حب في جبهات القتال
-بارت طويل 🌺
يافاتنًا بالحب قلبي قد مَلك
هل أنت من حوَا وآدَم أم مَلَك ؟
عيني إذا نظَرت لحُسنِك سبَحت
سبحَان من خلق الجمال وجمّلك ...
______________________________
عشق... من بعد 5 أشهر عايشة حياة طبيعية وحياتي الحمدلله ماشية تمام
جهالي كبرو ومنورين علية من بعد ابوهم طبعاً
كاعدة بالغرفة بليل جاي انوم بيهم دخل علي للغرفه حتى قبل لا اسلم عليه رفعت اصبعي وخليته على شفافي بمعنى أشش على كيفك
هو بتسم بوجهي وضل يتحرك على كيفة ذب ملابسة ودخل للحمام
كمت نيمتهم بمكانهم وغطيتهم على ماطلع علي اخذت بدلة نوم ورحت للحمام غسلت وبدلت طلعت رشيت عطر وحضرت غراض التعلولة ورحت رفعت ايده وكعدت بحضنة على الجلسة نتابع فلم
علي ... عشگ حضري روحج باجر نغبش من الصبح نروح لبغداد
عشق... وشنسوي بغداد !!؟؟
علي ( ببتسامة)... اريد ازور من زمان ما زاير الكاظم (ع) وهم اريد ازور الجهال
تمشين لو ماتكدرين ؟؟
عشق... لا امشي شعندي اني هم من زمان مازايره
علي... جا كومي حضرينة جنطه
عشق... لعد شگد حنضل ؟؟
علي... 3 ايام
عشق... تمام حبيبي
كمت حضرت الجنطة وخليت كولشي نحتاجة ورجعت نمت بحضن علي
ثاني يوم قبل اذان الصبح كعدت غيرت للجهال وهمة نايمينه
صليت وبدلت من نزلت لكيت زهره كاعده وجاي تحضر بريوك مبين علي منطيهه علم صبحت عليه وكملت بمكانة
نزل علي تريكنه وخلصنه غسلت الاماعين على سرعة وصعدت بدلت وطلعنه....
دخلنة بغداد الضهر ورئسا رحنة للفندق خطية جهالي ضلو يكمزون ويركضون من بعد حبست السيارة
علي... تنزلون تتغدون لو اطلبلكم لهنا ؟؟
عشق... لا عفية والله احس جسمي مكسر مابيه حيل انزل اطلبنة
ذبيت روحي على الجرباية حتى ماغيرت ملابسي
اجه علي نام بصفي وسحبني لحضنه
علي... نعسانة بناتي
عشق... ههه اي والله كولش
اول مابديت اغفة اجه الاكل....
تغدينة وخلصنة وكوة نيمت الاقرودة مالتي ونمت
فزيت على صوت علي وهو يصحيني
علي... عشگي يله بويه كومي ساعة راح صير 5
عشق... مطيت جسمي وكمت غسلت وبدلت وكملت كولشي ورحت صحيت حسين وأدم بدلتلهم وخلصت وطلعنه
