الذميم

٨

السلام عليكم

                                     _________________________

شارد في بحر ذكرياتي ...ذكرياتي التي تتجسد كالسكاكين و تطعن قلبي بإستمرار ... حتى شعرت بنقرةٍ ... نقرةُ غضب على انفي غلبت الم سكاكين قلبي الجريح .. فلما نظرت لها بعيني رأيتها .. تخزرني بسوداوتيها غاضبة كأنها تقول لي... ماذا دهاك أتجرئُ على ان تشرد او تفكر بغيري؟؟
ابتسمت فرحاً لمن تحسبني لها فقط ... كيفَ اجرء و انتِ المتفردة ... اليمامة ملكة على عرش الصحراء ... .

.....                                  ________________________

اليمامة

كعدت يم هشام و التموا البنات و عمو كال

ابو هشام:- هشام كلت للجماعة شعدنا؟؟

هشام:- لاا ...داانتظر تأكدولي

ابو هشام:- خوش كلام ... يابه نهاية هالاسبوع عمامكم يريدون يلتمون  و يجيبون عماتكم  و مرة وحده يوزعون اكل على روح ابويه و امي ... الحول مالتهم الله يرحمهم راح و ما سوينا و يريدون يسوون هنا ..  على اساس يم بيت عمتكم بس ماقبلوا يكولون ليش مو بالبيت الكبير و من هالسوالف .. فحسبوا حسابكم .

نور:- بابا يعني نطبخ ؟

هشام:-  لا ... يجون ناس يطبخون انتو مالكم دخل ...

همام:- والله مو على شي بس ابتلاء هالسوالف .. هلا بيهم و غصبا عننا نستقبلهم بس تعبانين والله بس اريد ارتاح

هشام:- مالك دخل موجودين احنه .... انت على راحتك ادري بيك مسطور

همام:- والله فوك متتوقع مسطور

انس:- موجود اني ويه هشام و نرتب الوضع لتشيل هم

هشام :- سهلة يابه هوايه شباب و نجيب زلم يشتغلون و نفضها ..هم يلتمون مرة كل سنة و احنه البيت الجبير الا هيج تصير العزيمة يالله تفض

ابو هشام :- صحيح ... هذا كله يتدبر بس داكوللكم حسبوا حسابكم  

اليمامة :- بقوا يحجون و يتناقشون و مشه الوكت صارت الدنيا ليل و سوينا عشاء و خلصنا
و صبيتلي جاي و طلعت بالحديقة عالمرجوحة ..

كاعده و شفت هشام اجه من جهة المجلس و ديفوت للبيت و شافني من بعيد ... وكف و توجه عليه

هشام :- ها شو وحدج كاعده؟

اليمامة :- البنات يم امهم كاعدين واني صبيت جاي و طلعت

هشام:- خوما صار حجي؟

اليمامة :- لا ماصار شي

كلتله هيج و هو مدد ...كحزت نفسي و صارت رجلي جوه راسه كالعادة ... بأيد لازمه كوب الجاي و بالايد الثانية امسد على شعره ...طلعت من عنده تنهيدة و سألته

- هم جتفك ديوجعك بعده؟

هشام:- اي شيريد يتغير عليه

اليمامة:- يتغير بس تفكلي هالعكده مال الحاجب و تسترخي كلشي يتغير
كلتله هيج و اني امسد على المكان البيت حواجبه حتى افك الكعده مالتهم و هو تنفس بعمق
بقى على هالوضعية فترة هو متمدد و ساكته و كل شويه يفتح عينه يباوعلي و يسدها
شويه و نهض من يمي