حب في جبهات القتال
للمنجرح جرحين ويكلي #مجروح
عز الله بيه الاف دافنها #بالروح
........
دمعه بجفن مشتاك جيتك #يدكتور
مامش علاج يفيد للكلبه #مكسور
____________________
علي... السلام عليكم بيت غسان ابو جاد
سناء... وعليكم السلام اي تفضل
علي... اني الضابط علي (وراويته هويتي حتى تتأكد )
عندي موضوع وياكم اريد أخبركم بي
سناء... خير سيادة الضابط !!
علي... زوجج موجود
سناء... لاا ليش !؟
علي... لان الموضوع الجاي بي مو مال احچي بي بالباب ياريت تتصلين بي حتى اكدر ادخل واتفاهم وياكم
سناء... قلقتني سيادة الضابط
علي... لا نشالله ماكو شي بس ياريت تستعجلين
سناء... تماام تفضل
علي... لاا راح انتظر ابو جاد لحد مايجي وادخل
سناء... على راحتك
علي... ضليت منتضر بريع ساعة واكف يم سيارتي وادخن
غسان... السلام عليكم
علي... وعليكم السلام
غسان (بخوف)... تفضل سيادة الضابط رايدني
علي... اباوعله الخوف مبين على ملامح وجه والصراحة شكلة مو راحة وجان وياه ولد يجي عمرة بلعشرينات هم مو راحة
جليت صوتي وحجيت
والله يا ابو جاد عندي موضوع وياكم ياريت ندخل ونحجي احسن
غسان... اي طبعا تفضل البيت بيتك
علي... تسلم دخلت كعدت بالستقبال جانت حالتهم المادية وسط
جابولي جاي وماي
غسان... اي سيدي تفضل شنو الموضوع
علي... الصراحة هو الموضوع يخص زوجتك اكثر اتمنى منك صيحلهه
غسان... زوجتي!!!؟
علي... اي اذا ماكو مشكله
غسان... لا عادي جااد روح صيح امك خلي تجي
علي... شوية ودخلت نفس المره الفتحتلي الباب
سناء... تفضل سيادة الضابط بشنو رايدني
علي... انتي سناء هاشم احمد
سناء... بلي اني
علي... اريد احجي دخل ولد علينة بس حرام اسمي على الزلم
جان لابس برمودة ضيكة كلش والبدي طافر والشعر لجتف رافعة بقراصة ولابس كلادة وترجية وحدة والوجه صافي ويلمع
دخيلك ياعلي هذا زلمة اشتعل عمي اي والله
مسلم... مرحباااا
علي... بله هذا شرد علية رفعت حاجبي وحجيت مراحب يابة
سناء... ماخبرتنة شنو الموضوع الجيتنة بي
علي... احم خوية ام جاد انتي عندج اخو واحد واسمة احمد هاشم احمد انتقل لسنجار بعمل صح كلامي لو لا
سناء... بلي صح ليش
علي... زين انتي هم تعرفين اخبار عن اخوج مثل متعرفين حاليا سنجار ساقطة بيد الدواعش
