حب في جبهات القتال
تعرف غلاتك لو بعد
محتاج ابينهه اكثر
يالبيك لهاني العمر
ماركزت بي من مر
يمكن اذا كتلي شكثر تهواني راح اتحير
اليل اعد محبتك بس باجر اتزود اكثر
الادري بي من تبتعد
مدري شحس بحيرتي
صدري حفر بي خنجر
مكطوع شريان ابهر
يندفع شباج الجفه وبالروح شي يتكسر
اشتاكلك....بس الحجي المضموم الك يتبعثر
وبدون موجه احتاجلك
بالبر واحس بيك البر
مرات لجيتي كبالك سبب يتفسر
وتلمحني حرك الخاتم
وابدي ارتبك وتحسر
وهنا تحس بقيمه البس ع الشوفتك مضطر
للشاعر / أيهاب المالكي
....................................................
أ حمد...ضليت بلمحل
افتر منا واجي بالي ماصافي ابد
حتى غده ماشتهيت أكل شي احس الدنيا طالعه من عيني
ضليت بس ادخن للعصر اجه مؤيد
مؤيد.. السلام عليكم
احمد.. هله والله تعال تفضل
مؤيد.. خير شبي صوتك
أحمد.. لامابي شي هيج تعبان شويه شلونك انته شخبارك
مؤيد.. تمام انته شبيك ليش ماداومت اليوم مريت عليك ابوك كال طالع من الصبح شعندك هيج مستعجل على شغل
احمد.. لا بس كعدت وي صلات الفجر وماكدرت انام ل ٦ اجيت لشغل
مؤيد.. خيرك أحمد البارحه رجعت وحدك الصبح ماكو صاير شي احس صوتك موطبيعي وجهك تعبان حاس اكو شي
أحمد.. مؤيد شحجيلك مخنوك والله وحاس راسي راح ينفجر حجيت وي ازاد البارحه وماوافقت
انصدمت مؤيد لهسه ممصدك ازاد حاس بيهه تحبني صح هي ماحجت هيج بس لمعت عيونهه فاضحته
مؤيد.. ها هيج الحجي
كول يالله يمعود انته احسب روحك دتحارب اول يوم تخسر ثاني يوم حاول لا تستسلم من هسه إذا جنت رايد تربح
ارجع لدوامك متأكد ازاد هذا مو قرارهه انته هم راعي البنيه احتمال خايفه تخطو هيج خطوه
انطيهه مجال شويه لان الموضوع مو سهل وانته اعرف بعد
أحمد.. ياريت مؤيد تعبان كلش التفكير كتلني
كلت اذا ازاد وياي يبقون بس اهلي احاول اقنعهم بس هسه ازاد وأهلي شلون
اوف شلون راح تخلص
مؤيد.. كول يالله يااخي نشاءالله خير
إزاد.. بعد ماخلص أحمد كلامه ماكدرت أضل أكثر رحت لنور اخذتهه ورجعت للبيت بدلت ملابسي ونمت
