حب في جبهات القتال
- بارت طويل 🌺
- يالكاسر بصدري نفس
وبروحي كاسر عافيه
يمتى ترد.....
طال البعد....
الدمعه بعدك مشكلة
كد ما غيابك بي قهر
الدمعه تنزل دافية
_____________________________
علي... عباس جان مبلغ جماعتنة بستشهاد أدم جان الكل منتضرينه بمدخل المدينه
غير السيارات العسكريه المجهزينهه وسيارات عشيرته وهواي ناس كبار من غير عشاير جانت حاضره التشيع
بحيث اكثر من 20 سياره سدن الشارع تشيع صدك يلوك عليه
نزلنه بيته واجت امه ستقبلتنه بلهلاهل والجكليت جان حاله يكسر الخاطر من كعدت بالكاع ونهارت ضلت تلطم اجاه فقار شالهه وبعده عنه
من دخلنا جوه واستقبلتنه مرته واخوته جنت اسمع عتابه ونعاويه وهذا الشي كسرني فوك كسرتي وانه اسمع كلامهم
ضليت واكف بره بطارمه وبس ياسين ومصطفى وثنين من ولد عمه ويانه غير اخو
رجعت راسي على الحايط وغمضت عيوني حسيت على ايد صارت على جتفي
ياسين.. شد حيلك ابو حسين والله يرحمه ويصبر اهله ويصبرنه على فراكه
علي... كعدت وكمشت راسي بثنين أدية
ياسين راح اخووي وضهري
المووت جان اليه مو الأدم جنت أني المستهدف بس اخوي الفكد روحة بمكاني أدم فقدته چبيرة كلش جبيرة
وذاك الثاني بين الحياه والمووت هم ماعرف بي يجاوزهه لااا
احس هموم الدنيا كله صارت على راسه
ياسين.. الله يساعدك ويصبرك يخوي روحت أدم مو هينه اعرف
بس انته لازم شد حيلك اكثر ولا تنسه أدم والوياه راحو شهداء
والشهيد حي وكلشي يصير يدري بي وهو شايف وضعك هسه واكيد مايرضه بي خليك سند لهله وهيج راح تريحة
مصطفى... علي كوم وياي خلي اخذك للبيت ترتاح وضعك تعبان مو مالت تروح وياهم وباجر من الصبح احنه هنا
علي... تحجي صدك وروحه الطاهره ماعوفه يروح وحده وانه ارجع ارتاح وجن ماصاير شي امشي وياه ومااكوو راحه بعد اليوم لحد ماتطفه هاي نار
ياسين.. مصطفى لاتعب روحك وياه والله البراسه يسووي خلي نكووم ناخذه ونطلع للنجف ومن نجي يصير خير
علي.. فتنه للبيت ومصطفى ساندني الوجع واصل حده عندي بس ماجنت دايرله بال
اخذناه بطلاع الروح اهله مجلبين بي وكلمات مرته اليه جانت اشبه برصاصه شلتني شل
كوه ضغطت على روحي حتى مانهار اخذنا
وطلعنه للنجف رجعنه سوينه تشيع بلعتبه جان اشبهه بلعرس
