حب في جبهات القتال
- بارت طويل 🌺
❤️ولكِ في الروح عشق لا ينتهي فكيف
لاتدمنك روحي وأنتِ دوائها....❤️
_________________________________
علي... جنت وي القائد أنه وأشم لأن جان طالبنة خلصنة شغلنه وطلعنة
بعدني ماراكب السيارة دگ مبايلي هدى فتحته بعدني ماحجيت
هدى ( بدموع وخوف)... الحگنه علي
علي... خير هدى شصاير
هدى... علي أبوك هجم علينه هو وجماعته وخطف عشق
علي... ولج هدى أنتي واعيه على جاي تحجينه
لاتخبلين
هدى... علي شبيك جاي أكلك عشق خطفوه اجه ابوك وخطفه من البيت تعال بسرعة
علي... جنت واكف رئسا كعدت على الدرجات احس حيلي كله نهد أبوي يخطف مرتي !!؟؟
أشم... شكو علي شصاير ؟
علي ( بحيل مهدود)... عشق نخطفت أشم
أشم... علي خاف هذا الخبر جذب ويردون يستدرجوك حتى يختالونك
علي... ولك أشم يااا جذب هسه خابروني من البيت خاطفينه من نص بيتي
طكيت أيدي بالكاع وطفرت لسيارتي كوه مثبت على الستيرن من السرعه الامشيه ومنا اعصابي ترجف حتى السيطرة ضربته
ماعرف شلون وصلت للبيت وانه يمكن اربع دعمات مندعمه
نزلت اريد افتح الباب بالمفتاح مااكدر لحد مانسحب من ايدي شفته أشم فتحه ودخلت بسرعة
لكيت زهره كاعده وكامشه راسه بثنين أديه هي وهدى
بعدني ماحجيت دخل مصطفى وياسين
( بعصبية وصوت عالي) احد يفهمني الصاير هناا مو دين مابقه براسي
زهره ( وهيه كوه تحجي ومنزله راسه)... ابوك ياخوي دخل علينه مثل الاعصار جان بالبدايه رايد ياخذ أدم بس امه جلبت بي ومانطتهيا
ومن انطته لهدى وشردته لجوه اخذ امه رادت البت تفلت من ايده بس مااكدرت لان تعاونو عليه هو واحد جان جاي وياه
علي... رحت ركض للكامرات وشفت كلشي صار لان انه جنت خاله كامرات داخل وخارج البيت
وتخبلت أكثر من شفته شلون ضرب زهره
سمعت صوت الجام نكسر لتفت شفت ياسين كاسر الجامه مال الشباج
ورجع كعد جوه رجلين زهرة رفع راسه وشاف خده احمر و اثر الاصابع مطبوع على خده
ياسين... ضربج وهانج وانه عايش واشم الهوى مع الأسف عليه والله
زهرة (بهضم)... انه سالفتي هوينه يبعد اختك شوفو ذيج اليتيمه وتلاحكوه لان طايحه بين أدين ناس لايعرفون الله ولايخافون منه
