حب في جبهات القتال
هلووو شلونكم يا احلى متابعين 🤗😘
اشتاقيتلكم 😍🌺
ولو التفاعل قليل 🥺💔
بس هذا بارت طويل لعيونكم 6196
💔💔💔💔💔💔💔💔💔💔
ابو احمد.. اجه يحدد موعد قطع المهر مالت توفيق وسناء وكتله نسوي عقد احمد ومنى سوه وياهم نهايته هذا الاسبوع حضر روحك
احمد .. شنووو ياابه
سمعت كلام ابوي واني احس فقدت اخر ذره بعقلي احس ناااار تشعل بصدري شلون يتصرف هيج وهو يعرف جوابي
شنو يابه شدتحجي شنو عقد شنو نهايه اسبوع انت شلون تخطي هيج خطوه وانت تعرف جوابي شنو اني طرطور
اني موو رجال كدامك مالي حجايه اني جم مره كلت منى مثل اختي ومااكدر ازوجهه واضلمهه وياي ونطيتك سببي وانته تعرف كلش زين ليش تخليني بهيج موقف
فقدت كلش حتى صوتي مانتبهت عليه عالي لتفتت اشوف عمي واكف وامي جايه على صوتي اباوع لبويه شلون يباوع لعمي ومبين علي متوتر بس ماكدرت الازم اعصابي بعد وسمع كلشي
سالم .. هذا شنو الكلام ابو احمد اني بنتي مو رخيصه ولا مدلل بيهه وانما انته اخوي
اجيت وطلبتهه ماحبيت اكسر بخاطرك واعرف احمد كلش زين بس مو تجبر احمد عليهه اذا هو مارايدهه تره بنتي مابايعهه والف من يتمناهه
وانته احمد عيب تحجي هيج واني هنا
جان اجيت وكتلي ابوك جابرك عليه واني احل السالفه ألك
اذا مارايدهه ماجبرك اني
يله اترخص
احمد .. عمي
ابو احمد .. ابو توفيق اهده شويه وتعال اكعد خل افهمك احمد مايقصد شي
سالم .. لا ابو احمد افتهمت كلشي فيمالله
واعتبر كلشي ماا صار
احمد .. طلع عمي وجان عصبي كلش
حقه لان الموقف صار بي مو سهل لو اني مكانه يمكن اسوي مثله واكثر
ابو احمد( بصوت عالي) ... هيه هااي الردتتهه احمد
فشلتني كدام اخووي طلعتني مو كد الكلمه وجذااب
احمد... حشااك يابه اني موو قصدي اخليك بهيج موقف بس انته ائلي خطبت بدون متكلي وتعرف جوابي كلش زين شلووون تريدني اسكت وانته حددتو الموعد بلا علمي حتى ماخليتلي كلمه اني مووو مره وانجبر يابه
تريدني انتضرر لمن تجي وتكلي اليووم زفتك
ابوحمد ..امششي وللي عن وجهي ماريد اشووفك سوددت وجهي كدام اخووي
احمد.. يابه اني موقصدي انزل من مقامك ولا اهين عمي ....
ام احمد... صلوو على نبي ياجماعه
ابو احمد أهده شوويه ياضي عيوني
وانته احمد روح لغرفتك بعدين كملوو لايصير شي بابوك روح امي
