((قراءة ممتعة))
**بعد مرور شهر**
ليان : مر شهر ماعرف اشلون اوصف هاي الفترة اصعب وابشع فترة بحياتي كرهت روحي إلى أكبر حد... محمد ابتعد عني بمعنى الكلمة وكل واحد بجهة ولا نحجي شيء.... جنت كل يوم اشوف الشخص الي احبة كدامي وهوه مبتعد عني وكارهني ومو طايق يشوف وجهي.. مجرد وحده على أسمة ولا حتى أهما... واني المضلومة الي ما سويت شيء وكل ما اكله مو اني الي هيج سويت ميصدك بية تعبت تعبت كلش.. وهوه فاهمني غلط ارجع واكول اكيد حيجي يوم ويعرف ويتندم على كل كلمة جرحني بيها.. واني ما عندي دليل يثبت آلة انو اني بريئة.. واكيد اي شخص تحط كدامة هيج شيء يصدك ما عدا الي فعلا يوثق بهل الشخص بس احنا إنهدمت الثقة قبل ما نبنيها........... الشيء الوحيد الي مصبرني هوه وجودة خلص مجرد اشوف الشخص الي احبة كدام عيني ويطب ويطلع.. يكفيني.. حتى لو ميحبني وكارهني خلص اني متحمة......
(( اخر شيء رجعوا من اربيل ضلوا اسبوع ورجعوا.. الي صار بهل الفترة.. انو مرت علي حامل وأسبوع الجاي راح يبلش الدوام.. واني ما اعرف اذا لحد الآن محمد يقبل أداوم.. وبس نفس الروتين العائلي.. ))
محمد : مر شهر واني وليان بعيدين عن بعد الى درجة وما نحجي بشيء نهايئة واني اتمنى من كل قلبي بكل لحضة اتكول " مو اني الي هيج سويت" اتمنى اصدكها لان اني حبيتها واني ما متقبل هل شيء من عدها... بس هم ارجع واكول لا هيه خذلتني وحاولت تستغلني بعواطفي.. بس طول هل الفترة اني متحمل بعدي عنها شكد عشكتها وحبيتها ياريت ما خذلتيني جان انطيتج احلى حب بعمرج ومراح ازعلج بيوم... بس طلع العكس لذا اني قررت قرار (راح تعرفوا بل البارت ) هذا الشيء الوحيد الي يخليني انساها... جانت اجمل بنية شفتها بحياتي من رقة وحب ودفو.. بس مع الاسف طلع قناع....
***********
****************
محمد : كعدت ساعة ٦ سبحت وبدلت ونزلت اتريكت وية علي وطلعنا للدوام..
ليان : كعدت الصبح ساعة 8 ونص سبحت و نزلت حضرت الريوك.
والكل نزلوا اتريكنا.. ((طبعا من صارت ذيج السالفة محمد منعني انو ما احضر ملابسة أو اكعد اسوي ريوك.. )) رحت نضفت البيت ونور راحت غسلت الاماعين رحت كعدت بل الصالة يمهم.. صار الشغل علية اكثر شيء لأن نادين حامل وما تكدر كلشي اتسوي ونور اصلا هية كوة اتسوي الشغلة فكلة علية.. كملت كلشي وصعدت بدلت ونزلت.. كعدت يم البنات..
نور : ليان تجين ويانة اليوم راح نروح لبيت خالتي "ام خالد... "
ليان : كلكم راح ترحون.؟
نور : امي وأبوي ونادين علي يمكن ما يروح... ومحمد اصلا ما جان يروح ويانة.. بعد ماادري تجين انتي حتى تشوفين اختج..
ليان : (بكلبي مادام هوه ميروح يعني ما اروح.. )
ماشي عود اكله..
نادين : اكول ليان..
