حبه يكفيني

بارت 28

((قراءة ممتعة.. ))

"صباح ثاني يوم.."
محمد : كعدت الصبح ساعة بل 8 ونص.. كعدت كلش تعبان وليان بعدها نايمة وغركانة بل النوم.. كمت طبيت للحمام غسلت وطلعت.. رحت دا اكعد ليان.. كعدت على الفراش و وخرت شعرها من وجها.. ليان شو يله كعدي...

ليان : مجنت حاسه بنفسي اله محمد يكعدني.. فتحت عيني وشفت محمد يمي.. صباح الخير..

محمد : صباح النور..

ليان : اخخ راسي حيموتني..

محمد : لان تعبتي من البارحة هسه كعدي تريكي واخذي دوش وتصيرين زينة..

ليان : اي.. محمد

محمد : ها عمري..

ليان : ماادري شكول..

محمد : على شنو ؟

ليان : على اهلي.. شتكول صح رحنا البارحة.. انتة تعرف شنو شون ضلموني.. وحاولت آنسى كلش لان مثل ما همه ميردوني ولا يسئلون علية.. اني هم ما اسئل عليهم..محم

محمد : شون يصير هيج حبيبتي.. بعدين راح اكول لاهلي واكيد راح يرحلوهم.. لو مهما يكون يبقون اهلج..

ليان : متكدر تفهمني..

محمد : امبلة اعرف شنو تفكرين..

ليان : لعد ليش تكلي العكس..

محمد : اني مدا اعاندج.. اني دا احاول افهمج على الشيء الي اشوفه صح..

ليان : لارد..

محمد : بعدين انتي بس فكري وكولي هذول ابوي وامي ...عشتي عمرج وياهم هم الهم حق عليج.. واني اعرف لو صار شيء موزين لسامح الله لابوي جان مو هذا حالج.. لا تخسرين الوقت يجوز اليوم موجودين باجر لا.. حتى لا تتندمين بعدين وتكولين مسئلت عليهم ولا رحت عليهم..

ليان : محسيت بنفس اله ابجي وفعلا كلام محمد اثر بية...

محمد : حطيت ايدي على خدها ومسحت دموعها.. وطبعا انتي اكيد وياج الحق مأكول انتي الغلط لا مستحيل.. همه الي غلطوا وياج وضلموج واني اكثر واحد اعرف.. بس مع هذا لازم تعوفين كلشي.. وبس تكولين هذول ابوي وامي..

ليان : وإذا همه ميردون اصلا يشوفوني ولا اسئل عليهم..

محمد : اكلج شغلة ماكو اب وأم يكرهون اولادهم حتى اذا جانو غلطانين.. بس العديمين الرحمة الي ميستاهلون يكونون اب وأم.. انتي سوي الي عليج وارتاحي وريحي ضميرج..

ليان : وإذا كسروني مره ثانية..

محمد : همه الي غلطانين مو انتي.. انتي سويتي الي عليج وخلص..وبعدين شنو يكسروج انتي تنكسرين واني موجود.. اني ادري بيج انتي قوية مثل ما تجاهلتيهم هل الفتره كلها.. ترجعين تجاهليهم وتنسيهم.. واني ادري بيج تكدرين..