ؟!
ولاء وهي بتقعد : ي ايان كفاية بعد بقا ، انت وحشتني وبنتي وحشتني
ايان بسخرية وهو بيلعب بالولاعة : بنتك اة
ولاء : والله حرمت واتأدبت صدقني ، كفاية كدة
ايان وهو بيرمي الولاعة ع المكتب : هو ايه الي كفاية ، هو انا بعذب فيكي !
ولاء وهي بتقوم تقف : عاوزة نرجع
( يبصلها )
ولاء وهي بتقرب عليه : نفسي بجد ، نفسي نرجع لبيتنا تاني
( تحط ايدها ع خده )
ولاء : والله العظيم هخلي بالي من ريتا ومنك ، ولو قصرت بص ادفني مكاني
( عند رؤى ، يحضره البنات الأكل ويطلعوه برة ، الكل قاعد ع السفرة ماعدا ايان لسة مجاش )
فاطمة : اومال فين الهانم ، مش بتحضر معاكم ليه ؟!
سارة ب ارتباك : ااا لا هي بتحط ف الأطباق واحنا بنطلع
فاطمة : امممم
( يعدي الوقت ، تدخل ريتا المطبخ ، تشوفها رؤى )
رؤى وهي بتقرب ع ريتا بحب : ي عمري انني وحشتيني
( تشيلها )
رؤى : وحشتيني اوي
ريتا : وانتي كمان
( يدخل عمار )
عمار : شكلها بتحبك
رؤى بحب : وانا بحبها اوي
عمار وهو بيقعد : م انتي تتحبي صراحة
( تبصله رؤى )
عمار : مش عارف ايان جايب الجحود دة منين ، ازاي قدر يخدعك كدة !!
( تنزل رؤى ريتا ف الأرض )
عمار : انا لو منه وانتي مراتي ، كان زماني معيشك ف جنة
رؤى بضيق وهي بتبص ف حتة تانية : دة نصيب
( يقوم يقف ويقرب عليها )
عمار : بس انتي تستاهلي احسن من كدة ي رؤى ، انا من ساعة م جيت البيت دة وانا كنت بحسده عليكي
( تنتبه لكلامه ، يقرب عليها اكتر ، ترجع خطوة لورا )
عمار : انا ممكن اخلصك من كل دة
( تبصله ب استغراب )
عمار : اطلقك من ايان ، ونتجوز
رؤى بخضة : انت ايه الي بتقوله دة !!
عمار : اومال عاجبك تعيشي ف القرف دة باقي حياتك !
رؤى : اكيد مش عاجبني ، بس كلامك ميصحش يتقال !
عمار وهو بيحط ايده ع خدها : مستخسر الوش الحلو دة ف الضرب والأهانة بس
( تتخض رؤى وتزق ايده بعنف )
رؤى بحدة : ايدك متتمدش عليا فاهم !!
عمار : م تهدي كدة ، يعني هي جت عليا ، ع الأقل انا بطبطب
رؤى بخضة وانفعال : انت بتقول اييييه !!
عمار : بقول .................
( يدخل ايان ، تشوفه رؤى تتخض وترجع خطوة لورا )
ايان ل عمار : انت بتعمل ايه هنا ؟!
( يلفله عمار )
عمار : ولا حاجة
( يبص عمار ل رؤى ويبتسم )
عمار : كنت جاي اشرب
( يمشي عمار ، يبصله ايان بغيظ ويرجع يبص ل رؤى )
ايان وهو بيقرب عليها : داخل يشرب !
رؤى بخوف : ايوة !
ايان : انتي ايه الي مقعدك ف المطبخ لدلوقتي ؟!
رؤى : مش انت الي قلتلي ادخل ع النوم !
ايان : طب ادخلي اتخمدي
( تعدي رؤى من جنبه بخوف وتدخل اوضتها شبه بتجري ، يطلع ايان اوضته ، اول م يدخلها يشم ريحة برفان رؤى الي كسره ، يتنهد ويقرب ع البلكونة يفتحها ع الأخر ويقف فيها ، يعدي يومين ، رؤى والبنات بيحطوا الأكل ع السفرة ، قاعدة فيروز وفاطمة وعمار بياكله )
فيروز ب استغراب : الأكل غريب انهاردة !!
فاطمة : فعلاً !!
فيروز بصوت عالي : ام زيناااا
ام زينة : ايوة !
( تجري ام زينة تقرب عليهم )
ام زينة : ايوة ي ست فيروز ؟
فيروز : هو مين الي طابخ انهاردة ، دة مش طبيخك صح ؟!
ام زينة بخضة : وحش ؟!
فيروز : لا حلو ، بس مش طبيخك برضو !
