السلام عليكم
__________________
تألمت اليمامة ... فمسحت دموعها بيدي انا الذي بكت جروحي دماً ابى ان يتخثر ...
أأنا امانها؟؟ أأنا سر بهجتها كما هي بالنسبة لي؟؟
أتراني ملجأً لها .. أنا؟؟
انا الذي ينظر لنفسه على انه نكرة.
وحش بعيون الاخرين و نكرة بعيني اما بعينها فأنا الامان.
انا الذميم ملجئ اليمامة...
________________________
واكفه بالمطبخ اني و نور دنغسل مواعين الريوك و نسولف ... انتبهت عليها كل شويه تباوع للباب و تضحك .
بقيت صافنه عليها الى ان اندك باب الشارع و هي حفزت عالسريع غسلت ايدها و طلعت و مجمد طلع من باب الهول فتح الباب و نور متحمسة ...
هاي شكو هو منو اجه؟؟
فتحوا الباب و فاتت بنية مبين بالعشرينات عمرها ... شايله طفلة بأيدها ووياها ولد .. و رجال بأيده جنطة ملابس ...
انتبهت بشكلها شويه عرفتها انوار اختهم المتزوجة ...
فوتوها و فاتوا وياها من باب الهول و اني عالسريع خلصت المواعين و نشفت ايدي و عدلت حجابي فتت للاستقبال صار بوجهي هشام كاعد على جهة مبتسم خفيف يباوعلهم يحجون و يضحكون ... باوعلي و ديأشرلي بس اجتي نور ... لزمتني من ايدي و اخذتني وياها ...
نور :- نونه .... شوفي هاي اليمامة
انوار :- هلوووو ... هلا حبيبتي شلونج شخبارج
اليمامة :- هلا بيج الحمد لله ... وانتِ
انوار :- بخير اني بشوفتج ... شو انطيني بوسه ... يايمه مرت الغالي
اليمامة :- ابتسمتلها و بوستها ... و كعدتني بينها و بين نور ... عرفتني على زوجها و جهالها ... و خلت بنتها بحضني
اليمامة :- شسم الحلوة
انوار :- ريتاج ... سماها هشام
اليمامة :- حبيبتي ما شاء الله ... جانت بيضة و شعرها بني فاتح و عينها تميل للعسل ...حلوة محبوبه حيل و متستغرب ...بقيت كاعده اشوفهم مكيفين بيها و بجيتها ... شكد ما امهم صعبة و تحقد بس شكد ما هم كلب على كلب
باوعت على هشام عينه عليه ابتسمت و حجيت ويه ريتاج
- تروحين نلعب يم خالو و نسلم عليه
ضحكتلي و اني شلتها ووكفت ... و رحت كعدت بصف هشام ... هو اصلا كاعد وحده على جهة و ساكت ابد ميشاركهم بالكلام ما سوه شي بس مجرد ابتسملها و هي صافنه عليه
ابو هشام:- بنتي جيبيلنا ماي شويه
اليمامة:- اي عمو ... شلت ريتاج خليتها بحضن هشام بسرعه و رحت للمطبخ جبت ماي و اخذته مني نور قدمت للكاعدين و اني رجعت بصف هشام ... جان موكفها على رجله و مندمج وياها و هي تضحك ويا ... مديت ايدي اريد اخذها و ما خلاني
أنت تقرأ
الذميم
Romanceمستوحاة من قصة حقيقية مصحوبة بلمستي الخاصة . الذميم ..هو من تعرض لتشوه في وجهه و يقال ايضاً انه وصف للاخلاق المكروهة ....هو وحيد على الرغم من عيشه وسط عائلة اسير في هذهِ الحياة رافقه الحزن وهجره الفرح ، يرمقه الناس بنظرات تتبعه اينما ذهب بسبب شكله...
