حب في جبهات القتال
ح
بيتج ولگلبي صرتي
مو بس حچي شهگه نفس انتي
ما اعوفج لأن معناهه ينكسر ظهري لو رحتي
وعلى عناد اليغارون اليوم صرتي ألي
صرتي مرتي ♥️
_________________________________
ازاد... رحت شفت احمد وامه وياه بنيه ما اعرفته بس يمكن اخته هو حاجيلي عنه بس ابد ما شايفته ومريم ومؤيد
طبعا اني مريم خبرته تجي وكالت اكيد اجي وي مؤيد
وصلنه يمهم
.... السلام عليكم
.... وعليكم السلام
احمد... اول ماسمعت صوت السلام درت وجهي وجان اشوف ملاك
بت الذينه هاي شطالعه بالحجاب غير تموت ضليت صافن عليه وناسي كل الموجودين
مؤيد... ولك احمد يمعود يبو الغيره فضحتنه شبيك خرب يومك
احمد... وجع شبيك
مؤيد... ولك الرجال يحجي وياك وانت راگعه صافنه جاوبه
احمد... هااا عمي شلونك
مؤيد... فضحتنه بعلي ولك يكلك ابوك وين دكله شلونك
احمد... خرب يومج ازاد سطرتيني والله
مؤيد... هسه يجي عمي راح يجيب السيد ويجي
ابو نور... هااا على راحته
مؤيد... احمد ركز ركز شويه فضحتنه كدام الرجال
احمد... دسكت عاد دوختني
شويه واجه ابوي وياه السيد اليعقد
ازاد... شفت نفس الرجال الجنت اشوفه بالمستشفى بس ماجان وحده جان جاي بتجاهنه استغربت
سمعت احمد يكله يابه
عزه عزه عزه هذا ابو احمد
نور... ولج شبيج
ازاد... هذا ابو احمد
نور... اي ليش
ازاد... عزه ولج هذا نفس الرجال الجنت احجي وياه بالمستشفى
ابو احمد... السلام عليكم
الكل... وعليكم السلام
ابو احمد... شلونج يابه ازاد شخبارج
ازاد... ضليت بس فاكه عيوني ولارديت ابد
احمد... استغربت رده فعل ازاد ابوي يحجي وياه وهي بس صافنه وفاكه عيونه
نور (بهمس)... لج الرجال يحجي وياج شبيج فاكه عيونج وصافنه
ازاد... هااا
ابو احمد... هههه
ازاد... عمو هذا ا...انت
ابو احمد... اي اني
ازاد... انت شلون ليش
ابو احمد... هههه ليش ماجنتي رايده شوفيني
ازاد... هاااا لا لا مو قصدي يعني هذا انت
ابو احمد... ههه اي هو اني
احمد... اباوع على ابوي وازاد واني مستغرب ابوي جان الوضع كلش طبيعي عنده
بس هيه جانت كلش متوتره حتى خدوده صارن حمر
شويه وكال السيد يلله ياجماعه خلي نعقد
كعد السيد يعقد النه ويردد واحنه نردد وياه وي كل حرف انطقه اشكر ربي لان خلاه من قسمتي اباوع بعيونه اشوفه متروسه دموع
