حب في جبهات القتال
~ بااارت كلش طويل لعيونك ~
هذا المنه خايف جنت اكللكم
اجه الموت الكدر يبعدني عنكم
ابروني الذمه خاف زعلتكم ؟
مو قصدي الله شاهد جنت احبنكم
تركتوني ومشيتوا ومشيه اوداع
وراكم صحت بس ماسمعتكم
تعالو الليله وحشه لاتروحون
وحق العشره ماشبعان منكم
بيكم بعد جيه ؟ ترى اشتاگيت
لكن كا اريد اشلع گلبگم
بذراعي وجع بس مو وجع موت
مضت مده عليه مانومتكم !
~~~~~~~~~~~~~~~~~~~~~~~
احمد... حياتي وي ازاد احلى من العسل وبنتي منوره حياتي بضحكته ولعبه
مرت الايام عادي ودخلنه بسنه 2003
صارت الحرب نگلبت الدنيا
صارت طلعاتنه من البيت معدوده لان الوضع خطر
بيوم جنت طالع رحت لمؤيد اول مارجعت طبيت للغرفه
شفت ازاد خاله راسه على رجليه وتبجي
خير ازاد شبيج ليش هااي الدموع
ازاد (بكاء)... ااااحمد
احمد... اخذته لحضني
عيونه لحمد شبيج منو وياج
ازاد... حاولت اهدء نفسي شويه وحجيت
احمد هسه تصلت عليه ماما
احمد... اي
ازاد... يردون يعوفون بغداد ويسافرون
احمد... ليش
ازاد... عمو يكول العيشه بغداد صارت خطره وهو يخاف على عائلته لان واحد من الموظفين الجان يشتغل وياه قتلو وهم تاركيله رساله تهديد
احمد... وين يردون يسافرون
ازاد... يمشون بالاول لسوريه ومناك يرحون لسويد على ما شهناز تكمل اوراق الاقامه
احمد... ونتي عليمن ناصبه هاي المناحه ياعيني
ازاد... هااي شبيك احمد داكلك اهلي حيسافرون وبعد ماكدر اشوفهم
احمد... تمام تمام بس انتي اهدي شوي
همه ليمته يردون يسافرون
ازاد... الصبح يطلعون عمو متفق وي واحد صديقه ياخذهم
احمد... تردين اخذج حتى ترحين تودعيهم
ازاد... ماعرف اني اريد امشي بس ماما كالت لاتجين الطرق خطره ودنيه ليل
بقيت طول اليل نايمه بحضن احمد يسكت بيه حتى عشق مادري بيه
لحد ما نمت
صحيت على صوت احمد
احمد... وضع ازاد كسر كلبي خطيه طول اليل نايمه بحضني بس تبجي على اهله لان كلهم راح يسافرون
ضليت اسكت وهدي بيه لحد مانمت جانت مثل الطفله بحضني
حتى اني نمت وياهه صحيت على صوت دكه باب غرفتي
كمت فتحت الباب
هااا يوم خير
ام احمد... لا حبيبي ماكو شي لاتخاف بس هاي امه لزاد واكفه بره تريد تشوفه قبل لا سافر
احمد... هااا خوش هسه كعده
ازاد حبيبتي كعدي
