ZODIAC UNIVERSITY: Travel Back in Time

Chapter 32

--- SKY'S POV ---

Nagkamalay ako kaagad na nasa isang madilim na kagubatan at may sapa sa gilid ng tinatakbuhan ko, mukhang may tinatakasan ako. Pero bakit nag time travel na naman ako nang hindi bumalik sa orihinal kong katawan? Nasaan ba ako?

Teyka, pamilyar ito ah?

Dito ang healing river. Healing river na kinuhanan ko ng tubig para kay Third, iyong inatake ako ng isang Dark Source.

"Hindi ka na makakatakas sa akin."

Nyemas, oo nga, ito iyong gabi na muntik na akong mamatay. Pero bakit naman ako bumalik sa panahong ito? At sa wakas naman ay naglanding na ako sa mismong katawan ko, hindi na sa doppleganger ko.

Kumaripas pa rin ako ng takbo palayo sa kalaban ngunit bigla siyang sumulpot sa harap ko kaya agad akong napaatras at natumba, paatras ako nang paatras hanggang sa umabot na ako sa tubig ng healing river, basa na ang suot kong pants sa gabing ito.

At may nagflash sa isipan ko.

"Sky, tandaan mo kung bakit ka nandito."

"Sky, tandaan mo ang nakalimutan mo."

"Ito lang ang natatanging paraan upang iligtas ang iyong sarili."

"Sky, isipin mo."

"Sky, isipin mo kung bakit ka bumalik sa panahong ito."

Kahit anong imahe ang lumalabas sa isipan ko. Naalala ko nga na ito rin ang dahilan kung bakit ako nagkaroon ng lakas na lumaban sa Dark Source dati. Dahil sa healing river ay naalala ko kung sino ako.

"Sky, tandaan mo kung anong nangyari sa gabing ito."

"Huwag mo nang pahirapan ang sarili mo, sumama ka na sa akin." Papalapit nang papalapit ang Dark Source sa akin pero nastuck pa rin ako sa tubig dahil iniisip ko pa kung anong dapat kong alalahanin.

Ngunit hindi ko pa rin binabaan ang dipensa ko, nang makalapit na siya ay hinampas ko siya ng bato na nakuha ko sa gilid at tumakbo na naman.

"Pagsisisihan mo ang ginawa mo!!" Biglang lumakas ang hangin sabayan ng kaniyang paglipad. Patungo na naman siya sa akin nang mabilis. Galit na siya ngayon at nararamdaman ko rin na lumalakas ang enerhiya niya.

"Flame wreck!!" Naglabas siya ng napakainit na apoy mula sa mga kamay niya, hindi ko ito na ilag dahil na distract ako sa biglang ingay di kalayuan sa area namin. T-teyka, ito ba ang ibig sabihin nito?

Oo tama. Naaalala ko na. Sa gabi ng healing river noong naglaban kami ng isang Dark Source ay may narinig akong mga tapak ng paa. May ibang tao na nagmamasid sa amin ngayon, nasaan siya?

Nagblur ang paningin ko nang saktong tumama sa akin ang flame wreck niya. Napasangga ako sa kamay ko sa lupa para hindi ako tuluyang madapa sa sakit ng pagkakatama ko sa kapangyarihan niya.

Argh nyemas! This won't do. Kailangan kong lumaban.

Naglabas ng mga flame blades ang Dark Source kaya nagkasugat-sugat ang katawan ko ngayon, napunit din ang damit ko.

Pero sa pagkakataong ito, nakikita kong umuusok ng itim ang mga kamay ko. Mukha itong black hollow. No way!!

Tapos sumasakit din ang ulo ko, pagkatingin ko sa tubig, nakikita ko ang repleksyon ko, kulay pula na ang mga mata ko. Nagpalit-palit ang kulay nito sa pula at dilaw. Naidala ko ba ang pagiging Dark Source? Napukaw ba ang Dark Source sa akin? Dahil katawan ko na ngayon ang ginagamit ko?

I feel angry.. raged.

I feel like I want to kill someone.

I want to kill that Dark Source.