حب في جبهات القتال
-بارت طويل 🌺
🥀أبكي عليك ؟؟
🥀أم أبكي على نفسي ؟؟
🥀أم بكي على ماضاع من أمسي ؟؟
🥀أم أبكي على دنيا أشبعتني ضرباً دونه لمسي💔؟؟
______________________________
عشق... رجليه ماعدا يعينني ماادري من الألم مدري من الخوف غمضت عيوني
سمعت صوت عمو ياسين
ياسين (بخوف)... عشق شجرالج بويه ؟؟
عشق... ضليت بس اعض بشفتي واون
ياسين... هدددددى وينج تعاااي بسررررعة
هدى... هاا حبيبي....
عشق !!!!!!
عشق... أجتي هدى كعدت كدامي سندتني وكومتي
هدى (بخوف)... صخااام ولج هاي هدومج بيه دم !!!!!
عشق... اخذتني للغرفه غيرتلي ملابسي
وزهره منيمتني بحضنهه وتقره على راسي كل هذا واني اتكطع من الوجع ودمووعي تجري
زهره.. هدى خلي ناخذهه للمستشفى نلحك عليهه لايصير شي بطفل
هدى.. طالعه احجي ويه ياسين ياخذكم واجيبلج عباتج لان وجعهه مبين يزيد ماينقص
عشق... طلعت شويه واجتي لبستني شالي والعباية على سرعه وزهره لبست
كوه وصلت لسياره ضهري احسه مقسوم بنص
وصلنه للمستشفى دخلني للصاله النسائيه اجتي دكتوره فحصتني
زهره ( بخوف)... هاا دكتوره بشري؟؟
...النزيف قوي صاير عدهه اذا ماينكطع بلعلاج والبر الي راح اكتبهن هسه احتمال سقط الطفل
زهره..على بختج حبيبه سوي كلشي واني حاضره لأي شي طلبينه مني بس ميصير شي لا عليه ولا على طفل
... راح اسوي كلشي يطلع بأيدي والباقي يم رب العالمين انتي بس كولي يالله
هسه اصيح على ممرضه تنطيهه العلاج وخليهه يمي اراقبهه لصبح ونشالله خير
عشق...فوك الوجع حجي الدكتوره خبلني ماريد اخسره مو سهل عليه الحمل
ومابقالي شي وادخل شهر الخامس ومنتضرته يوم يوم احسب لشوفته
كلما يتحرك بداخلي ويحسسني بوجودة وتكبر بطني شويه يزيد عندي حساس الامومه اكثر ويزرع بگلبي الفرح
ياااااربي دخيلك لا تفجعني بي اطلبه منك تحفضه أليه
أجتي المموضه علكتلي مغذي وخلت بي ابره وضربتني ثانيه
زهره... كتلج ييمه على كيفج وي روحج و لا تنقهرين مو زين على طفل حاولي تلهين روحج باي شي ينسيج شوفي هذا الجنت خايفه منه
عشق ( بدموع)... شينسيني يعمه واني الساعه تمر عليه جحيم بدون خبر منه ولا اسمع صوته حتى
مو هينه عليه 4 اشهر ماشايفته ولا سامعه صوته زين وعقل ضال براسي
