ZODIAC UNIVERSITY: Travel Back in Time

Chapter 37

--- SKY'S POV ---

Umalis ako para hanapin sina Cyrus at Third. Pero bago pa man ako makaalis ay sinigawan ako ni Karsten.

"Sky!! You took everything away from me! Cyrus is my everything!!" Sigaw niya.

Nagpatuloy ako sa pag-alis ngunit bumabagabag sa akin ang nararamdaman ni Karsten. She likes Cyrus, and there's nothing wrong with it, nagmahal lang siya and I definitely understand her.

Huminto na muna ako at dinamdam ang aura ng dalawa. Pero naghalu-halo ang enerhiya na nasa loob ng kaharian, hindi ko lubos mabasa kung kani-kaninong enerhiya ang nararamdaman ko.

"Mahal na Reyna! Okay lang po ba kayo?" Tawag sa akin ni Manreel. Dali-dali siyang lumapit sa akin at tinanong ang kalagayan ko. "Ang dami niyo pong sugat mahal na Reyna, hayaan niyo po akong gabayan kayo sa safety zone ng kaharian, doon po ay tiyak na walang makakatunton sa inyo na taga Zodiacus para saktan kayo."

Hinila niya ako at totoong dinala sa safety zone na sinabi niya. Isa itong silid na mukhang walang gumagalaw sa loob nito. Nginitian ko si Manreel at sinapak ang may batok niya kaya siya nawalan ng malay. Inayos ko ang katawan niya at mahimbing naman siyang natutulog.

Bigla na namang sumakit ang ulo ko. At pagtingin ko sa mga kamay ko ay umuusok na ito ng puting usok. Oo, kulay puti na usok. Anong nangyayari sa akin?

"M-Manreel, manatili ka rito hanggang sa magiging okay na ulit ang lahat. Pangako, ililigtas kita sa kamay ng Dark Source, at mamuhay bilang isang normal na teenager."

Umalis ako at ipinagpatuloy ang paghahanap nina Third at Cyrus. At sa wakas ay nahanap ko na sila. Nandito rin ang ibang Zodiac Circle na nakikipaglaban sa mga Dark Source. Pero nadurog ang puso ko nang makitang nanghihina si Third samantalang parang walang gasgas si Cyrus. Hindi niya kinaya si Cyrus mag-isa.

"Cyrus! Itigil mo na ito!" Sigaw ko.

Pero parang wala na sa katinuan si Cyrus. Hindi siya nakikinig. Mas lalo siyang kinain ng pagiging Dark Source niya. Hindi na niya kilala kung sino kami, o kung sino siya.

"Cyrus!!" Sigaw ko ulit.

"Manahimik ka!" Sagot niya at nilabasan ako ng napakalakas na energy bomb gamit lang ang kaniyang kaliwang kamay. Napasangga ako sa aking dalawang braso dahil sa sobrang lakas ng pagkakatama ko sa kapangyarihan niya.

"Sky! Okay ka lang?" Inalalayan ako ni Oe. Ang mga mata ko ay nakatingin pa rin sa naglalaban na sina Third at Cyrus.

"Platinum na si Cyrus kaya mahihirapan si Third sa kaniya," sabi ko.

"--we have to do something!" tugon ni Oe.

"Kailangan Platinum din ang kakalaban kay Cyrus," dugtong ko.

"Anong ibig mong sabihin?" Oe.

Tiningnan ko si Oe. "K-kung mamaster ko ang time travel ability ko, I will become a Platinum."

Agad na umiling si Oe sa sinabi ko. "No, no, it's too risky."

"Oe, we have no choice," aniyo.

"Hindi Sky, we can't risk it," dugtong naman ni Carina nang lumapit sa amin. Kasama si Blu.

Serious mode na sila.

"Hindi mo ba alam Sky na sa tuwing gumagamit ka ng time travel ability ay mas lalong lalakas ang kampon ng Dark Source?"

Natigilan ako. Kaya pala bumalik ang Dark Source, dahil sa akin. Naiba ko ang kasaysayan.

"Pero posible na may gagawin tayong Platinum na warrior, si Third. Gagawin natin siyang Platinum gamit ang kapangyarihan ng Zodiac Circle," suhestiyon ni Blu. Agad akong napatingin kay Third at naalala ko ang sinabi ni Karsten sa akin na mamamatay sa kamay ni Cyrus si Third.