حب في جبهات القتال
- بارت طويل 🌺
جيتني مختنك وانا جيتك حضن
احتويتك انت واهمومك سوا
كان صدري لك من الغربه وطن
ومن حناني ضامي القلب ارتوا
_
_____________________________
عشق... جان البيت هدوء كلمن بغرفته صافنه على التلفزيون ماحسيت اله ايد صارت على كتفي
نزيت ورئسا طفرت
علي... اسم الله بويه
عشق... من شفته علي خليت أيدي على كلبي خررب خرعني
علي... ليش مانايمه لسه عندج شي يوجعج
عشق... هزيت راسي ب لا
واشرتله بأيدي بمعنى مانعسانه
علي... خووش على راحتج بس لا طولين بسهرتج
عشق... كال هيج ودار وجهه راد يصعد
رئسا كمشت ايدة
دار وجهه أليه...
علي... هاا بويه رايدة شي ؟
عشق... أشرت على مبايله جان كامشه بايدة
علي... اشرت على مبايلي فتحت وانطيتهيا
عشق... 💬 شكراً على الملابس ام أنس ممخليه شي ماجايبته
علي... تذكرين بالمستشفى شكتلج
موكتلج هاي الكلمه مااريد اسمعة منج مره ثاني
عشق... ابتسمت وهزيت راسي ب أي
اكدر اسئلك سؤال
علي... كولي
عشق... 💬ليش دا تسوي كله هذا وياي انته ممجبور
جاي تخسر عليه كومه فلوس اول شي تكاليف علاجي
ونوب جبتني لبيتك وخليتني بنص اهلك
وهسه رجعت اشتريتلي ملابس ليش كل هذا؟؟؟
علي... تعاي خلي نكعد لان مبين حجينه هواي مو مال وكفه
اول شي بنيتي أنتي من أجيتيني دخلتي عندي ومو من شيمي اعوف دخيلي قبل ما أمن عليه وتأكد من سلامته واي واحد بمكانج هم جان صرفت نفس تصرفي هذا
ثاني شي أني غلطت لان سلمتج لبيت عمتج قبل ما اسئل وتأكد اكثر
وبسببهم حالتج تأزمت اكثر لهيج جبتج لبيتي حتى تكونين تحت عيني لان قصرت وياج المفروض مااعوفج قبل ماتاكد
ثالث شي أنتي هسه مرتي يعني أنه مسؤل عليج بكلشي هدومج علاجج اكلج مسكنج كلشي أنه اوفره ألج
عشق... اكتب واني كوه حابسه دموعي
💬 بس هذا هواي افضالك كثرت عليه وخصتا من خلصتني من بيت عمتي
شلون اكدر اردهن ألك ؟؟
