حب في جبهات القتال
رمضان كريم عليكم حبايب الله يتقبل صيامكم وقيامكم ويعود عليكم بصحه والعافيه أن شاء الله 🙏
وهذا بارت طويل لعيونكم ياحلوين
'''''''''''''''''''''''''''''''''''''
هي مثل عيونچ الدنيا وسيعه
وضعت بيها گبالچ أنتي
وتصغر بگد محبس ايدچ لو بعدتي .....
مؤيد.. غير افتهم وين أتريد
أحمد... لجهنم تروح وياي
مؤيد.. هو اليصادقك مايرضه بجنهم عمي نعمه جهنم
أحمد... ولك ولي ماعيز تفاهات هسه روووح
كعدت على مسطبه بشارع مكان فارغ جان طلعت جكايره وادخن
مؤيد.. هسه غير تفهمني شنو الصار وياك وخلاك هيج تتخبل عليه هسه عفتك مابيك شي
أحمد... أخذت قراري هاي الجامعه بعد ماطبهه لن ماتحمل اشوف ازاد كليوم بعد
مؤيد.. هاي شبيك تخبلت يمعود مضل بس سنه وتريد تترك
أحمد.. يي انعل ابو السنه كله ماتحمل بعد والله راح أقدم كليه ضباط وشيصير خلي يصير
مؤيد.. شيوديك كليه ضباط لا تتخبل احمد
راح دمرر نفسك انته بهاي تصرفاتك الرعنه
أحمد.. وهيه مامدمرره اصلن اني مجاي اسوي شي برغبتي كله جبر كله غصبن عليه خلي أجبر نفسي مثل كل مره واترك قسمي ائلي درست وسعيت اوصله واخسره حاله حال هواي أمور
هو اني شنوو هم اعتبر روحي انسان وأخذ قرار والتزم بي لو اخطط لحياتي مثل مااريد
لا طبعاً
مؤيد.. الضاهر طابكه عندك كلش روح لبيتكم ارتاح وهذا كلامك انساه كله ماراح يفيدك
لا ضل كل سالفه والثانيه عايد هل الاسطوانه
شوكت تنسه انته
أحمد... شنسه مؤيد وهيه تفتر كبالي
مااتحمل اشوفه تحجي وي ولد حته إذا جان زميلهه لو اشوف الشباب من تمشي شلون يباوعون عليه
لو من تضحك وي مريم ودي اكوم أسد عيوون الواكفين كلهم شلوون اترديني انسه واني مااتقبل لسه واحد يطخ بيهه احسهه حلالي ماريد واحد يتقربله ولااكدر امنعه بيا صفه ارووح
وإذا ابقه راح اتعارك وياه الرايح والجاي شلون بهاي الحاله فهمني انته يله
مؤيد... اتحملك شويه ماضل شي وبلكت لسنه الجايه تنساهه لا تستعجل
أحمد.. هم رجع وكال تنساهه شلون ترفع الضغط انته
خليني اروح احسن
رحت رئسا أخذت تكسي بس اريد ابعد عن مؤيد اريد اختلي وحدي مشه مسافه وكفته ونزلت اتمشه دنيه ضهر ساعه ب 3 والجوو يكص كص بارد جكارتي بحلكي وخال ايده بجيوبي وامشي ماعرف وين اريد نزلت جووه جسر الجادريه كعدت قريب نهر غسلت وجهي بلماي وضليت كاعد وادخن ماعرف شريد بضبط بس العرفه أن هاااي الدنيه شكبررهه وشصغررهه بعيني ومامرتاح بيهه....
