(قراءة ممتعة)
ليان : كملنة والكل طلع بقوا بس أهل محمد ابوي جلب بيهم يبقون للعشة ما قبلوا وراحو.. صعدت بدلت وارتاحيت شوية ضليت بغرفتي اكلب بل التلفون سمعت صوت الباب دينكك.. سمعت صوت مصطفى..
مصطفى : عادي افوت؟؟
ليان : تفضل( طبعا ابد محجينة شيء طول هذي الفترة)
اريد احجي وياة بس اكول لو ايريد جان هوه حجة وياي..
مصطفى : ها شدسوين..
ليان : كاعدة ما عندي شيء..
مصطفى : اني جيت دا اعتذر منج لان محجيت وياج واني اسفة.. اذا وزعلتج بكلمة..
ليان : كبل رحت حضنتة وكتلة لا تعتذر ما صار شيء..
مصطفى : يعني نرجع مثل قبل..
ليان : وليش منرجع مثل قبل.ضحكنة وكعدنة انسولف ونضحك.. طلع مصطفى من الغرفة طبعا كلش ارتاحيت لان جنت ضايجة من هل الموضوع.. ونمت.. من وكت لان باجر العقد المحكمة
________
محمد : طلعنة من عدهم رادوا نبقة على العشة بس ابوي ما قبل.. وصلنة للبيت. اني كبل رحت لغرفتي اريد ارتاح لان كلش تعبت.. ضليت افكر باليوم كله.. شكل ليان.. ضحكتة.. عيونة.. كل تفاصيله مدا اتروح من بالي كل ما اغمض عيني تجي أبالي.. تعبت من التفكير ونمت.. وباجر العقد..
_________
( بيت ليان )
ليان : صار الصبح كعدت من وكت.. ب٧ وربع.. فتحت التلفون. ركيت ١٠ مكالمات من رقم ما اعرفة.. قبل ربع ساعه يعني ب٧ متصل.. غلست وعفت التلفون..
توني دكوم اروح للحمام.. ودك التلفون.. لزمتة ارد لو ما ارد.. كلت خل ارد اشوف منو. قابل حياكلني.. رديت
الو منو تفضل..
____________
(بيت محمد)
محمد : كعدت من وكت ب٦ونص سبحت وكملت.. ردت أدك على رقم ليان بس ما عندي حتى اكلهه اجيج ب٨ ونص.. خل اروح اسئل نور يمكن عده رقمه.. كعدت نور وسئلته كالت اي عندي هسه ادزة..كلت خاف عيب اتصل من الصبح كلت اكيد هيه راح تكعد من وكت. دكيت ب٧ مردت ضليت ادك عصبت حتى لو نايمة جان كعدت على صوت التلفون. ورة ربع ساعه رجعت دكيت.. وردت.
ليان : الو منو تفضل.
محمد : هاي اني محمد. ليش مجاوبين مو دا ادك صار كومة وينج ؟
ليان : ( بكلبي انصدمت متوقعت من عدنة منين اخذ رقمي..ادري واحد ايكول صباح الخير من الصبح رزايل..اوف) جنت نايمة وحاطة التلفون صامت..
محمد : ليش مو تدرين عندج عقد اليوم. غير اتكعدين من وكت.
ليان : امبلة ادري.. ترة كعدت ب٧ وضليت بل الفراش وفتحت التلفون توني..
محمد : يلة هسه لتضلنين اتبريرين..
ليان : مدا ابرر الك اني. ما احب واحد يفهم غلط..
محمد : ما اتوقع اني فاهم غلط..
ليان : بكيفك لعد.. حجيت الي عندي. انتة وضميرك..
محمد : المهم هسه اجيج الساعه ب٨ ونص حتى نروح من وكت.
