حب في جبهات القتال
وحده وحده
دموعي طاحن والحزن مافاركني بعده
وحده وحده
الدنيا شوك ومالكيت بيوم ورده
وحده وحده
شكثر عندي من الاماني وماتحقق اي شي اني ردته
وحده وحده
الليل عود عيني تسهر والسهر كاعدلي كعده
__________________________________
عشق... مره كاعدة اغسل اماعين العشة حسيت على ايدين صارت على خاصرتي كل ضني جاد رئسا فزيت ودرت وجهي شفت رجل عمتي
غسان... شبيج ياحلوة هسة اني شسويت وهيج طفرتي
عشق... ردت اطلع من المطبخ رئسا سحبني من خصري
غسان... هااي شبيج ليش تردين شردين بعدني كلشي ماسويت
عشق... ضليت ادفع بي اريدة يوخر بس هوة اقوه مني ماوخر ايدة لمن سمعنة صوت
سناء(بعصبية)... هااي شجاي يصير هناااا
غساء ( برتباك وعصبيه وهو يعوف عشق)... هااا سنااء شفتة زلكت وكمشته خفت لاتتعور ونضل نبتلي بيه واحنة ماعايزين اذا ماتعرف تشتغل لاشغليه يمعودة هية منا خرسة نوب تنكسر حتى نبتلي اكثر
سناء (بعدم تصديق)... انت مايخصك بيه غساان هية مو زغيرة وماتعرف تشتغل
وانتي الثاني بسرعه للغرفة هنة اربع ماعين ومادبرتيهن شنو هل فهاوة يلة ولي
عشق... رئسا ركضت للغرفة دخلت جانت محد بيه لان سحر ورباب جانن عند اعمامهن وايناس بصاله تباوع لتلفزيون
سديت الباب وكعدت وراه اباوع لدية وعيوني ينزلن مدااكدر اسيطر عليهن من الرجيف وكلبي صارت دكاته سريعة من الخوف
دخيلك ياااربي ساعدني وينك يا باباااا تعال اخذني والله ميته خووف
مين ما ادور وجهي اشوف عيونهم النكسة تباوعلي لا ونوب وصلت بي يتلمس بجسمي دخيلك يااربي احميني منهم
سمعت دكت الباب لان جنت قافلت
سناء (بعصبية)... فتحي الباب لج بسرعة
عشق... كوه سيطرت على روحي وكمت فتحتة
اول مادخلت ضربتني راجدي
سناء... شفقت عليج وجبتج لبيتي كلت خطية تبقى بشارع عبالي بيج حظ
بس نسيت انتي بتمن بت المسيحية ام الولد سمعي لج لاعبالج هاي تمثيلية الوكعة تعبر علية احترمي نفسج ولاتلعبين بذيلج ماتستحين تدوددين لرجال اكبر من ابوج حتى طايحة الحظ
بس بسيطة منا وهيج اني الج اذا ماربيج عدل
عشق... كالت هيج وطلعت لميت رجلية لصدري وضليت ابجي بدون صوت
والله مالي ذنب هو الجاني اني معلية شكد تمنيت اكول هيج وادافع عن نفسي
حسيت النفس ضاك علية كلش
ضليت اشهك واقرة ايه الكرسي وامسح على صدري لمن هديت شوية وكدرت اكوم
رحت اخذت علاجي ماعرف شلون شربتة الحباية كلساع توكع من يدي وحتى الشراب تبدة
سحبت فراشي فرشتة ونمت غطيت حتى وجهي حتى حجابي مانزعت
