الذميم

١٩

السلام عليكم

____________________

"حوراءُ في مُقلتيها حينَ تُبصِرُها
سحرٌ منَ الحُسنِ.. لا من سحرِ سحّارِ

كأنَّها الشمسُ قد فاقَت مَحاسنُها
محاسِنَ الشَمسِ.. إِذ تبدو لإِسفارِ

عشِقتُ فاها وَعَينَيها ورُؤيَتَها
عشقَ المُصلّينَ جنّاتٍ لأبرارِ

فالعينُ منّي عَنِ النسوانِ صائمةٌ
حتّى يكونَ عَلى الحَوراءِ إِفطاري"

____________________________

اليمامة

اليوم الحنة و من الصبح ملتهية ويه البنات شغل و خطار و نتحضر

جابوا غده من بره النا و للخطار خلصنا بسرعة و فاتو بنات عماتهم لغرفة نور يتحضرون و التهت نور وياهم و اني بسرعه لملمت البيت و صعدت فوك لغرفتي اجهز نفسي و هشام بعد ما شفته من الغده طلعوا يحظرون الحديقة الجبيرة مال الديوان و الديوان للحنة مال الزلم

الساعة راح تصير بال٤ واني كلشي ممسويه عالسريع رحت للحمام غسلت وجهي و رجعت طلعت كل مكياجاتي و بلشت اتحضر

رسمت عيوني بالكحلة و خليت الوان ترابيه مريحة للعين بس رسمت بيها ملامحي رسم ... حطيت مسكارة و ماخليت رموش بقيتهن لباجر للعرس خلصت مكياج العيون و حددت شقتي و خليت حمرة ترهم ويه الوان المكياج مال العين ... اول مرة اخلي مكياج هيج دائما اميل للخفيف بس هالمرة ويه فستاني هيج مكياج مثالي حسيته ...

خلصت مكياج اباوع للساعة بال٥ الا ..حييل شكد طولت بالمكياج ... طلعت الكاويه مال الشعر عدلت شعري بيها لان لبست حجاب و حسيته نزل ... وبالشسوار فيرت خذلتي و نزلتها على شعري بشكل مدرج

طلعت الفستان الاسود و اني اباوع عليه ... اول مرة حلبس هيج فستان و مستحية بس ادري البنات محيخلوني اذا ما لبساه و اصلا ماعندي شي ثاني ممكن يرهم لهيج حنة الا هذا

بدلت ملابسه و لبست الفستان

فشتان اسود قصير تحت الركبة بشويه ... جتف مكشوف و دلع على شكل سبعه .. مخصر عالجسم بشكل حلو حيييل قماشه شتائي بس فصاله ابد ميجي يم الشتاء

سمعت صوت الاغاني انفتحت و صار عالي و من يمي اشتعل بيه الحماس

اغاني نور التختارهن للابد احلى شي صارلها ٣ ايام بالليل تفتح اغاني و تخلي البيت كله يركص

وكفت الم بالمكياج بسرعه حتى انزل خلصت و اني اهز شتف و اركص عالاغاني و بصراحة ضعيغة اني كدام الرقص...