الذميم

١٠

السلام عليكم

_______________________

"أَأُعلِنُ ما بي أَم أُسِرُّ فَأَكتُمُ؟؟!
وَكَيفَ وَفي وَجهي مِنَ الحُبِّ مَعلَمُ؟

رَكِبتُ عَلى -اِسمِ اللهِ- بَحرَ هَواكُمُ
فَيا رَبِّ سَلِّم.. أَنتَ.. أَنتَ المُسَلِّمُ

يَقولونَ لي أَخفِ الهَوى لا تَبُح بِهِ
وَكَيفَ وَطَرفي بِالهَوى يَتَكَلَّمُ؟!

شَكَوتُ إِلَيها حُبَّها فَتَبَسَّمَت
وَلَم أَرَ شَمساً قَبلَها تَتَبَسَّمُ"
________________________

اليمامة

نهض هشام بسرعه و راح للحمام طلع ينشف بوجهه و بدل عالسريع و نزل

واتي نفس الشي سويت و نزلت كعدت بالصاله و بقوة انفتح باب المطبخ و فات هشام بلا يحجي صعد فوك  و هو كل درجتين يسويهن درجة ووراه فاتوا همام و انس و هم مبينين متوترين .... شويه  و نزل هشام بأيده اوراق و بس شافه همام حجه

همام :- على كيفك هشام ماكو شي يسوه

انس :- انعل تربيتهم بس على كيفك

اليمامة:- طلع هشام و اسمعه يحجي مافهمت شبي ... بس نبرته عبالك ديتوعد و يتحلف ...

طلعوا واني بقى بالي يم هشام مو طبيعي الوضع كلش واضح اكو شي

بقيت كاعده على اعصابي تقريبا ساعه و فاتوا الولد وحدهم و ضايجين و هشام ماكو .. سألتهم

اليمامة:- وين هشام؟؟

انس:- شفته راح للحديقة

اليمامة:- تركتهم و طلعت للحديقة جان وضعه مبين مو طبيعي

رحت للحديقة لكيته كاعد عالكرسي بالحديقة و مدنك راسه و ايده مرتجيه على ركبته بحيث ظهره منحني  رحت جبت كرسي و كعدت كدامة ... وهو رفع راسه و عدل كعدته و باوعلي

ابتسمتله بهدوء و هو ذبلن عيونه و تنهد و سأل بتعب

هشام:- احجيلج و تسمعيني ... بس تنسين التسمعي

اليمامة :- احجيلي التريده و كلشي يأذيك  ادفنه وياك

ابتسملي و هز راسه ... و تجرأت و لزمت ايده على كيفي و هو لم ايدي يمسح عليها و على اصابعي بهدوء و استرسل بالكلام

يريدون اسلم ملفات المعمل و الشغل الهم .... واني والله مامتمسك بشي اتمناها من الله ديخف عني الحمل بس لازمتني من ركبتي وصية جدي