حبه يكفيني

بارت 35

((قراءة ممتعة))

بعد مرور فترة زمنية..

ليان: وصلنا للمستشفى.. واني كضيت الطريق كله ابجي ما اعرف شفكر واحس.. سئلنا وكالوا بل العملية.. حسيت كلشي ما اريد من الدنيا غير اشوف محمد زين وما بي شيء.. ضلينا ننتظر عمتي ضلت تبجي وتدعي.. واني ضليت صفنة تجيبني وصفنة توديني.. وكفت يم الباب (بكلبي.. يلا حبيبي انتة وعدتني متعوفني وحدي.. بعدين اني شتاقتيتلك وانتة هم تشتاقلي.. ماعندي غيرك اذا انتة ماكو اني هم ما اسوة شيء.. ولا الي احد غيرك.. يلا يا روحي انتة.. ) محيسيت الا على صوت عمتي..

رائ : بنتي..

ليان : ها..

رائ : يمة تعبتي انتي.. وتاخر الوقت هم.. هلي علي يوديج للبيت ترتاحين..

ليان : لا اني اضل هنا..

رائ : احنا نضل اني وعمج.. انتي روحي شوفي شون صرتي.. ميصير بنتي روحي ارتاحي..

ليان : عمة والله ما اكدر راحتي بس محمد يتحسن.. واني اضل هنا وما اروح..

رائ : ماشي بنتي.. تردين شيء تاكلي..

ليان : لا كلشي ما اشتهي..

رائ : ماشي..

ليان : ورة شوية والدكتور طلع..

ليث : بشرنا دكتور..

الدكتور : الحمد الله كدرنا نسيطر على حالتة بصعوبة لان الضربة صايرة بمنطقة الصدر واحمدوا ربكم ما متاذي براسة.. بل الاضافة للكسر الي برجلة بس يلتحم بل التجبير.. والرضوض هم سهلة بمرور الوقت تتعالج..

ليان : الف الحمد الله والشكر..

الكل : الحمد الله..

ليان : شوكت يكعد..

الدكتور : هسه تحت تاثير البنج.. فد ساعتين ويكعد.. تكدرون تشوفوا بس من ينقلوا للغرفة بس الافضل ما تضلون هواي..

ليان : ماشي..

الدكتور : افضل انو ترحون ويضل شخص واحد احسن بل السلامة مرة ثانية..

الكل : الله يسلمك..

ليان : بجيت من الفرحة.. الحمد الله ياربي.. حطيت ايدي على كلبي واني ارجف وابجي..

رائ : كافي بنتي هلكتي نفسج بل البجي..

ليان : مسحت دموعي.. الحمد الله..

رائ : الحمد الله..

ليان : اتذكرت محمد من ميخليني ابجي.. نقلوا للغرفة وكلنا رحنا وشفنا.. شفتة سودة علية كلش متاذي والجروح تارسة صدرة.. دخلوا كلهم واني ستحيت.. ضلوا شوية وطلعوا.. واني بساع لزمت ايد محمد وبجيت.. حبيبي لو تدري شكد خوفتني عليك.. حطيت ايدي على خدة فترة وتصير زين واحسن من قبل يا روحي انتة.. الدكتور كال لا تضلون هواي اني طلعت برة.. وشفتهم برة..