الذميم

٦

السلام عليكم

_________________________________

مشاغبة تضن ان قلبي قويٌ امامها ....لا تعلم انه كعش حمامةٍ وسط عاصفةٍ رعدية عندما تبتسم ....

___________________________

بالمطبخ واكفة الم بالمواعين و فاتت بنت انوار خانكتها العبرة تدور امها ... غسلت ايدي و رحتلها بسرعة شلتها و فتت للاستقبال لكيت البنات كاعدات يم هشام يحجن بس فتت هن سكتن

- اجتي تبجي تدورلج

انوار :- ها يماما ... صحة النومة للبنات

اليمامة :- ابتسمت على كلامها ويه بنتها و هي باوعتلي و كالت

انوار:-اجيتي بوكتج ... يالله اجه دورنا اني و نوره ... نسوي المواعين و انتِ كافي اكعدي

اليمامة:- بس بلشت بيها و بنتج..

هشام:- تعاي هنا

اليمامة:- بعدني دااحجي و هو نتر سكتت و باوعتله اريد افهم شراح يسوي ... بهالاثناء طلعن البنات و اني كعدت يمه

اليمامة :- شبيك ... عيب شلون اخليها تسوي المواعين وهي جايه خطار

هشام :- انوار مو خطار عادي

اليمامة :- شبيك ؟

هشام :- متدرين شبيه

اليمامة :- باوعتله وهو مخنزر ... و جاوبته بهدوء حذر

- والله ما سويت شي

كلتله هيج و خو سد عينه بنفاذ صبر و سحب نفس عميق و زفره و استغفر بهمس ..... و نهض

هشام :- كومي ويايه فوك

اليمامة :- ليش؟

هشام :- يمامة بس كومي يعني شلون الا تسألين

اليمامة :- رحت ويا صعدنا فوك ... وهو بدون مقدمات مدد على بطنه على السرير الغرفة جانت باردة ثلجججج

فتت للحمام اريد اسبح و تذكرت ما حضرت ملابسي ... رجعت طلعت بسرعة وهو من شافني كال

-ها هم صرصور على كولتج

اليمامة :- هههههههههه لا بس مااخذت ملابسي

رحت طلعت هدوم الي و رجعت للحمام سبحت و بدلت و طلعت

مشطت شعري و باوعتله ايده على راسه سألته

- يوجعك راسك؟

ماجاوبني ... سكتت و خلصت شعري و خليت عطر عالسريع و رحت كعدت يمه ... مااريد انام احس ممنعسه ...و هو مدري شبي بقيت كاعده و بلا مااحس اهز برجلي هيج سريع ...

فجأة هو حط ايده على رجلي و كال

- شبيج خضيتينا خض

اليمامة :- كال هيج ووخر ايده و خله راسه على رجلي ....