((قراءة ممتعة..))
((بعد مرور فترة زمنية..))
محمد : خلصت دوامي ورحت لبيت اهلي... دخلت للبيت شفتي اهلي كاعدين بل الصالة و وجوهم مكلوبة !... السلام عليكم !
ليث : هلا ابني..
محمد : خير صاير شيء.. انتبهت ليان ماكو.. ليان وين !
ليث : جا ابوها واثنين من عمامها وأخذها..
محمد : شنو اخذها ! شوكت ؟ وليش ؟
ليث : حاولت أمنعة ومكدرت..
محمد : ليش مكلتولي ؟
ليث : كلت خاف تنفعل وتسوي شيء....
محمد : عصبت وصيحت.. طبعا انفعل..
ليث : على كيفك ابني..
محمد : وبعدين على يا اساس يأخذوها اذا هيه متريد..
ليث : اي غصب..
نور : محمد جيبها لا يسون بيها شيء..
محمد : ليش سوو شيء!؟
نور : سحبوها من شعرها واذوها لان متريد تروح وياهم..
محمد : دمي فار.. ومااعرف شنو اسوي.. طلعت بسرعة..
ليث : محمد وين تروح !؟
محمد : اجيب مرتي... رحت ركبت السيارة.. وأبوي هم صعد السيارة وياي.. يأبة ميحتاج تجي اني اروح واجيبها. .
ليث : لا اني هم اجي وياك..
محمد : تجاهلت الكلام.. لان ماريد اضيع الوقت.. ادري هسه ليان خايفة وحدها وتنتظر اجيها..
ليث : ابني على كيفك وهدي اعصابك..
محمد : ماادري ولا اتحمل..
ليث : ابني اسمعني.. ترة تعصيبك هذا مراح يفيدك بشيء بل العكس يضرك... وكف السيارة دا احجي وياك..
محمد : اسمعك..
ليث : لا ميصير وكف يلا..
محمد : وكفت السيارة.. ودا احاول أهدأ..
ليث : شوف هسه اذا تروح هيج وبهذي العصبية.. راح يعاندون بعد أكثر وأكثر.. هدي نفسك وتحكم بيها.. احنا نريد نأخذها مناك مو نتعارك وياهم..
(طبعا ابو محمد ميعرف السالفة مال غسان.. بس يعرف انو دخلو واحد من اولاد عمها للسجن.. بس التفاصيل ميعرفها... ))
محمد : الموضوع معقد أكثر مما تتصور..
ليث : ليش ؟!
محمد : سالفة طويلة ومعقدة..
ليث : والله ماعرفت شكول..
محمد : الي يهمني ليان ترجع يمي وبس..
