حب في جبهات القتال
م
ساء العافيه وصباح الخير ☺️💜
شلونكم شخباركم بعد هذا الغياب الطويل طبعاً أني جداً أعتذر على التأخير بس والله جانت عندي ظروف تمنعني أنشر والله وأني ارتكبت خطأ ماكملت كله القصة اله نشرت لا ضليت أكتب البارت وأنشره بنفس اللحظة
وثاني شي صارت مشاكل والقصة رادت تنحذف بس هسة الحمدلله نحل كلشي ورجعتلكم 💜🙈
🌺_________________________🌺
دعوتني الى الحب فأحرقتني....
أبليتني بالعشق ثم تركتني....
وأذقتني حلم الهوى فقتلتني....
صورت لي الدنيا أنها بعينيك فأعميتني....
أحييتني بأمنيات ستحققها لي فأمتني....
أذلني الغياب فياليتك باللقاء أكرمتني....
ماسه... مرن الايام عليه وانه عايشة بس جسد بلا روح لان روحي راحت وي حبيبه سكنت النجف
شگد حاولو اهلي ارجع وياهم للبيت بس انه جنت رافضه
لان بهاي الغرفة تجمعني هوايه ذكريات وي أدم وعشت وياه احلا الاحضات
من شافني ابوي مصرة ابقه وانه منا حالتي تعبانة فما ضغط عليه وبقيت
عمتي كيفت لان قررت ابقه وحتى عمي والبنات جانو مدلليني ومعتنين بيه كلش
انه جنت ساكنه غرفتي ومانزل بس للضرورة ومرات تمر عليه ايام مانزل بيهن
جنت كل يوم بليل اطلع قميصه واضمه لصدري وضل ابجي عليه لحد ماغفه على ريحته وانام
أدم جان يجيني بالحلم وكل مايجيني يمسح على راسي وبطني ويبتسم ويكلي ماستي الصبر
ااااااخ يااااا أدمااااني ليش هو افراكك هين عليه....
والتعبني اكثر من اشوف ابني جاي يكبر بطني وانه اعرف أبوه شگد جان متمني ومنتظر وصوله على نااار......
الـࢪَسايل والصُوࢪ والـّوينڪم واللِيل خَذت ضِحـڪاتيہ مِنيہ وشوفنِيہ الويِل 🥀
اليوم اربعين حبيبي مر اربعين يوم على غياب أبو بيتي....
صلينه الفجر وطلعنه الطريق كله نبجي ونوح عليه
لحد مادخلنه للمگبرة وصلنه لگبرة....
واكفه على گبرة حبيبي وابو ابني وانه اباوع على صورته المعلكيه جان لابس الزي العسكري والابتسامه مرسومة على شفافه....
والله هضيمه هذا الشباب يندفن جوة التراب
رجليه ماعانتني رئسا كعدت خليت راسي على گبره وضليت امرر ايدي عليه...