ام زينة : لا هو مش طبيخي فعلاً ، هو طبيخ ست رؤى
فيروز : لا والله !
ام زينة : اة طبيخها حلو مشاء الله
فيروز ب انفعال : انتي اتجننتي ف مخك ، ازاي تخليها تطبخ بنفسها ، انتي عوزاها تسمنا !
( تتخض ام زينة ، رؤى سمعاها من جوة تتخض )
ام زينة ب ارتباك : انا قلت عادي يعني مدام طبيخها حلو !
فيروز بعصبية : ارمي كل القرف دة ف الزبالة حالاً
ام زينة : ي هانم والله الأكل زي الفل !
فيروز بحدة : سمعتييييي !
ام زينة : طيب حاضر
( تبدأ ام زينة تشيل ف الأكل وتقوم فيروز وفاطمة يقعده فوق ف الأنتريه ، سيلين قاعدة )
سيلين ب استغراب : ايه مالكم ؟!
فيروز : الهانم عملالنا فيها الشيف الشربيني وهي الي طابخة انهاردة
سيلين : هههههه ، وايه طبيخها وحش ؟
فاطمة : لا والله مش وحش بالعكس ، بس مرات خالك خايفة لتسمنا !
سيلين بفهم : امممم ، طب والله فكرة
فيروز : هي ايه ؟!
( ف المطبخ )
رؤى بضيق : مش عاجبهم حاجة ، اعملهم ايه دول بس ياربي
( يدخل عمار )
عمار : ع فكرة اكلك جميل تسلم ايدك
رؤى ب احراج : تسلم !
عمار : فكك منهم
رؤى وهي بترمي الأكل ف الزبالة : عادي والله مش هتفرق
زينة : تؤمر بحاجة ي عمار بيه ؟
سارة : اة نعملك حاجة قول بس ؟
( يوتروه )
عمار : لا مش عاوز حاجة !
( يمشي عمار م المطبخ )
رؤى وهي ماسكة ضحكتها : احسن
زينة : محبش الي يصتاد ف الماية العكرة !
سارة ل زينة بصوت واطي : لسة مبيردش ؟
زينة ب احباط : لا يختي بقا خارج الخدمة خالص
سارة : يادي النيلة ، المفروض كان ييجي امبارح !
زينة : مش عارفة بقا ، شكله مطول
رؤى ب فضول : هو مين دة ؟!
سارة : احمد
رؤى : اااه
زينة بصوت واطي : اصل بصراحة انا سارقة رقمه من موبايل ماما وبحاول اكلمه من ساعة الي حصل
رؤى ب استغراب : ليه ؟!
زينة : ليه ايه عشانك
سارة : ايوة احنا متأكدين إن احمد ميعرفش حاجة م الي بيحصل دة
رؤى: اكيد يعرف ي سارة دة اخوه الكبير مش هيخبي عليه حاجة ، واهو مشي عشان ميبقاش ف الصورة بس ، تعرفي إن احمد قاهرني اكتر من ايان ، عشان هو الي جابني هنا وعارف إن كل دة هيحصلي !
زينة : اكيد مش عارف صدقيني ، انتي متعرفيش احمد ، احمد لو يعرف هيبهدلهم كلهم حتى ايان
سارة : ايوة احمد معندوش اخويا وامي ف الحق والأصول
رؤى ب احباط : خلاص بقا بعد ايه ، الي حصل حصل
( ايان ف شغله ، ف مكتبه ، واقف قدام شاب والمخبر ماسكه ، يرن فونه )
ايان وهو بيبص للفون : غوروه ع الحجز دلوقتي ، ليه روقة
............ : ي باشا بالله عليك !
المخبر وهو بيشده ع برة : يلااااا
( يخرجوا ويقفله الباب وراهم )
ايان : الو
فيروز بتعب : الحقني ي ايان
‏( يتخض ايان )
‏ايان : في ايه مالك ؟!
‏فيروز : بنت فريد حطتلي سم ف اكلي
‏ايان بخضة وهو بيقف : ايه انتي بتقولي ايه !!
فيروز : هموت ي ايان ، بطني بتتقطع !
ايان ب ارتباك وهو بياخد مفاتيحه من ع المكتب : انا جاي انا جاي ، خليهم يودوكي اي مستشفى وانا جاي
فيروز بتمثيل : ااااه حاضر
ايان بغيظ وهو ماشي : ي بنت الكلب وربي م هسيبك !
( ف البيت ، فيروز نازلة ع السلم مع سيلين وفاطمة مسندينها )
فيروز بتمثيل : اااااه
( يطلعه البنات م المطبخ ع الصوت ويقرب عمار )
فيروز : ااااه