حب في جبهات القتال
هلوو شلونكم شخباركم اتاخرت عليكم مو اسفة كلش والله امس اله خلصن امتحاناتي 💜💜
وهذا بارت طويل....
ويا روحي من روحج جزعتي
انه انه.. وانتي انتي
لو اراويج الصبر
لو بيج اجي اعنايه اعله ذلتي
مدري شمضيعه بخلگ؟
بيهم سبع موتات متي
______________________
عشق... فتحت عيوني على ألم فضيع بطني اريد اصرخ بس مااكدر احس بثكل مو طبيعي كلش چبير على صدري
ضليت افتح عيوني وغمضهن
أني وين ؟ شصار وياي ؟ وين اهلي ؟ اريدهم....
هاي الافكار ضلت محتله راسي لان مااكدر انطق بحرف حتى أسئل ؟
سمعت صوت مرة تحجي وياي
بس ماكدرت ارد علية جنت مثل الطير المذبوح ضليت بس أون وحرگ راسي من الوجع البية
الدكتور... عشق بابا سمعيني هدي شوية وحاولي تفتحين عيونج
عشق... سمعتة صاح لوحدة حتى تضربني ابره وبقى يحجي وياي مااعرف شگد مر عليه وقت حسيت الوجع بدة يخف شوية والرؤية عندي صارت اوضح
فتحت عيوني على ضوة قوي شفت نفسي نايمة بغرفة واگف فوگ راسي رجال ومرة من ملابسهم عرفتهم دكاترة
احس مثل الشي على خشمي رفعت ايدي حتى اشيلة منعني
الدكتور... لابنيتي عوفية لاشيلينهه بعدة النفس مالتج مامنتظم
عشق... شوية ورجع النوم سيطر علية
حسيت على صوت يصحي بية
فتحت عيوني بصعوبة واني احس كل عضمة بجسمي تون علية
الدكتور... يلة يحلوة ماشبعتي نوم مو كافي عااد صارلج ب 12 يوم نايمة
عشق... اباوع علية جان رجال جبير بس مو كلش اسلوبة بلكلام جان كلش حلو وراقي استمر يحجي وياي هيج لحد ماجيك وضعي ورجع سئلني
الدكتور... شنو اليوجعج بابا كليلي
عشق... اريد انطق بس مااكدر احس مثل الشي الخانكني ويمنعني عن الكلام
خليت ادية على ركبتي وضلت دموعي تنزل احس نفسي مخنوگة كلششش
حتى النفس جاي يأذيني
الدكتور (بابتسامة)... اششش عليمن هل دموع ياعيني انتي بس أهدي شوية ورخي اعصابج ونشالله كلشي ينحل تمام
راح اسئلج كم سؤال وانتي حاولي جاوبيني واذا ماكدرتي حرگي راسج خوش بابا
عشق... هزيت راسي ب أي
الدكتور... بلاعيمج مأذياتج وتحسين بخنگة تمنعج من الكلام مو
عشق... هزيت راسي ب أي
الدكتور... خوش هم عندج ألم بغير مكان
عشق... رجعت هزيت راسي ب أي
الدكتور... وين ؟
عشق... خليت ايدي على راسي ونوب على بطني بمكان الوجع
الدكتور... تمام الوجع احسن من امس يعني اخف
عشق... هزيت راسي ب اي
