الذميم

١٥

السلام عليكم

__________________________

"كسرتِ قواعدَ التشبيه عندي
فحارَ الشعرُ.. وارتبَكَ الغناءُ

فكيف أقولُ: لاحتْ مثل بدرٍ؟
وفي عينيكِ تنسكِبُ السماءُ؟!

كملتِ أنوثةً ورجحتِ عقلاً
وحسنكِ كم تمنَّتْهُ النساءُ!!

وبَعْدَكِ.. أنتِ لا حسناءَ تُغْري
فكل الغيد في نظري سواءُ"

________________________

مارية

وصلوا النسوان و فوتوهم للصالة جنت اني و ميس كاعدات عالكوشة و اول ما فاتت نور ووياها اختها انوار يباوعولنا و مبتسمات و لاحكتهن وحده لابسه لون سمائي و بيها كمية قبول و راحة بملامحها عجيبة .... توجهوا علينا الثلاثي مبتسمين و نور طايرة من الفرح اول ما وصلتني سحبت البنية اللابسه سمائي من ايدها و كالت

نور:- هاي اليمامة واخيرا تحقق حلمي و خليتكم تتشاوفون

مارية:- تقدمت علؤنا اليمامة و هي مبتسمه بفرح و عيونها تحجي بفرحتها

اليمامة:- تشرفت بيكم حبيباتي و اخيرا شفتكم بالحقيقة

ميس:- فدوة لعينج شهاللطافة

مارية :- تقدمت بالبداية حضنت ميس و وراها حضنتني و هي مبتسمه باوعت لنور و كالت

اليمامة:- شو حيل حلوات راح يتسرسحون انس و همام

انوار:- هههههههههههههه اي والله صحيح

مارية :- ابتسمت على سالفتها و رجعنا كعدنا و الباقين سلمنا عليهم من بعيد

بالبداية جان الوضع بس سوالف و صور بدون اغاني الى ان كالو راح يبلشون العقد و اول واحد يريد يعقد انس

نور:- هههههههههههههههههههه بعد ميصبر ادري بي

مارية :- ابتسمت و جابت عمتي شال ابيض مشغول بذهبي حطته على راس نور مثل البركع و فتحولها حزء من الباب حتى يسمعها الشيخ

صار هدوء و اني واكفه على صقحة اسمع كلام الشيخ و عيني بلا مااحس دمعت من فرحتي بيها ... و حسيت على ايد تطبطب على ظهري ... باوعت هاي اليمامة ... ابتسمتلي بهدوء و كالت بصوت مليان حنية

اليمامة:- نيالها التلكي اخت تبجي لسعادتها

نارية:- ابتسمتلها و هي بالمقابل ما غابت ابتسامتها و بقت واكفه بصفي ... نتفرج الى ان سأل الشيخ ميس و جاوبت