قراءة ممتعة
(بيت محمد)محمد : كملنه عشه وكعدنه نشرب جاي.
نور : محمد اني حروح أبدل.
محمد : ماشي مو تتاخرين.
نور : لا ما اتاخر بس لا تغير رايك.
محمد : هههه.
نور : صعدت لبست فستان أسود وبي ابيض وفليت شعري ( اني ممحجبه ) شلت بس الكذله. وحطيت مكياج ونزلت.
محمد : صعدت بدلت ونزلت.
نور : يله اني كملت انروح.
محمد : يله نروح.
نور : طلعنه رحنه لمول زيونه محمد راح كعد بل الكوفي واني رحت فتريت بل المول واشتريت اشياء.ورها رحمه لمطعم مال حلويات كعدنه طلبت وافل اوريو ومحمد ميحب الحلويات طلب كهوه.
محمد : ها نور نرجع للبيت لو عندج بعد شيء.
نور : اي نرجع لان تعبت.
محمد : يله فد شوية نروح.
نور : سولفنه شوية وطلعنه دفع محمد الحساب ورجعنه للبيت.
محمد : وصلنه للبيت ساعه 11.
نور : طبينه للبيت الكل موجودين.
محمد : من رخصتكم اني حروح انام لان تعبان
" تصبحون على خير "الكل : وانته من اهله.
محمد : صعدت لغرفتي سبحت ونمت (طبعا اني عندي بيت وحدي بس ابوي ميقبل أحد يطلع اريد تبقة العائلة مجتمعه ابيت واحد )
(بيت ليان )
ليان : وره ما راحوا بيت عمي صعدت فوك ساعه 10
فتحت مسلسلي وضليت كاعدة لل1 على المسلسل
وراها ضليت اكلب بل التلفون نعست ونمت.صار الصبح كعدت ب 9 ونص ( طبعا اليوم جمعه يعني الكل مجتمعين ) نزلت لكيت بابا ديحضر ريوك ( طبعا اني اموت على طبخ بابا خصوصا بل الريوك كلش طيب). صباح الخير بابا.
احمد : صباح النور بنتي.
ليان : صبحت على بابا وحضرت السفرة ويا وراها كعدت اني و لارين. ورحت كعدت مصطفى بل الكوه لان طبعا سهران بالليل فيكعد متأخر عفته ونزلت. كعدنه نتريك.
لارين : عاشت ايدك بابا طيب الاكل.احمد : بالعافية.
عليا : طبعا ابوج الريوك مالته فد شي يكعد على راحته ايسوي بمزاجه فيطلع طيب.
ليان : اي طيب.
عليا : ليان كعدتي اخوج.
ليان : اي يمه كعدته بعد ساعه ميكوم.
عليا : روحي صيحي خل يتريك.
ليان : اي ماما هسه خل أخلص ريوك واصيحه..
عليا : يله على راحتج بنتي.
ليان : كملت ريوك ورحت دا أصيحله. مصطفى يله كوم مو الريوك برد.