الذميم

٢١

السلام عليكم

______________

"يا جِسمَ شَمسٍ فوقَه وجهُ قَمَر
يا دُرَّةً صيغَت على شَكلِ البَشَر
يا قُرَّةَ العينِ ويانورَ البَصَر

يا مَن تَفوقُ البدرَ في الكَمالِ
هل لك ميلٌ في الهوى كمَا لي؟
أيا حبيبةُ سِوَاكِ ما لي

حبيبةٌ مَليحةُ الطِّباعِ
جَميلةُ الأخلاقِ والأوضاعِ
ونُزهةُ الأبصارِ والأسماعِ"

_________________________

مارية

نايمه بفراشي احاول انام و مااكدر الساعة بال٢ بالليل و بالي يم البمامة ... منظرها مديروح من بالي و لا منظر هشام من شالها و ركض بيها ... راح همام و انس وياهم و من حجيت ويه همام فهمني انه اليمامة فاقده الوعي و اصلا داخله غيبوبة مؤقته مامعروف شوكت ممكن تصحى ...

غمضت عيني احاول انام توني سهيت و حسيت عالباب انفتح .. رفعت ىاسي و شفته همام فات على كيفه عباله اني نايمه من شافني كاعده حجه

همام :- ها ما نايمه بعدج

مارية :- هزيت راسي وهو سكت ... بدل ملابسه و اجه عليه من جهتي .. بدون ميحجي وخر الغطة و شبكني حيل خله راسه على صدري ..

همام:- وضعهم مؤلم يبجي ...هي فاقده و انس يكول مخطرة و هشام عبالك ملك الموت واكف يمها و ميقبل يخاف  يفارق غرفتها

نزل اوكسجينها وهو خربط ضغطه ..اول مرة من زمااان اشوف هشام هيج خايف  بس حيل كابت على روحه ميحجي ولا حرف بس ساكت

مارية :- سحبت نفس و ذبيته بقوة
وهو رفع راسه باوعلي ...

همام:- منظرتني جنتي؟

مارية:- اخذت تلفوني و كتبت

- بقى بالي يمكم متاخذ عيني النوم 

همام:- هذا هم حظي عبالي مشتاقتلي

مارية :- ضحكت و رجعت كتبت ..
ليش لعد مااشتاقلك اني؟

همام:- هم رحمة من الله

مارية:- ابتسمت على سوالفه ويايه ... يبقى على طول يتلاطف و يسولف و مرات لا يبقى ساكت و يحب ابقى ادلك براسه و امسد على شعره هو حيل يحب الهدوء ملاحظه عليه اني

خليت ايدي على راسه امسد عليه و هو شبكني حيل

همام:- هاي الفعالية تعجبني