حب في جبهات القتال
لك أرواحنا مرخوصة ياعراق
وخل أصواتنا تهز المسامع
اجينة يا وطن نمشي على الموت
وتمشي ويانة عالموت الشوارع
بكل شارع نشوف حسين مذبوح
ومصلوب المسيح بكل تقاطع
ومن شفنة القنابل تمطر عليك
حفرنا صدورنة لجلك مواضع
لأن مانرضه نركع داخت الناس
من شافت حدرنا الموت راكع
هاي التضوي ابد مو شمس يعراق
دمنا المن طلوع الشمس طالع
واذا حصدوا فرحنا وزرعوا الموت
تخضر من مناحرنا المزارع
وين ابن العراق اليرفع الراس
وين اليفضح اصحاب المطامع
قاتل وانتصر وادحر الارهاب
وبالك يابطل يمنعك مانع الفرق
بين العراقي وبين الارهاب
مثل فرق السمة والگاع شاسع
فرق بين الرضع من صدر هالگاع
وفرق بين اللي وي إبليس راضع
البصرة
القائد... علي اكيد انت مطلع على الصار بالمحافظات الغربية والشمالية وتعرف اغلب المناطق سقطت بيد داعش
علي... نعم سيدي اعرف
القائد... احنه راح نبدي بعمليات حتى نرجع هاي المناطق المحتلة
راح ادزك للمناطق الشمالية اريدك تكمش السواتر هناك
علي مااريد داعشي يعبر وادري بيك كدهه
علي... تأمر سيدي ونشاءالله اكون كد هاي المسؤولية
القائد... شهم علي وهاي موجديده عليك
اعرف هاي المهمة خطرة كلش وحساسة لأن أي خطاء راح نرتكبة راح يكون بمثابة مساعدة لدواعش وراح يتمردون اكثر واحنه مانريدهم يوصلون لبغداد
لذالك يا علي خليك حذر بكل خطوة تخطوة لأن الدواعش غدارين كل شي توقع منهم
اذا همة حتى الطفل ابو 12 سنة واصغر ينطونة سلاح ويخلونة يفجر
لذالك يا علي ارجع واكرر الحذر الحذر ابني
علي... صار معلوم سيدي كل هذا اعرفة ونشاءالله ماتسمع مني بس الاخبار الجيدة
القائد... نشاءالله
الله يحفظك انت وجنودك وترجعون بالسلامة
هسة اريدك تخبر الفرقة مالتك وجهزون ارواحكم حتى تتوكلون
كون باجر الكيكم مرابطين على السواتر
علي... جاهزين نشاء الله سيدي
القائد... وهو يطبطب على كتفة
الله يحميكم وترجعون بسلامة
علي... رجعت لمكتبي حتى اجهز للعملية دخلت لكيت أدم وأشم موجودين يشربون جاي
ادري ماعدكم مكاتب شربون بيه بس مكتبي كلما اطلع وارجع الكيكم طالبين چاي وشربون
ادري مكتب لو كهوة ×××××
أدم... ههههههههه لا هاي قوية بعلي
علي... وهو يكعد بمكانة
شعدكم هنا
أشم... اشتاقينالك واجينه نشوفك حرااااااام
علي... شلك بيه هاي ماصارلي ساعة من مفارك جهرتك
أشم... وشبية جهرتي تخبل بس حقك انت ماتعرف المعجبين اليتمنون يكابلون هاي الجهره الماعاجبتك شكد
