الذميم

٢٢

السلام عليكم

------------------------

‏"يا سالِبَ الأَذهانِ
‏بِطَرفِهِ الفَتّانِ

‏يا وَردَةً مِن بَهارٍ
‏يا زَهرَةَ الزَعفَرانِ

‏يا نَرجِساً وَخُزامى
‏في زُمرَةِ الرَيحانِ

‏يا خَزُّ ما يَتَثَنّى
‏في ساحَةِ البُستانِ"

-----------------------

مارية

نزلت بسرعة اريد اعرف شبي يعيط بهالشكل لكيته بالصالة و يمه امه و ركبته صايرة حمرررة من العصبية احس يريد ينفجر

ام همام:- قبل كم يوم اجتي مرتك و عمت عينك هيج عن سمر غلطت هي بس بيناتكم عشرة عمر تروح تتزوج عليها و تطلكها غيابي مو عيب من خوالك ؟ رجعها عالاقل اعتبرها جرة اذن

همام:- الله عليج بهالسهولة ؟ ولج يوم سنييين اني ماانام من القهر و تانيب الضمير اكول شلون اخليها تعيش وياية واني مابيه اجيب أطفال .... بعدين هو شنو جرة اذن والله مااكسر مارية و ارجع سمر لو الدنيا دنيا

ام همام :- شمسويتلك هالمتخاف الله و عاميتك هيج ؟ ششايف بيها انت خرسة مصخمة متحجي هاا هاي تخليك تعوف سمر

همام :- يووووم كافي عاد

مارية :- عاط بصوت عالي واني ادور حجة بلا شي و انفتح كدامي اكثر موضوع اني اتحسس منه فتحت حنفية دموعي

عاف همام كلشي و اجه عليه لزمني من ايدي و رجع باوع على امه و حجه

همام:- اني كلامي مو وياج ويه ابويه اني اعرف شاسوي و شاكول .. والله العظيم لو ادري اعوف البيت و متشوفون خلقتي بعد ولا السالفة التريديها ... يووم سمر متصيرلي بعد مرة الى يوم يبعثون ..زين؟

مارية :- سحبني ويا و طلعنا بره للحديقة ... كعد و كعدني كدامه و لزم ايدي يحجي ويايه بهدوء

همام :- اسف ... و حيل اسف هم لان هيج حجت امي ... مالج علاقه بيها و لتهتمين لاي كلام ممكن يبدر من اي شخص ...عاجبتني انتِ مارية اني رايدج و ما ابدلج بنسوان الدنيا كلها ... زين ماريتي؟

مارية :- يحجي ويايه و اني عيوني اصلا محملة الدمع ...رمشت و نزلن دموعي و هو يباوعلي مهضوم مبين عليه متعصب و مقهور .. مسح دموعي بأيده و باسني من كصتي

همام :- السموحة يا بنت الناس والله ما ردت تتأذين هيج ... و وعدتج اني و عيب عليه تنزل دمعتج وانتِ هنا يمي ... بس تحملي ..اني ارتب وضعنا و نطلع والله ماابقيج هنا و تنقهرين هيج بعد ... زين ؟

مارية :- طلعت تلفوني و كتبتله ... انت ما اذيتني همام اني ما مقهورة منك والله بس لان بسببي دتتعارك هيج هاي صار اكثر من مرة و اذا على سالفة انه اني خرسة ...ترى عادي متعودة اني