السلام عليكم
______________________________
تتجول بيني و بين بركة الماء في الصحراء .... تلعب و تتبلل و تأتي و تأوي الي ... تروي عطش روحي الضمئاء و تضم رأسي بجناحيها الرقيقتين ...ترسم بسمة على ثغري لا اشعر بها ... تطير بقلبي وسط السماءِ و لا ترى عيني غيرها في الوجود .
أأنتِ عوض ربي الموعود بهِ ... أأنتِ من صمت لاجلها عُمراً
أأنتِ اليمامةُ في حُلمي ...؟
__________________________
كاعده اكل بالمطبخ ..... طلع هشام قبل شويه بس مااكل هوايه جان مستعجل و اني بقيت وراه اخلص اكل و ابلش شغلي ... كاعده جان تجي نور بملابس البيت و كعدت كدامي تاكل باوعتلها مستغربة و سألتها
اليمامة :- شو ممداومه
نور:- ماعندي امتحان اليوم و تعبانه و خميس ... و احم دااحضر مفاجأة
اليمامة :- يااا المن؟
نور :- للكل ... متحمسة
اليمامة :- شنية احجيلي ....
نور :- اسمها مفاجأة شلون احجيلجياها انتظري لباجر و تعرفين
اليمامة :- ياااا
نور :- اي ..... دااسألج صحيح وصلن الملابس؟؟ حلوات شتكولين اوصي منهم
اليمامة :- اي والله حلوات البارحة جابهن هشام ويا .. بس اكو كم قطعه ينراد اعدلها و اكفها لان الاخ جايبلي قياس اكبر من قياسي
نور :- ههههههه ... اليوم اني وياج نطبخ و ننظف و الله عليج ميمي اريد تسويلي كلابيتي جديدة و خاف احتاج البسها بس شويه بيها طول عليه
اليمامة :- اي تتدللين ... نكمل شغلنا و اسويلجياها
نور :- يبووو بعد عمري
اليمامة:-ههههههههه ... دنحجي و طبت سمر مرت همام بأيدها سلة ملابس و علاكة ... حطت السلة بالكاع و كالت
سمر :- من تغسلين هدوم ذني غسليهن .... وهاي هدوم عندي قديمات البسيهن بدل الشكتهن خاله ... لان الظاهر هشام ولا هامه الموضوع
نور :- سمررر انتِ معليج
سمر :- اوووي شبيج فوك مااريد اساعدها ... المهم هاي الملابس مو تنسين
اليمامة:- راحت سمر و نور صدت عليه
نور:- وين لسانج بلعتي؟؟
اليمامة:- بعدها الضربة توجعني نور ... و مااريد اسوي مشكله و ادوخ هشام ... بلا شي هو اعصابه تهيج عليه و كوه ينام النوب اني عليه هم
نور:- بس هاي نذلة دتستغلج
اليمامة:- عوفيها شريد منها .... خلي بس يعوفوني بحالي
نور:- ميعوفوج يولي .... يعوفج و انتِ لهشام؟؟ يعوفوج و هم يشوفون هشام شويه ارتاح و مشت حياته ... ميتحملون ... هي مو امي؟؟ متتحمل و متطيقه هشام هنا لخاطرنا و علمود وصية امه ترى باقي ..الا هو لا علاقته بأبويه قويه و لا يتوالمون هو و امي ... و احنه متمسكين بي منكدر هشام يروح ... هذوله محمد و همام حرفيا ميرتاحون اذا هو ماكو لان هو الرباهم هو العلمهم و هو الوجههم و هو الاحتواهم من يضيعون ... هاي احنه هيج ... هشام صح صلب و صح ميتعامل بمرونه و صح عصبي و بي قساوه هذا كله موجود بي ... صعب و يأذي و جاف اي والله ادري ... بس خلي يرتاحلج و حسسي شكد حنينة انتِ و كلبج جبير ... والله يصير ميرتاح غير يمج و ميخلي بشر يسمعج حرف يولي احجيله انتِ كوليله شوفلي حل ... شلون يعني الى متى تسكتين
أنت تقرأ
الذميم
Romanceمستوحاة من قصة حقيقية مصحوبة بلمستي الخاصة . الذميم ..هو من تعرض لتشوه في وجهه و يقال ايضاً انه وصف للاخلاق المكروهة ....هو وحيد على الرغم من عيشه وسط عائلة اسير في هذهِ الحياة رافقه الحزن وهجره الفرح ، يرمقه الناس بنظرات تتبعه اينما ذهب بسبب شكله...
