حب في جبهات القتال
- بارت طويل 🌺
هتون ... كاعده على الجربايه ولازمه راسي بثنين اديه وجسمي كله يرجف احس روحي تريد تطلع من الوجع
ماعرف شنوو اليوجعني بضبط بس نااار تاكل بجسمي اكل جاي تشتعل اكثر واكثر ماجاي تطفه ضلت دمووعي تجري واني اباوع على جسمي بلا روح مابيدي حيله عليه
شويه وشفت رجلين تمشي تجاهي من صوتهن عرفتهن امي وثناء مرت اخووي بس المشكله ماريد احد يوصل يمي كلما يلمسني احد زيد حراره جسمي والوجع يكووم عليه اكثر
ماعرف ليش اجت امي وخلت ايدهه على راسي كل هذا واني منزله راسي ماريد اباوع بوجوهم لان ماجاي اشوفهه نفسهه امي ولا نفسهه ثناء كلهم شكولهم تخووف وتختلف ضليت اصررخ
ميلي عنني لحد يوصل للغرفه طللعووو كلكم اطلعوو لحد يتقرب يمي اطلعوو ماريد احد يوصل يمي
ام هتون ... شبيج يروحي غير اعرف شصاير بيج ليش هيج نكلبتي بين يووم وليله ولا جنج الورده ذيج
ثناء ... عمه خااف تخبلت ليش مانوديهه لدكتوور نفسي يعالجهه ساع كبت براسهه وحطتنه وكتلتنه كلنه مبين من عيونهه انسانه ثاني
ام هتوون ... شتحجين انتي شوو ميلي ام حلك الماصخ حتى سالفه بيهه حظ ماعندج طلعي مدري منين لفجن الزمن ودارجن فوووك ضيمي عليه
ثناء ... ياا والله عمي خووش هسه مو زين ما بالي يمهه وخايفهه عليهه
ام هتون ... سلامتج يمه مابيه غير العافيه لا يضل بالج عليهه روحي يم فريخاتج رجلج على جيه خليني وحدي يمهه
هتوون ... اني بيا حال وهاي كاعده صنف جن ماي بارد وينزل على كلوبهن من يشوفني بهيج حاله اكيد من يومهن مايحبني
رفعت راسي شفتهه واكفه بس واكف وراهه
نفسه رجال طوويل اسود ويباوع عليه ويضحك وصووت ضحكته جانت مخيفه وهو يأشر على راسي بمعني راح اجي اذبحج ضل يتقرب عليه بقيت ارجع لوره واصرخ
روووح مني شتريد انته لا توصلني يمه راح يكتلني تعاااي ليه يمه راح يكتلني وينننكم ليش محد هنااا اكلكم هذيا كبالي راح يخنكني
ضليت ازحف بلكاع اريد بس اوخر عنه وامي مجلبه بيه وكل ماجاي ادفع بيهه ساعه اريدهه واريد ادخل بحضنهه حتى مايوصلني بس اني من الزمهه يزيد بيه الوجع ابقه ادفع بيهه ماعرف روحي شتريد بضبط
دخلن للغرفه على صوتي غفران وثناء رجعت دخلت وبابا كلهه لازمتني تريدني بس اهده
بس اني جاااي اغلي وي كل لزمه من واحد بيهم واحس بي يسحل بشعررري حيل ويريد بس يوصل لركبتي ويخنكني
بعدهي ضليت اسمع صووت قران ضليت بس اكمز
والرجال الاسود صارن عيونه حمر وضلن يجدحن ناار وضل يبتعد شويه شويه بس اني اختنكت اكثر واكثر من صوت القران لزمت ركبتي بثنين اديه وضليت اخنك بروحي
