السلام عليكم
_________________________
لوأنَّنِي قُلتُ بَيتاً في محاسنها
لكان أشْعَرَ بيتٍ قِيل في الغزلِ
لقال كلُ بليغٍ حين يسمعه:
تالله أبلغُ من ذا البيتُ لم يُقَلِ!!
ولو تجلَّتْ لبدرٍ عند مطلعهِ
لفرَّ في فلكِ المريخِ أو زُحلِ
ولو تصدَّت لجيشٍ عند صولتهِ
لَمَا نَجَا فارسٌ من رميةِ المُقلِ
ولو تمشَّتْ بروضٍ لانتشَى عَبَقاً
وبادرتْها ورودُ الروض بالقُبلِ!"
______________________________
اليمامة
انس:- هشام وصله خبر عن صاحب الرقم ..
اليمامة :- كال هالعبارة و طلع من البيت متوجه للمجلس يم الولد و اني بقيت بمكاني ماانطيت ردة فعل
اعرف كلش زين ريام هي السبب و هي السوت هاي اللعبة دتوكعني و اعرف الكل شاك بيها اذا مو شبه متأكد بس رادوا يجيبون الدليل اليثبت هالشي
شفناهم كلهم طلعوا من البيت واني مابيه طاقه احس دايخه حيل
فتت لغرفة نور مددت و انطيت ظهري للباب
راسي يوجعني و الدنيا طالعه من عيني ... ايدي احسها عبالك دتحركني من جوه ووجهي يوجعني و الزراك البي صاير لونه حيل قوي ...هاي غير الكدمة البصفحتي المخليتي حتى النفس مااكدر اجره
بقيت على هالوضع و غمضت عيوني ديهدء الم راسي
بقيت تقريبا ساعة و انفتح باب الغرفة بهدوء ... بقيت على وضعي ما تحركت الى ان حسيت ايد خشنه تمسد على شعري ... التفتت بسرعه و فتحت عيني
جان هشام واكف و عيونه مركزهن عليه .. مبينات تعبانات لان ماكو نوم و حتى وجهه شاحب
ياوعتله و هو تنهد و كال
هشام:- عبالي نايمه ما ردت عينج تشوف الكاسرها و كاسر خاطرج ...ماردتها تشوف الكسرتي روحه بدموعج و زعلتج منه
اليمامة:- شتريد هشام ؟
هشام:- رايد روحي التايهة بفراكج .... هو يوم و نص لو دهر عليه!
اليمامة:- فراكيش و احنه بنفس البيت؟
هشام:- يا بيت هذا اليتسمى بيت و مابي صوتج و ضحكتج و ظِلج؟
اليمامة :- مااكدر احجي وياك هشام ... مقبوض كلبي و صوتي مخنوك من اشوفك
هشام:- استاهل اني هيج تكوليلي ... استاهل انحرم من حجيج اليشفي جروح قلبي و من دلالج و ضحتج و ملكاج من ارجع للبيت ... والله استاهل بس شسوي روحي لايبه عليج مااكدر مااشوفج
أنت تقرأ
الذميم
Romansaمستوحاة من قصة حقيقية مصحوبة بلمستي الخاصة . الذميم ..هو من تعرض لتشوه في وجهه و يقال ايضاً انه وصف للاخلاق المكروهة ....هو وحيد على الرغم من عيشه وسط عائلة اسير في هذهِ الحياة رافقه الحزن وهجره الفرح ، يرمقه الناس بنظرات تتبعه اينما ذهب بسبب شكله...
