حب في جبهات القتال
عيدكم مبارك 😍
تقبل الله اعمالكم وصيامكم ورفع قدركم وغفر لكم ذنوبكم
كل عااام وانتم الخير يارب ينعاد عليكم وعلى احبابكم بصحه والعافيه 🙏😘
________________________
♥ زوجتي عزيزتي ♥
عزيزتي بيني وبينك
مدينة من الورد
وعاطفة بطعم الشهد
وأمنية خضراء
وطفل صغير نصفه انا
ونصفه الآخر ..انت
ازاد... بيوم كاعده اطبخ سمعت صوت التيلفوون شلته طلعت شهيناز نصدمت بيت اهلي رجعت بعد 4 سنوات طرت بيهه انتضرت احمد يجي صبيت الغده وغسلت المواعين
وطلعت وصلت شمرت روحي بحضنهه وابجي
وين رحتي ولج
4 سنوات الا حنيتي ولا شتاقيتي باع ابنج صاير رجال وهذا منوو
شهيناز.. هذا مراد صار عندي بعد ماسافرت عمره سنه
ازاد.. كمت حضنته مستغرب مني بس شنو احله بعد من عيسى يمه الجمال هذا جمال امك كله بيك
شهيناز.. لج هذا من اشوفه اشووفج ماتتخيلين الشبه البينكم
إزاد.. يمه هيج أني اخبل فدووه لطوله
شهيناز.. حبيبتي الرب يرزقج مثله وتفرحين بي
إزاد... ابتسمت ورجعت العب بابنهه ضليت وياهه وخابرت احمد علمود ابات جنت حيل مشتاقتلهه نوب هيه راجعه زياره ويكملون جناسيهم ويرجعون يطلعوون شغل زوجهه جان ماشي وضع العراق تعبان فيردون يستقرون هناك
الخبر جان حزين بنفس الوقت مابيدنه شي دام راحتهه ومستقبل جهالهه
ضلت تقريبا شهر ورجعت سافرت هم جان يوم حزين بوداعهم تعودنا عليهم جنت كل 5 ايام اجي اشوفهم حته اشبع منهه
وهيه اجت سلمت على ام احمد وابو احمد تعرفت عليهم جان ستقبال أهل احمد كولش حلوو فرحانين على فرحتي بيهه
نشكر الرب الرزقني بهيج عائله سناء جانت تجي كل فتره صار عدهه جهال ثنين وتسمعني حجي دووم علمود الخلفه بس رغم هذا جنت إذا يجون جهالهه اطير بيهم العبهم واكعد اوكلهم رغم التنمر الاسمعه منهم بس هاي الجهال مالهه علاقه واني من غير شي احبهم
الئ أن اجت اسعد سنه بنسبه الي سنة 1997 جانت شهر الخامس حسيت بوجع بضهري وبطني وجانت جازيتلي 10 ايام بس ماشكيت كلت اكيد مثل كل مره بس من زاد الوجع
اخذني احمد للدكتوره وبشرتني بحملي طرت الفرحه جانت ماواسعتني وأحمد نفس حالتي جنه ننتضر الطفل من 5 سنوات عشت احلى ايام عمري بلحمل جانت ام احمد متخليني اشيل شي ولا احمد أخذت الايام كله اكل ونوم صرت مدنفشه احمد طاير بيه ومكيف
احمد.. يمه اصلن ماريدهه جيب اريد ضل هيج تخبل
إزاد.. يااني اريد الايام تخلص نشلع كلبي لاتدعي اطول
