((قراءة ممتعة..))
محمد : وصلنا للبيت الكل مجتمعين بل الصالة..
ليان : وصلنا للبيت...
محمد وليان : السلام عليكم..
الكل : وعليكم السلام..
ليان : سلمنا عليهم... رحنا كعدنا ضلينا نحجي على باجر..
محمد : كعدنا يمهم..
نادين : الله يسهل حبيبتي ويكومج بل السلامة..
ليان : شكرا..
رائ : يمة اني اجي وياج.
ليان : خاف ما تكدرين تضلين أهنأك..
رائ : لا يمة لعد منو يبقى وياج خاف تحتاجين شيء..
ليان : ماشي.. عمة عادي اصعد فوك..
رائ : روحي يمة ارتاحي..
ليان : صعدت فوك.. رحت بدلت لبست تراك ابيض.. وكعدت بل الصالة.. وكلش ضايجة واكول ليش فرحتي ما كملت ردت ابلش حياة جديد.. ليش بكلشي ماعندي حظ.. ياربي تعبت.. اخذني التفكير لمحمد اكول اكيد هيج وياي لان مقهور علية وبس اخلص العملية حيرجع مثل قبل.. مااريد اعيش بوهم.. راسي كام يوجعني اصلا انسطرت من الصبح لسةظ... رحت اخذت دوة ومددت على الفراش كلت بلكت انام شوية..
محمد : ليان صعدت ضليت كاعد جوة.. فات الوكت وصعدت.. رحت للغرفة شفت ليان على الفراش بس ما نايمة.. شفتها وجها اصفر وتعبانة... رحت كعدت على الفراش يمها.. ليان بيج شيء يوجعج شيء.. ؟
ليان : دخل محمد للغرفة...لا مابية شيء بس تعبانة وراسي يوجعني..
محمد : جوعانة تردين شيء ؟
ليان : لا ما أشتهي..
محمد : فد شوية اكلي..
ليان : ماشي.. محمد ...
محمد : هااا..
ليان : اشلون اداوم..
محمد : اني اروح للمدرسة اخذلج إجازة مرضية.. شوف اشكد راح تنطيج الدكتورة راحة..
ليان : بس شكد راح يفوتني دروس..
محمد : تردين اخذلج ادروس..
ليان : لا ما اريد..
محمد : لعد اشلون تلحكين تقرين الي فات وتمشين وياهم وانتي سادس..
ليان : ماادري..
محمد : مو بكيفج.. شوفي المواد الي تحتاجين بيها دورس اخذلج..
ليان : محمد حتى على الدورس اشوكت ارجع من الدوام واشوكت اروح واجي ماعندي وكت.. واريد اقرة.. واكيد يحتاجوني بل البيت..
محمد : لا تعصبيني.. هذا الي يهمج.. ؟!
ليان : اي..
محمد : كافي سدي الموضوع.. بعدين نحجي..
