حب في جبهات القتال
وكأن شيئاً بيننا
يوم التقينا صدفةً
من غير معرفةٍ ولا ميعاد
شيءٌ تحرك داخلي
وأثار ناراً
كنت أحسبها رماد
وكأن شيئاً بيننا !!!
مَن أنتِ قولي
مَن أنا ؟
ماذا تحول في ثوانينا
وأنسانا الرشاد ؟؟
كيف تجرأتُ وقلتُ سيدتي
أريدكِ .. أنتِ أمنية الفؤاد !!
قد كنتُ أعلم أن هذة صدفةٌ
وبأن صدفات كهذه لا تعاد....
💞~~~~~~~~~~~~~~~~~~~~~💞
ملاحضه / بس بنات لهجه ازاد مصلاويه بس اني كتبتهه بالهجه البغداديه حته ماصير خربطه واسهل
اتمنالكم قرئه ممتعه القصه على لسان عشق ...
💞~~~~~~~~~~~~~~~~~~~~💞
ازاد : مرحبا اني ازاد من سكنة جبال سنجار عمري 20 سنه عندي اخت وحده اسمهه شهيناز اكبر مني حاليا هي مرحله رابعه بجامعه قسم اداب انكليزي مخطوبه من اقارب ماما
طبعاً اني مدلله عد ابويه لان ماما بعد ميصير عدهة اطفال لان بالولادة صار عدهه نزيف كولش حاد انطرو يقلعون الرحم حتى يوقفون النزيف حالتنه الماديه متوسطه بابا موظف بدائرة الكهرباء مامقصر علينه بشي ابد يحبنه كولش ويحاول ميقصر ويانه دووم
ماما ربت بيت
بعد ماتخرجت من السادس طلع قبولي جامعة بغداد قسم رياضيات
بابا رفض اروح البغداد لان جانت بدايه التسعينات والاوضاع جانت مو تمام لهذا سبب رفض رفض نهائي رغم توسلت بي لان ماريد اترك سنه
واني قبل تاركه سنه حاولت وياه بس بابا جان مصر على رفضه
بيوم كاعدين على غده خبرنه بابا كال حتجي اساور من بغداد زورنه
اساور عمتي مزوجه بغداد
كولش فرحنه بجيتهه لان عمتي حبابه وتحبنا حتى زوجهه رجال طيب عمتي عدهه 2 بنات الكبيره اسمهه نور بالجامعه مرحله ثانية قانون والثانيه استبرق رابع اعدادي وعدهه ولد واحد دريد صف خامس بتدائي
بناتهه كولش حبابات
ام ازاد .. يله امي بالعجل خابر ابوجن وكال حيوصلوون خلصن بسرعه
ازاد... ماما اني خلصت تنظيف
شهيناز ... واني هم كملت المقبلات وخليتهم بالبراد والغده جاهز ماعدنه شي ماما
ام ازاد... تمام امي عاشت اديجن حبيباتي
