حبه يكفيني

البارت 13

((قراءة ممتعة..))

ليان : كعدت الصبح على صلاة الفجر (طبعا اني من تزوجت لليوم ما صليت ماادري جيف المكان اتغير بس هسه راح احاول ارجع.. ) كعدت اتوضيت وصليت ورجعت نمت..

محمد : حسيت على ليان كعدت على صلاة الفجر.. جنت كلش تعبان لان تعبت بل الشغل البارحة بل الليل.. كملت ليان صلاته ورجعت نامت.. كلت خل اكوم اصلي قبل ما يطلع الضوة.. توضيت وصليت ورجعت نمت..

___________
ليان : كعدت الصبح ب٧ونص كعدت لكيت محمد ماكو اعتقد كعد من زمان غسلت وبدلت لبست تراك ماروني ونزلت..

محمد : نمت وره الصلاة وكعدت بل ٧ شفت ليان نايمة جنه ملاك.. كلبي ما انطاني اكعده رحت سبحت و لبست تراك ونزلت.. حضرت الريوك.. جتي ليان.

ليان : صباح الخير..

محمد : صباح النور..

ليان : ليش ما كعدتني اني احضر الريوك..

محمد :عادي مو كل مرة انتي تحضري.. خل احضرة اني..

ليان : (بكلبي يا الله ليش هيج كل ما يحجي محمد هيج احسن نفسي محظوظة بمحمد مااعرف ليش نكدر انكول شعور ).. ابتسمت..

محمد : اذا نعسانة روحي نامي.. كملت كلشي بس يكعد علي ونتريك ونروح.

ليان : لا بعد نومت عيني طارت.. خليني أهنأ..

محمد : على راحتج..

ليان :  شفت أشكال محضر عبالك واحد كل يومية يكعد يسوي ريوك.. استغربت.. عادي اسئل سؤال..

محمد : الله يسر شنو كولي.. ؟

ليان : مبين عليك تعرف تطبخ.. بس نفس الوقت ما أتخيلك تدخل مطبخ وتطبخ.. يعني دائما لازم الاكل محضر بدون ما انتة تدخل. 

محمد : هوه اني اعرف اطبخ.. الحمد الله..

ليان : منين تعرف..

محمد : بل الحقيقة اني عشت فترة ابيت وحدي.. فااعرف اطبخ وماشي حالي..

ليان : وااو حبيت.. ليش لعد جيت عشت أهنأ..

محمد : اسئلتج كثرانة.. بس راح اجاوبج.. ابوي دائما ايريد العائلة مجتمعة مو كل واحد ابيت وحده.. فاني من كتلهم راح اطلع بل البداية ما قبلوا بس اني اكيد اصريت وطلعت من البيت.. ضليت فترة ابوي كالي تعال ارجع ومن هل الحجي.. ورجعت..

ليان : اممم..

محمد : خلصتي..
ليان : اكو كم سؤال بس خل اسكت احسن..

محمد : اي ياريت..

علي : كعدت من النوم ونزلت مالكيت أحد رحت للمطبخ شفت ليان ومحمد.. احم احم..

محمد : جا علي..

علي : صباح الخير.

محمد وليان : صباح النور..