حب في جبهات القتال
يااااا مرحبا من القلب واحساس وضمير
ترحيبه مثل العسل قدر ووقار
الى احلى متابعين ♥️😍
قراءه ممتعه 😘
🌺🌺🌺🌺🌺🌺🌺🌺🌺🌺🌺🌺
راح نروح لشخصيه جديده ويانه بالقصه
سناء
احجيلكم شويه عني اني البنيه الوحيده للعائله
من الصغر مدلله احمد ماعندي اخوات ماجان مقسوم ائلي بس احمد عوضني عن هذا الشعور
جان العصر دائماً ياخذني ونطلع نفتر بشوارع الكاظميه العصر الاجواء قبل تختلف جان بنسبة ائلنه تخبل وكلشي يصير ويانه حلو
نضل نفتر هيج للمغرب يشتري ويرجعني مرات نروح لبيت عمي سالم ياخذني العب وي البنات جان يضل واكف يمي يخاف يصير عليه شي اوكع اتعور وحتى مرات من يتعاركن وياي يصيرن فريق واضل لوحدي اكعد ابجي يجي يصيح عليهن وياخذني لو يلعب وياي بفريقي لو نضل نلعب لوحدنه عوضني بهواي امور
اذكر من صرت اول ابتدائي جانت مدرستنا مختلطه هو صف سادس اني ابجي الا يجي يكعد وياي بلصف اذا طلع رئسا اطلع وراه المعلمه ضلت تحجي عليه اخذني لساحه
كعد يسولف وياي شلون يقنع الاب بته جان نفس سلوبه وقنعني ورجعت كعدت خطيه ضل واكف بره بساحه يصير مقابيل صفي ضل يباوع عليه شلون ليكلي اني يمج لاتخافين يله قنعت وضليت وهيج مرت ايام وياي
لمن تعودت الطالبات يخافن يبسطني لان يشوفنه شلون مايتركني وضال وياي اني من نوع الفكاهيه ومشاغبه بنفس الوقت احمد
يحب تصرفاتي هواي مرات اتماده يكلي لسانج كصري لا يكصرونه اضحك على كلامه
كبرت دخلت عداديه شويه شويه تعلقت بيت عمي سالم
اكعد وي البنات خاصه هنه بعمري سولف وضحك ندرس سوه ولليل اله ارجع للبيت
انتبهت على نضرات توفيق حسيت عليه بس ماهتميت او بينت مااهتم اكثر من مره حاول يحجي وياي انهزم
ماعرف ليش شويه شويه صرت اتعود على نظراته صرت ابادله هذا الشي ماعرف جان عادي او اعجاب جنت اشوفه من يطلع شلون يكشخ بلبسه شعره عالي بدت عيوني تاخذني اله
من ادخل اضل لتفت ادوره عليه لحد ماشوفه اله ارتاح
بيوم اتأخرت بيتهم ماكدرت ارجع وحدي صاحتله منى حتى يوصلني حسيت بحراره خدودي كلبي رف ماعرف شنو السبب الطريق كله ساكت واني هم اخر شي حجه
توفيق... سناء حاب اكولج شي
سناء... تفضل
توفيق.... سناء اني احبج وحاب اتقدم ألج بس قبل كولشي اريد اعرف ردج بالاول
