الذميم

١

السلام عليكم

هاي منو اجه 🤣🤍

رجعت وياكم برواية الذميم و لكن .... بحلتها الجديدة .

استمتعوا
_______________

اهداء

اهدي هذهِ الروايه للذين يعانون من شيءٍ ما ..للذين ينظرون لنفسهم على انهم غير مرغوبين او منبوذين ... تذكروا انكم بشر و ما يحدد قيمتكم ليش شكلكم او كيف منظركم ... انما صفاء ارواحكم و نور قلوبكم ..ابحثوا و ناضلوا حتى تجدوا ..شخصا ينير روحكم و يكون لطيفاً على قلوبكم حين يسكنها .
_____________________________________________

لا يعرف المرء ما الذي سوف يواجهه و لا يعرف من اين يأتيه الطعن ...أمن اقرب الناس لهُ ؟ ام من الذين لا يعرفون جوهره؟
الا ان الجواب مؤلم يالالاسفِ فالغدر احد صفات البشرِ فأقرب مثال نستطيع ان نذكره
هو المقصُ ابنُ الورقةِ ... خططوه و وضعوا شكله عليها ...فحملته على كاهل خطوطها تحت مسمى اختارعً بشري ...
فلما كبر و صار حديدتاً ...غدرها .
فأول ما قصه المقصُ كانت امهُ الورقة .

___________________________

في احد مُدنِ ارض السواد الثاني عشر من ديسمبر

كأي ليلةِ من ليالي العراق الباردة شتاءاً

جنت كاعده كدام المراية اسرح شعري ... واني صافنه و غايصه بأفكاري و امنياتي

امنياتي البسيطة بس للاسف تحقيقها بالنسبة الي مستحيل!

ضحكت على العدل بهاي الدنيا ... امنيات بسيطة قد تكون متوفرة بحياة البشر و صايرة روتين و ماحاسين بقيمتها ... و بعيني امنيات و شي جدا عظيم شي اذا يصير راح اكون اسعد انسانه بالدنيا .... بس منو يحققليا؟ اني مااكدر و لا عندي احد يساعدني و يحققلي الاريده
تركت هالافكار و ركزت على شكلي ملامحي تجمع بين الطفوله و الحدة .. بس مبينه شابة بعمر الواحد و عشرين

حنطية اميل للبياض اكثر ...عيون واسعه عادية ورموش كثيفة ...اصلا احس اكثر شي حلو بيه رموشي ... خشم متناسق ويه وجهي و حلكي يكولون عنه صغير ... بس الشي المميز مثل ميكولون كرتيبي بيه هو طولي و طبيعة جسمي ... اني طويله بقوام ممشوق و راعية شعر يوصل للورك اسود قاتم بي لمعه ...

مو ملكة جمال وجنت احس نفسي جدا عادية بس صديقاتي و مرت عمي لا يكولولي حلوة و تجذبين النظر بقوامج ...

ضفرت شعري و عدلته زين ...رشيت عطر شويه و سمعت صوت شهد تصيح اسمي

- اليمامة ....اليمامة

اليمامة:- نهضت بسرعه و طلعت من الغرفه ...اي اي اجيت

نزلت لكيتها شايله ابنها وواكفه يم الدرج