السلام عليكم
_____________________
"كسرتِ قواعدَ التشبيه عندي
فحارَ الشعرُ.. وارتبَكَ الغناءُ
فكيف أقولُ: لاحتْ مثل بدرٍ؟
وفي عينيكِ تنسكِبُ السماءُ؟!
كملتِ أنوثةً ورجحتِ عقلاً
وحسنكِ كم تمنَّتْهُ النساءُ!!
وبَعْدَكِ.. أنتِ لا حسناءَ تُغْري
فكل الغيد في نظري سواءُ"
_____________________
اليمامة
الشهر ال12 من سنة 2019 بداية شتاء و كلنا مخبوصين نتحضر لعرس انس و همام الحددوا قبل اسبوعين مباشرتاً بعد عقد المحكمة مالتهم و سبب الاستعجال جان المشكلة الصارت بين الولد و خالة البنات
اجتي انوار ويانه تساعدنا و هشام و همام طلعوا عمال صبغوا البيت كله و الغرف فرغوهن بس انس ماموجود بسبب دوامه بالمستشفى و من يجي يكضيها بس شغل و تحضير للعرس
وره ما خلصوا ترميم و صبغ للبيت لزمنا البيت اني و البنات حملات تنظيف من فوك الى باب الشارع ...
وهذا الشي لازم ماباقي للعرس بس ٣ ايام
اشترينا فساتين من بوتيك و دزيناهن للخياط ويه التفاصيل حتى تضبطهن النا و حجزوا البنات صالون و اني وياهم
حفلة ضخمة بالقاعه للنساء و حنه و عرس كبار بالديوان و الحديقة مال الديوان للرجال ... هيج جان الاتفاق و حنه صغيرة للبنات ببيت العرايس
قبل الحنة بيوم من الصبح كاعدين اني و البنات بالمطبخ نحضر بالغده و اكيد فاتحين موضوع العرس
نور :- اريد اموت من وجع ظهري هاي يتزوجون هم اني شعليه انقسم ظهري بالنص
انوار :- اخذي بيدج حبيبتي ... اليوم يجون اهل البنات و يسفطون غراضهم وراج تبديل و ترتيب و خوش ركضة و نفرش الفرشات مال العرس و بعد و بعد
اليمامة :- شوكت يجون؟
نور:- كالتلي ميس وره صلاة العصر يجوكم ..
اليمامة :- هلا بيهم لعد لازم تترتب الغرف و ينحطلها اللمسات الاخيرة
انوار :- هسة انس بغرفته ديشكل التيبلمات و الجداريات مال الغرفة ... بس يخلص نصعد ننظف و نرتب المفارش بالكنتور حتى يسفطون عليها الغراض
نور :- ولتنسين نرتب ملابس الولد ...كنتوري بعد ميتحمل اخلي بي قوط همام اكثر ... انعوج البوري من ثكل القوط
أنت تقرأ
الذميم
Romantizmمستوحاة من قصة حقيقية مصحوبة بلمستي الخاصة . الذميم ..هو من تعرض لتشوه في وجهه و يقال ايضاً انه وصف للاخلاق المكروهة ....هو وحيد على الرغم من عيشه وسط عائلة اسير في هذهِ الحياة رافقه الحزن وهجره الفرح ، يرمقه الناس بنظرات تتبعه اينما ذهب بسبب شكله...
